ശാലീന സുന്ദരിയായിവന്ന് മലയാളി പ്രക്ഷകരുടെ പ്രിയങ്കരിയായ നടിയാണ് അമ്പിളി ദേവി. നൃത്തത്തിലൂടെയും അഭിനയത്തിലൂടെയും ആരാധകരെ വിസ്‍മയിപ്പിച്ച നടി. അടുത്തിടെ നടന്ന മധുരം ശോഭനം പരിപാടിയിൽ മനോഹരമായ നൃത്തചുവടുകളോടെ അമ്പിളി എത്തിയത് ഏറെ ശ്രദ്ധേയമായിരുന്നു. എന്നാൽ ഇതിനിടയിലാണ് വിമർശനവുമായി ഒരാളുടെ കടന്നു വരവ്. മനോഹരമായ ചിത്രങ്ങൾ പങ്കിട്ടെത്തിയ അമ്പിളിക്ക് സദാചാരച്ചുവയോടെയാണ് ഒരാൾ കമന്റ് നൽകിയത്.

ഹിറ്റ്‌ലർ സിനിമയിലെ കിതച്ചെത്തും കാറ്റേ,,,കൊതിച്ചിപ്പൂം കാറ്റേ എന്ന ഗാനത്തിനാണ് മധുരം ശോഭനം ഷോയിൽ അമ്പിളി ദേവി നൃത്തം അവതരിപ്പിച്ചത്. പതിവിലും സുന്ദരിയായി എത്തിയ അമ്പിളിയുടെ ഒരു ചിത്രത്തിന് നേരെയാണ് വിമർശനം നടന്നത്.

വിമർശനത്തിന് തക്ക മറുപടി അമ്പിളിയും നടിയുടെ ആരാധകരും നൽകിയതോടെ കമന്റും ഡിലീറ്റ് ചെയ്തു. അടുത്ത കെട്ട് ഉടനെ ഉണ്ടോ', എന്നായിരുന്നു സദാചാര ചുവയോടെ ഒരാൾ കമന്റ് നൽകിയത്. എന്നാൽ അതോടെ ഒരുപറ്റം ആരാധകർ തന്നെ ഇയാൾക്ക് പൊങ്കാലയിട്ടുകൊണ്ട് രംഗത്ത് എത്തി. 'വേറെ ഒന്നിനും പോയില്ലല്ലോ കല്യാണമല്ലേ കഴിച്ചത്', 'ഒരാളെ വെറുതെ അപമാനിക്കാൻ ആർക്കും അവകാശമില്ല', എന്നും ആരാധകർ കമന്റുകൾ പങ്കിട്ടു.

വിമർശനത്തിന് തക്ക മറുപടി അമ്പിളിയും നൽകുകയുണ്ടായി. 'നാളെ ആണല്ലോ, ഉറപ്പായും വരണേ', എന്നാണ് അമ്പിളി നൽകിയ കലക്കൻ മറുപടി.പിന്നാലെ അരാധകർ ആശംസ താരത്തിന് ആശംസയുമായി രം​ഗത്തെത്തി. മനോഹരം. പ്രതിസന്ധികളിൽ പതറാതെ വീണ്ടും മുന്നോട്ടു പോകുന്നവർക്ക് സന്തോഷം തരുന്ന നന്മകൾ വന്നുചേരും. അമ്പിളിക്ക് ഇനിയും ഒരുപാട് കാര്യങ്ങൾ ചെയ്യാനുണ്ട്.

വിമർശകരെ പേടിച്ച് ഒഴിഞ്ഞു പോകണ്ട. നേരെ മുന്നോട്ടു നീങ്ങുക. ഒരു കലാകാരി എന്ന നിലയിലും ഒരു വ്യക്തി എന്ന നിലയിലും ഇനിയും ഒരുപാട് കാര്യങ്ങൾ ചെയ്യാനുണ്ട്. ആത്മബലത്തിന് ഈശ്വരനെ മാത്രം നമ്പുക, ആശംസകൾ എന്നുള്ള കമന്റുകളും അമ്പിളിക്ക് ലഭിക്കുന്നുണ്ട്.