മോഹന്‍ലാലും പ്രിയദര്‍ശനുംഒന്നിച്ച നാല്പത്തിയേഴോളം മലയാളചിത്രങ്ങളുണ്ട്. അതില്‍ പകുതിയില്‍ ഏറെയും ഹിറ്റുകളും മലയാളികള്‍ ഇന്നും വീണ്ടും വീണ്ടും കാണാന്‍ ആഗ്രഹിക്കുന്നവയുമാണ്.

പ്രിയദര്‍ശന്റെ പിറന്നാള്‍ ആയിരുന്നു ഇന്ന്. രാവിലെ മുതല്‍ നിരവധി താരങ്ങളാണ് സംവിധായകന് സോഷ്യല്‍ മീഡിയയിലൂടെയും മറ്റും ആശംസകള്‍ നേര്‍ന്നത്. ഇപ്പോഴിതാ, പ്രിയ ചങ്ങാതിയ്ക്ക് ആശംസ നേര്‍ന്നിരിക്കുകയാണ് മോഹന്‍ലാലും.

പ്രിയദര്‍ശനൊപ്പമുള്ള ചിത്രം പങ്കുവെച്ചുകൊണ്ടാണ് ആശംസ. 'പ്രിയപ്പെട്ട പ്രിയന്, ജന്മദിനാശംസകള്‍' എന്നാണ് ചിത്രത്തിനൊപ്പം മോഹന്‍ലാല്‍ കുറിച്ചത്. മോഹന്‍ലാലിനെ നായകനാക്കിക്കൊണ്ടുള്ള മരക്കാര്‍: അറബിക്കടലിന്റെ സിംഹം ആണ് പ്രിയദര്‍ശന്റെ ഏറ്റവും ഒടുവില്‍ പുറത്തിറങ്ങിയ ചിത്രം.