സിനിമാതാരങ്ങളുടെ വ്യക്തി ജീവിതത്തെ കുറിച്ചറിയാൻ താല്പര്യകൂടുതലുള്ളവരാണ് മലയാളികൾ. അതുപോലെ താരപുത്രിമാരെയും ആരാധകർ ഏറ്റെടുക്കാറുണ്ട്. അഭിനയിക്കും മുന്‍പേ താരങ്ങളായി മാറുന്നവരാണ് സിനിമാതാരങ്ങളുടെ മക്കൾ. ഭാവിയില്‍ ഇവരായിരിക്കും സിനിമയില്‍ തിളങ്ങുന്നതെന്ന വിലയിരുത്തലുകള്‍ തുടക്കം മുതൽ തന്നെ ചർച്ചയാകാറുമുണ്ട്.

അത്തരത്തിൽ പ്രേക്ഷകര്‍ക്ക് ഏറെ പ്രിയപ്പെട്ട താരപുത്രികളിലൊരാളാണ് മഹാലക്ഷ്മി ദിലീപ്. മലയാള സിനിമയിൽ ഏറ്റവും കൂടുതൽ വിവാദങ്ങളിലിടംപിടിച്ച താരദമ്പതികൾ ആരാണെന്ന് ചോദിച്ചാൽ സംശയമില്ലാതെ ഒരുത്തരം പറയാം . ദിലീപും കാവ്യാ മാധവനുമായിരിക്കും .വിവാഹത്തിനും ഏറെ വര്‍ഷങ്ങള്‍ക്ക് മുന്‍പ് തന്നെ ഇരുവരും ഗോസിപ്പ് കോളങ്ങളില്‍ നിറഞ്ഞ് നിന്നിരുന്നു. ദിലീപും കാവ്യ മാധവനും വിവാഹിതരായെന്ന തരത്തില്‍ പലപ്പോഴും വാര്‍ത്തകളും വന്നിരുന്നെങ്കിലും 2016 നവംബറില്‍ അതവസാനിച്ചു. 2018ലാണ് ഇരുവർക്കും മഹാലക്ഷ്മി ജനിക്കുന്നത്. താരദമ്പതികളുടെ പ്രതിസന്ധികള്‍ക്കിടയിലായിരുന്നു ആ കുഞ്ഞതിഥിയുടെ വരവ്.

സോഷ്യൽ മീഡിയയിൽ ഇരുവരും അത്ര സജീവമല്ല എങ്കിലും തങ്ങളുടെ ജീവിതത്തിലെ പ്രധാനപ്പെട്ട വിശേഷങ്ങൾ എല്ലാം ആരാധകരുമായി പങ്കുവയ്ക്കാൻ താരദമ്പതികൾ ശ്രമിക്കാറുണ്ട്. മഹാലക്ഷ്മിയുടെ ഒന്നാം പിറന്നാളിന്റെയും ആദ്യാക്ഷരം കുറിച്ചതിന്റെയുമൊക്കെ ചിത്രങ്ങൾ ദിലീപ് ഫേസ്ബുക്കിലൂടെ പങ്കുവെച്ചിരുന്നു. ഏറെ സന്തോഷത്തോടെയാണ് ആരാധകർ ഈ ചിത്രങ്ങളെല്ലാം സ്വീകരിച്ചത്.

ദിലീപിൻറെ മൂത്തമകൾ മീനാക്ഷിയും കുഞ്ഞനുജത്തിക്ക് ഒപ്പമുള്ള ചിത്രങ്ങൾ ഇടയ്ക്കൊക്കെ പങ്കുവയ്ക്കാറുണ്ട്. ദിലീപിനൊപ്പമാണ് മീനാക്ഷിയും താമസിക്കുന്നത്. കോയമ്പത്തൂരിൽ ഇപ്പോൾ മെഡിസിൻ പഠനത്തിൻറെ തിരക്കിലാണ് മീനാക്ഷി. വീട്ടിൽ പ്രധാനപ്പെട്ട വിശേഷങ്ങൾ നടക്കുമ്പോൾ മാത്രമാണ് മീനാക്ഷി ഇപ്പോൾ നാട്ടിലേക്ക് വരാറ്. കാവ്യയുടെ ബർത്ത് ഡേ ആഘോഷങ്ങൾക്കും മീനാക്ഷിയുടെ ആദ്യാക്ഷരം കുറിക്കൽ ചടങ്ങിനും ആണ് അവസാനമായി മീനാക്ഷി നാട്ടിലെത്തിയത്.

ഇപ്പോഴിതാ കാവ്യയ്ക്കും മഹാലക്ഷ്മിയ്ക്കുമൊപ്പം ദുബായിൽ കറങ്ങാൻ എത്തിയ ദിലീപിൻറെ ചിത്രങ്ങളാണ് സമൂഹമാധ്യമങ്ങൾ വൈറലാകുന്നത്. ദുബായ് എക്സ്പോയിൽ പങ്കെടുക്കാനാണ് കുടുംബസമേതം ദിലീപ് ദുബായിൽ എത്തിയിരിക്കുന്നത്. എക്സ്പോയിൽ പങ്കെടുക്കുന്നതിന് ഇടയിലുള്ള രസകരമായ ഒരു വീഡിയോയാണ് ഇപ്പോൾ സോഷ്യൽ മീഡിയയിൽ വൈറലാകുന്നത്.

ഒരു പരിപാടിയിൽ പങ്കെടുക്കുന്ന കാവ്യയുടേയും ദിലീപിന്റെയും കയ്യിൽ ആരോടും മിണ്ടാതെ പിണങ്ങിയിരിക്കുന്ന മഹാലക്ഷ്മി ആണ് വീഡിയോയിലെ താരം. മഹാലക്ഷ്മിയെ കളിപ്പിക്കാൻ പലരും ശ്രമിക്കുന്നുണ്ടെങ്കിലും ആരോടും മിണ്ടാതെ അല്പം ഗൗരവത്തിലാണ് മഹാലക്ഷ്മിയുടെ ഇരുപ്പ്. ഏതായാലും വീഡിയോ ഇതിനോടകം തന്നെ സോഷ്യൽ മീഡിയയിൽ വൈറലായി കഴിഞ്ഞു. താരദമ്പതിമാരുടെ ഫാൻസ്‌ ഗ്രൂപ്പുകളിലൂടെയും മറ്റും ആരാധകർ മാമാട്ടിക്കുട്ടിയുടെ വീഡിയോ ഏറ്റെടുത്തിരിക്കുകയാണ്.