ഒരു കാലത്ത് മലയാളികളുടെ പ്രിയപ്പെട്ട നായികയായിരുന്നു മേനകാ സുരേഷ്. എന്നാൽ ഇപ്പോളിതാ മേനകയുടെ മകൾ കീർത്തി സുരേഷും അതേപോലെ പ്രേക്ഷകർക്ക് പ്രിയപ്പെട്ടവളായി മാറിയിരിക്കുന്നു. മകള്‍ സിനിമയിലേക്കെത്തിയപ്പോള്‍ നല്‍കിയ ഉപദേശങ്ങളെ കുറിച്ച് മേനക വെളിപ്പെടുത്തിയിരിക്കുകയാണ് .

വിലയേറിയ ഉപദേശങ്ങളാണ് കീർത്തിക്ക് മേനക സുരേഷ് കൊടുത്തത്. മകള്‍ കീര്‍ത്തി സിനിമയിലേക്ക് എത്തിയതിന് ശേഷം രണ്ട് ഉപദേശമാണ് കൊടുത്തിട്ടുള്ളത്. ഒന്ന് സമയം പാലിക്കുക. രണ്ട് ചെറിയ ആള്‍ മുതല്‍ വലിയ ആളുടെ അടുത്തും ഒരുപോലെ പെരുമാറുക എന്നുമാണ്. അഭിനയം വന്നില്ലെങ്കിലൊന്നും ഒരു പ്രശ്‌നവുമില്ല. മേനകയുടെ മോള്‍ക്ക് അഭിനയം വന്നില്ല അത്രയേ അവർ പറയുകയുള്ളു.

അവള്‍ക്ക് വിദ്യഭ്യാസമൊക്കെ ഉള്ളത് കൊണ്ട് അതൊന്നും പ്രശ്‌നമായി മാറില്ല . പക്ഷേ ചീത്തപ്പേര് മാത്രം വാങ്ങരുത് എന്നും മകളോട് താൻ പറഞ്ഞു കൊടുത്തിട്ടുണ്ടെന്നും മേനക വ്യക്തമാക്കി . കാരണം അത് ഞാന്‍ സമ്പാദിച്ച് വെച്ചതാണെന്ന് പറഞ്ഞിട്ടുണ്ട്. ഞാന്‍ ആഗ്രഹിച്ച് വാങ്ങിയതാണ്ഈ ജീവിതം.

കല്യാണം കഴിഞ്ഞ് കുടുംബമായി ജീവിക്കാനാണ് ആഗ്രഹിച്ചത്. ഇപ്പോള്‍ ഞാന്‍ വളരെ സന്തോഷവതിയായാണ് ജീവിക്കുന്നത്. കീര്‍ത്തിയൊക്കെ ജനിച്ച സമയത്ത് ഡാന്‍സ് പ്രാക്ടീസൊക്കെ ചെയ്യാന്‍ പോയിട്ടുണ്ട്. പിന്നെ പെയിന്റിങ്ങിനൊക്കെ താന്‍ സമയം കണ്ടെത്തുമായിരുന്നുവെന്നും മേനക തുറന്നടിച്ചു. ഒരുകാലത്തെ ഹിറ്റ് നായിക തന്നെയായിരുന്നു മേനകാ .