തമിഴിലും മലയാളത്തിലും എല്ലാം ഒരേ സമയം പുറത്തിറങ്ങിയ സീരിയല്‍ ആണ് നന്ദിനി. സീരിയലിന്റെ സെറ്റില്‍ വച്ച് ട്രാന്‍സ് നായിക കത്രീന ഉണ്ടായ ക്രൂര അനുഭവം പങ്കുവച്ചിരിക്കുകയാണ്. ഈ സീരിയലില്‍ ട്രാന്‍സ്‌ജെന്റ് യുവതിയായി നടന്‍ റിയാസ് ഖാന്‍ അഭിനയിച്ചിരുന്നു. ഇന്ത്യഗ്ലിഡ്സ് തമിഴിന് വേണ്ടി റിയാസ് ഖാനെ അഭിമുഖം ചെയ്യാന്‍ വന്നതാണ് കത്രീന എന്ന നടി.

സുന്ദര്‍ സി ആണ് തന്നെ വിളിച്ച് ഇങ്ങനെ ഒരു റോള്‍ ഉണ്ട് എന്ന് പറഞ്ഞത്. കേട്ടപ്പോള്‍ വളരെ ഇന്‍ട്രസ്റ്റിങ് ആയി തോന്നി. ഒട്ടും ആലോചിക്കാതെയാണ് യെസ് പറഞ്ഞുവെന്നും റിയാസ് പറഞ്ഞു. സംവിധായകനോട് ചോദിച്ചപ്പോള്‍ കത്രീന സീരിയലില്‍ നിന്നും പെട്ടന്ന് പിന്മാറിയത് ഡേറ്റ് ഇല്ലാത്തത് കൊണ്ട് എന്നാണ് പറഞ്ഞത്. സത്യത്തില്‍ അത് തന്നെയാണോ കാരണം എന്ന് റിയാസ് ഖാന്‍ കത്രീനയോട് ചോദിച്ചു. അപ്പോഴാണ് നടി കണ്ണീരോടെ തന്റെ അനുഭവം റിയസിനോട് വെളിപ്പെടുത്തിയത്.

നിങ്ങള്‍ കൂടെ സെറ്റില്‍ ഉള്ള സമയത്താണ്, സംവിധായകന്റെ പേര് പറയാന്‍ ആഗ്രഹിക്കുന്നില്ല, അയാള്‍ മൈക്കിലൂടെ വിളിച്ച് ചോദിച്ചു 'മുകളില്‍' എന്താണ് ഉള്ളത് എന്ന്. സത്യത്തില്‍ അത് തന്നെയാണോ അദ്ദേഹം ചോദിച്ചത് എന്ന് എനിക്ക് സംശയമായി. മറ്റെന്തോ ആയിരിയ്ക്കും എന്ന് കരുതി ഞാന്‍ വിട്ടു.

പക്ഷെ വീണ്ടും ചോദ്യം ആവര്‍ത്തിച്ചു. അപ്പോള്‍ ഒന്നും പറഞ്ഞില്ല. പക്ഷെ അന്ന് ഞാന്‍ മുറിയില്‍ പോയി ഒരുപാട് കരഞ്ഞു.അടുത്ത ദിവസം വന്നപ്പോഴും അതേ ചോദ്യം. നല്ലൊരു ഭാവി മുന്നില്‍ കണ്ട് അതെല്ലാം സഹിച്ചു. ഞങ്ങള്‍ക്ക് എവിടെ പോയാലും ഇത് തന്നെയാണ് അവസ്ഥ. ആരോടും പരാതി പറയാന്‍ പറ്റില്ല.

ഒരു ദിവസം ഡ്രസ്സ് മാറിക്കൊണ്ടിരിയ്ക്കുമ്പോള്‍ നിര്‍ത്താതെ വാതില്‍ മുട്ടി. ഡ്രസ്സ് മാറുകയാണ് എന്ന് പറഞ്ഞിട്ടൊന്നും കേള്‍ക്കുന്നില്ല. അറിയാവുന്ന ആരെങ്കിലും ആയിരിക്കുമോ എന്ന് അറിയാന്‍ ലോക്ക് നീക്കി പുറത്തേക്ക് നോക്കുമ്പോഴേക്കും അയാള്‍ അകത്തേക്ക് തള്ളിക്കയറി മുകളില്‍ കടിച്ചു എന്നും കണ്ണുനീര്‍ അടക്കി പിടിച്ച് കത്രീന പറഞ്ഞു.

കത്രീനയെ ചേര്‍ത്ത് പിടിച്ചുകൊണ്ട് ആശ്വസിപ്പിയ്ക്കുകയായിരുന്നു നടന്‍ റിയാസ്. ഞാനും ആ സീരിയലില്‍ അഭിനയിച്ചു എന്ന കാരണത്താല്‍ എല്ലാവര്‍ക്കും വേണ്ടി മാപ്പ് പറയുന്നു എന്നാണ് റിയാസ് ഖാന്‍ കത്രീനയോട് പറഞ്ഞത്.