മലയാള സിനിമയിലെ അടുത്ത സുഹൃത്തുക്കളാണ് മഞ്ജുവാര്യരും സംയുക്താവര്‍മ്മയും ഭാവനയും. തിരക്കുകള്‍ക്കിടയിലും ഇവര്‍ ഒരുമിച്ച് കൂടാന്‍ ശ്രമിക്കാറുണ്ട്. ഭാവന ചുരുങ്ങിയ സമയം കൊണ്ട് തന്നെ തെന്നിന്ത്യന്‍ സിനിമയിലും തന്റെ സാന്നിദ്ധ്യം ഉറപ്പിച്ചിരുന്നു. കന്നഡ നിര്‍മ്മാതാവ് നവീനുമായുള്ള വിവാഹത്തിന് ശേഷം ശേഷം മലയാള സിനിമയില്‍ നിന്ന് പൂര്‍ണമായും താരം വിട്ടു നില്‍ക്കുകയാണ്.

പൃഥ്വിരാജ് ചിത്രമായ ആദം ജോണിലാണ് നടി ഏറ്റവും ഒടുവില്‍ അഭിനയിച്ചത്. കന്നഡയിലെ മുന്‍നിര നായികമാരില്‍ ഒരാളാണ് ഭാവന. . 96 ന്റെ കന്നഡ പതിപ്പിലൂടെയായിരുന്നു ഒരു ചെറിയ ഇടവേളയ്ക്ക് ശേഷം ഭാവന തിരികെ എത്തിയത് ' മലയാള സിനിമയില്‍ അഭിനയിക്കുന്നില്ലെങ്കിലും തന്റെയും കുടുംബത്തിന്റെയും വിശേഷങ്ങള്‍ താരം സോഷ്യല്‍ മീഡിയയിലൂടെ പങ്കുവയ്ക്കാറുണ്ട്.

ഇപ്പോഴിതാ സോഷ്യല്‍ മീഡിയയില്‍ ചര്‍ച്ചയാവുന്നത് ഭാവന പങ്കുവെച്ച ഒരു പോസ്റ്റാണ്. സൗഹൃദത്തിന് അത്രയധികം വില കൊടുക്കുന്ന നടി കൂട്ടുകാരുമൊത്തുള്ള യാത്രയെ കുറിച്ചുള്ള ആഗ്രഹമാണ് പങ്കുവെച്ചിരിക്കുന്നത്. ''താനും സുഹൃത്തുക്കളും ചേര്‍ന്ന് നൂറോളം യാത്രകള്‍ പ്ലാന്‍ ചെയ്തുവെന്നും എന്നാല്‍ ഒന്നും പോലും നടന്നില്ല എന്നായിരുന്നു ഭാവനയുടെ വാക്കുകള്‍. ചിരിക്കുന്ന ഇമോജിക്കൊപ്പമാണ് താരങ്ങളായ രമ്യ നമ്ബീശന്‍, ശില്പബാല, മഞ്ജു വാര്യര്‍, സംയുക്ത വര്‍മ എന്നുവരെ മെന്‍ഷന്‍ ചെയ്തു കൊണ്ട് പോസ്റ്റ് പങ്കുവെച്ചത്.

ഇതിന് ഉഗ്രന്‍ മറുപടിയുമായി മഞ്ജുവും എത്തിയിരുന്നു. '' എല്ലാത്തിനും അതിന്റേതായ സമയമുണ്ട് ദാസാ.. എന്നിരുന്നു മഞ്ജുവിന്റെ മറുപടി. താരങ്ങളുടെ കമന്റുകള്‍ പ്രേക്ഷകരുടെ ഇടയില്‍ വലിയ ചര്‍ച്ചയായിട്ടുണ്ട്. ഇന്‍സ്റ്റഗ്രാം സ്‌റ്റോറിയായി ഭാവന ഇത് പങ്കുവെയ്ക്കുകയും ചെയ്തിരുന്നു.