ആക്രമണത്തിന് ഇരയായ നടിക്ക് പിന്തുണയുമായി താരങ്ങളെല്ലാം ​​രം​ഗത്തെത്തിയിരുന്നു. നടിയുടെ അടുത്ത സുഹൃത്തുക്കളിൽ ഒരാളായ സൈയനോരയും പിന്തുണ അറിയിച്ച് പരസ്യമായി രംഗത്തെത്തി. നടിയുടെ അടുത്ത സുഹൃത്തുക്കളിൽ മറ്റൊരാളായ ശില്‍പ ബാലയും പിന്തുണ അറിയിച്ചിരുന്നു.

ശില്‍പയുടെ ഇന്‍സ്റ്റഗ്രാം പോസ്റ്റിന് താഴെയായി നിരവധി പേരാണ് കമന്റുകള്‍ രേഖപ്പെടുത്തിയിട്ടുള്ളത്.കഴിഞ്ഞ 5 വര്‍ഷമായി അവളുടെ അടുത്തിരുന്ന അത് കണ്ടവര്‍ക്കേ അവളുടെ ബുദ്ധിമുട്ടിനെക്കുറിച്ച് അറിയൂ.

ഈ കുറിപ്പും ഇത്രയും പറയാനുണ്ടായ സാഹചര്യവും എന്താണെന്ന് കൃത്യമായി അറിയാം. ധീരവാന്‍മാരായ പോരാളികളെക്കുറിച്ച് വായനയിലൂടെ അറിഞ്ഞയാളാണ് ഞാന്‍. എന്നാല്‍ വിധി അത്തരത്തിലൊരാളെയാണ് എനിക്ക് മുന്നിലേക്ക് എത്തിച്ചത്. ഇതിലും വലിയൊരു പ്രചോദനം തനിക്ക് ലഭിക്കാനില്ലെന്നും ശില്‍പ ബാല ഇന്‍സ്റ്റഗ്രാമില്‍ കുറിച്ചിട്ടുണ്ട്.

അവളോടൊപ്പം നില്‍ക്കുന്ന എല്ല നല്ല മനസുകളോടും നന്ദി പറയുന്നു. ആ പിന്തുണ അവള്‍ക്ക് നല്‍കുന്ന ആശ്വാസത്തെക്കുറിച്ച് പറയാന്‍ വാക്കുകളില്ല. നിങ്ങള്‍ വിചാരിക്കുന്നതിനേക്കാളും കൂടുതല്‍ കാര്യങ്ങളാണ് നിങ്ങള്‍ തന്നെ ചെയ്യുന്നത്. ഞങ്ങള്‍ക്കത് ആവശ്യമാണ്. ഇവിടെയുള്ള എല്ലാ പെണ്‍കുട്ടികള്‍ക്കും അതാവശ്യമാണ് എന്നുമാണ് ശില്‍പ ബാല ഇന്‍സ്റ്റഗ്രാമില്‍ കുറിച്ചത്.