മമ്മൂട്ടിയ്ക്ക് പിന്നാലെ നടന്‍ ദുല്‍ഖര്‍ സല്‍മാന്കോവിഡ് സ്ഥിരീകരിച്ചു. ദുല്‍ഖര്‍ തന്നെയാണ് സമൂഹ മാധ്യമങ്ങളിലൂടെ ഇക്കാര്യം അറിയിച്ചത്.  ഇപ്പോൾ വീട്ടില്‍ ഐസൊലേഷനില്‍ കഴിയുകയാണ്. നേരിയ പനിയുടെ ലക്ഷണങ്ങള്‍ മാത്രമാണുള്ളതെന്നും മറ്റ് പ്രശ്‌നങ്ങള്‍ ഇല്ലെന്നും ദുല്‍ഖര്‍ ഫേസ്ബുക്കില്‍ കുറിച്ചു. കഴിഞ്ഞ ഏതാനും ദിവസങ്ങളായി താനുമായി സമ്പര്‍ക്കത്തില്‍ വന്നവര്‍ ഐസൊലേഷനില്‍ കഴിയണമെന്നും ലക്ഷണങ്ങള്‍ കണ്ടെത്തിയാല്‍ പരിശോധിക്കണമെന്നും അദ്ദേഹം ആവശ്യപ്പെട്ടു. മഹാമാരി അവസാനിച്ചിട്ടില്ലെന്നും എല്ലാവരും ജാഗ്രത പുലര്‍ത്തണമെന്നും പറഞ്ഞ ദുല്‍ഖര്‍ മാസ്‌ക് ധരിച്ച് എല്ലാവരും സുരക്ഷിതരാകണമെന്നും കൂട്ടിച്ചേര്‍ത്തു.