'പ്രശസ്തയായ ഒരു കലാകാരിയെ ഇത്തരം ദുര്ബലമായ ആശങ്കകളിലേക്ക് വലിച്ചിഴക്കരുത്'; മേപ്പടിയാന് ചിത്രത്തിന്റെ പോസ്റ്റര് മഞ്ജു വാര്യര് പങ്കുവച്ചതുമായി ബന്ധപ്പെട്ട് നടക്കുന്ന പ്രചരണങ്ങളില് പ്രതികരണവുമായി ഉണ്ണി മുകുന്ദന്
മേപ്പടിയാന് ചിത്രത്തിന്റെ പോസ്റ്റര് മഞ്ജു വാര്യര് പങ്കുവച്ചതുമായി ബന്ധപ്പെട്ട് നടക്കുന്ന പ്രചരണങ്ങളില് പ്രതികരണവുമായി എത്തിയിരിക്കുകയാണ് ഉണ്ണി മുകുന്ദന്. പങ്കുവച്ചിരുന്ന പോസ്റ്ററുകള് ഒരഴ്ചക്കകം നീക്കം ചെയ്യുമെന്ന് നേരത്തെ മഞ്ജു വാര്യരുടെ സോഷ്യല് മീഡിയ ടീം അറിയിച്ചുവെന്ന് ഉണ്ണി വ്യക്തമാക്കി. പ്രശസ്തയായ ഒരു കലാകാരിയെ ഇത്തരം വിവാദങ്ങളിലേക്ക് വലിച്ചിഴക്കരുതെന്ന് അഭ്യര്ത്ഥിക്കുന്നുവെന്നും ഉണ്ണി മുകുന്ദന് ഫേസ്ബുക്കില് കുറിച്ചു.
ഉണ്ണി മുകുന്ദന്റെ ഫേസ്ബുക്ക് പോസ്റ്റ്
ഹലോ സുഹൃത്തുക്കളെ,
മേപ്പടിയാന് എന്ന എന്റെ സിനിമയുടെ പ്രചരണാര്ത്ഥം മഞ്ജു ചേച്ചി പങ്കുവെച്ച ഒരു സൗഹാര്ദപരമായ പോസ്റ്റുമായി ബന്ധപ്പെട്ട് അനാവശ്യ വാര്ത്തകള് പ്രചരിക്കുന്നത് ശ്രദ്ധയില്പ്പെട്ടിട്ടുണ്ട്.
ഇത്തരത്തിലുള്ള ഏതെങ്കിലും റിലീസ് പോസ്റ്റുകള് അവരുടെ സോഷ്യല് മീഡിയ ഹാന്ഡിലില് നിന്ന് ഒരാഴ്ചയ്ക്ക് ശേഷം നീക്കം ചെയ്യുമെന്ന് മഞ്ജു വാര്യരുടെ സോഷ്യല് മീഡിയ ടീം മുന്കൂട്ടി അറിയിച്ചിരുന്നുവെന്ന് ഞാന് വ്യക്തമാക്കാന് ആഗ്രഹിക്കുന്നു.
അതിനാല് ഞങ്ങള് ഇവിടെ ഒരു പ്രശ്നവും കാണുന്നില്ല. പ്രശസ്തയായ ഒരു കലാകാരിയെ ഇത്തരം ദുര്ബലമായ ആശങ്കകളിലേക്ക് വലിച്ചിഴക്കരുത് എന്ന് അഭ്യര്ത്ഥിക്കുന്നു. ഈ പ്രശ്നങ്ങളുമായി ബന്ധപ്പെട്ട എല്ലാ ആശങ്കകളും ഇവിടെ അവസാനിക്കുമെന്ന് പ്രതീക്ഷിക്കുന്നു.
https://www.facebook.com/Malayalivartha