എനിക്ക് ഹോം സിനിമ വളരെയധികം ഇഷ്ടപ്പെട്ടു! ഈ ചിത്രം കണ്ടതിന് ശേഷം എനിക്ക് ഇന്ദ്രന്സേട്ടനെ കെട്ടിപ്പിടിക്കാനും ചുംബിക്കാനും തോന്നി! ദയവായി നിങ്ങളുടെ കുടുംബത്തോടൊപ്പം ഇത് കാണുക... ഇന്ദ്രന്സ് നായകനായി എത്തിയ ഹോം സിനിമയെ അഭിനന്ദിച്ച് നടന് സിദ്ധാര്ത്ഥ്...
മലയാളികളുടെ എക്കാലത്തെയും സ്പേർ ഹിറ്റ് താരമാണ് ഇന്ദ്രൻസ്. ഇപ്പോഴിതാ ഇന്ദ്രന്സ് നായകനായി എത്തിയ ഹോം സിനിമയെ വാനോളം പുകഴ്ത്തി നടന് സിദ്ധാര്ത്ഥ് രംഗത്തെത്തിയിരിക്കുകയാണ്.
സിദ്ധാര്ത്ഥിന്റെ പോസ്റ്റ് ഇങ്ങനെ...
‘എനിക്ക് ഹോം സിനിമ വളരെയധികം ഇഷ്ടപ്പെട്ടു!
ഇന്ദ്രന്സ് ചേട്ടന് എന്റെ പ്രിയപ്പെട്ട നടന്മാരില് ഒരാളാണ്. ഈ ചിത്രം കണ്ടതിന് ശേഷം എനിക്ക് ഇന്ദ്രന്സേട്ടനെ കെട്ടിപ്പിടിക്കാനും ചുംബിക്കാനും തോന്നി. എങ്ങനെ അഭിനയിക്കണമെന്നും അര്ത്ഥവത്തായ സിനിമകള് നിര്മ്മിക്കണമെന്നും പഠിപ്പിക്കുന്ന മുതിര്ന്ന അഭിനേതാക്കള് ഇപ്പോഴും നമുക്കുള്ളതില് ദൈവത്തിന് നന്ദി.
ദയവായി നിങ്ങളുടെ കുടുംബത്തോടൊപ്പം ഇത് കാണുക. കേരളത്തില് നിന്ന് വിസ്മയിപ്പിക്കുന്ന ഒരുപാട് സിനിമകള് വരുന്നുണ്ട്. ഒരു കലാകാരനെന്ന നിലയില് ഞാന് ആരാധിക്കുന്ന ശ്രീനാഥ് ഭാസിയോട് സ്നേഹം. ഈ ചിത്രത്തിനായി ഒത്തുചേര്ന്ന എല്ലാ ഹൃദയങ്ങള്ക്കും മനസ്സുകള്ക്കും വലിയ ആദരം. നിങ്ങളെല്ലാവരും ഊഷ്മളമായ ആലിംഗനം അര്ഹിക്കുന്നു’. എന്നിങ്ങനെയായിരുന്നു പോസ്റ്റ്.
റോജിന് തോമസ് രചനയും സംവിധാനവും നിര്വഹിച്ച ഹോമിൽ ഒലിവര് ട്വിസ്റ്റ് എന്ന കഥാപാത്രത്തെയാണ് ഇന്ദ്രന്സ് അവതരിപ്പിച്ചത്. ആമസോണിലൂടെ പ്രേക്ഷകരിലെത്തിയ ചിത്രത്തിന്റെ നിര്മ്മാണം വിജയ് ബാബുവാണ്. സാങ്കേതിക പരിജ്ഞാനം കുറഞ്ഞ ഒലിവര് ട്വിസ്റ്റ് എന്ന ഒരു പിതാവിന്റെ കഥ പറയുന്നതാണ് ഹോം.
പുതുതലമുറക്കാരായ തന്റെ മക്കളുമായി അടുക്കാന് വെമ്പുന്ന അച്ഛന്റെ വേഷമാണ് ഇന്ദ്രന്സ് ഇതില് ചെയ്യുന്നത്. ഇന്ദ്രന്സിനെ കൂടാതെ ശ്രീനാഥ് ഭാസി, വിജയ്ബാബു, മഞ്ജു പിള്ള, നസ്ലന്, കൈനകരി തങ്കരാജ്, കെപിഎസി ലളിത, ശ്രീകാന്ത് മുരളി, ജോണി ആന്റണി, പോളി വില്സണ്, മണിയന്പിള്ള രാജു, അനൂപ് മേനോന്, അജു വര്ഗീസ്, കിരണ് അരവിന്ദാക്ഷന്, ചിത്ര, പ്രിയങ്ക നായര് എന്നിവരും പ്രധാന വേഷങ്ങളില് എത്തുന്നു.
https://www.facebook.com/Malayalivartha
