പെണ്ണുകാണാന് വന്നപ്പോൾ ഇവരുടെ കൂടെയൊരു അടിപൊളി ഡ്രൈവറുണ്ടായിരുന്നു; അദ്ദേഹത്തിനായിരുന്നു ചായ കൊടുത്തത്; എനിക്ക് ആള് മാറിയെന്ന് മനസിലായ അമ്മായി പുള്ളിയെ പരിചയപ്പെടുത്തി; ചുരിദാര് ഇടുന്നത് ഇഷ്ടമല്ല; സാരിയിലൊരു 25 പിന്നും കുത്തണം; മകളെ ഗര്ഭിണിയായിരുന്ന സമയത്ത് ഡോക്ടര്മാരൊക്കെ വഴക്ക് പറഞ്ഞു; എന്തിനാണ് കുഞ്ഞേ നീ ഇങ്ങനെ കഷ്ടപ്പെടുന്നതെന്ന്; ഇത് മുന്നോട്ട് പോവുമെന്ന് തോന്നുന്നില്ല, ഡിവോഴ്സ് ചെയ്താലോ എന്ന് വിചാരിച്ച ഘട്ടങ്ങളുണ്ട്; ഭർത്താവിനെ കുറിച്ച് രശ്മി അനില്
സീരിയൽ സിനിമ കോമഡി ഈ മൂന്ന് കലാരൂപങ്ങളിലൂടെ പ്രേഷകരുടെ മനം കവർന്ന താരമാണ് രശ്മി അനില്. ഹാസ്യനടിയ്ക്കുള്ള സംസ്ഥാന സര്ക്കാരിന്റെ ടെലിവിഷന് അവാര്ഡ് രശ്മി സ്വന്തമാക്കിയിരുന്നു . വിവാഹത്തെക്കുറിച്ചും വിവാഹ ശേഷമുള്ള ജീവിതത്തെക്കുറിച്ചും ഒരു പ്രമുഖ ചാനൽ പരിപാടിയിലെത്തിയപ്പോൾ നടി തുറന്ന് പറഞ്ഞിരുന്നു. രശ്മി അനിൽ പറഞ്ഞ കാര്യങ്ങൾ ഇങ്ങനെയാണ്;
തന്റേത് അറേഞ്ച്ഡ് മാര്യേജാണ്. ബന്ധുവായിരുന്നെങ്കിലും പരസ്പരം അറിയില്ലായിരുന്നു. ഇദ്ദേഹത്തിന്റെയൊരു അമ്മാവനാണ് തന്റെ അപ്പച്ചിയെ വിവാഹം ചെയ്തത്. അമ്മായി വഴിയാണ് കല്യാണ ആലോചന വന്നത്. പെണ്ണുകാണാന് വന്നപ്പോൾ ഇവരുടെ കൂടെയൊരു അടിപൊളി ഡ്രൈവറുണ്ടായിരുന്നു. അദ്ദേഹത്തിനായിരുന്നു ചായ കൊടുത്തത്. എനിക്ക് ആള് മാറിയെന്ന് മനസിലായ അമ്മായി ഇതാണ് ആളെന്ന് പറഞ്ഞ് പുള്ളിയെ പരിചയപ്പെടുത്തി .
പെണ്ണുകണ്ട് പോയി കുറേക്കഴിഞ്ഞിട്ടും ഉറപ്പ് പറഞ്ഞില്ല. വേറെ നോക്കാമെന്ന് പറഞ്ഞപ്പോള് വേണ്ടെന്നായിരുന്നു അനില് പറഞ്ഞത്. ആ സമയത്ത് തനിക്ക് വേറൊരു ആലോചന വന്നു. കുറച്ച് പ്രത്യേകതകള് ഉള്ള ക്യാരക്ടറാണ് ഇദ്ദേഹത്തിന്റേത്. ചുരിദാര് ഇടുന്നത് ഇഷ്ടമല്ല, എപ്പോഴും സാരിയായിരിക്കണം വേഷം. എവിടേയും കാണാന് പാടില്ല. സാരിയിലൊരു 25 പിന്നും കുത്തണം. മകളെ ഗര്ഭിണിയായിരുന്ന സമയത്ത് ഡോക്ടര്മാരൊക്കെ വഴക്ക് പറഞ്ഞു.
എന്തിനാണ് കുഞ്ഞേ നീ ഇങ്ങനെ കഷ്ടപ്പെടുന്നത് ഒരു ചുരിദാര് വാങ്ങിച്ചിട്ടാല് പോരെയെന്ന്. ബ്യൂട്ടിപാര്ലറില് പോകുന്നതും ഇഷ്ടമല്ല. ഇദ്ദേഹത്തെ ഇങ്ങനെയാക്കാന് പെട്ട പാട് വലുതാണ്. ഇപ്പോൾ അദ്ദേഹം മുഴുവനായി മാറിയിട്ടുണ്ട്. നമ്മള് കുറച്ച് സ്നേഹം കൊടുത്താല് മതി. ''അന്ന് ഞാന് സങ്കുചിത മനോഭാവം ഉള്ളയാളായിരുന്നുവെന്നും ഇപ്പോൾ ആള്ക്കാരുമായി ഇടപെടാന് തുടങ്ങിയപ്പോഴാണ് ചിന്താഗതി മാറിയതെന്നുമായിരുന്നു അനില് മറുപടി പറഞ്ഞത്.
പെട്ടെന്ന് ദേഷ്യം വരും അത് അതുപോലെ അങ്ങ് പോവും.മനസ് നിറയെ സ്നേഹവും ഒരുപാട് കെയറിംഗുമാണ്. ഇത് മുന്നോട്ട് പോവുമെന്ന് തോന്നുന്നില്ല, ഡിവോഴ്സ് ചെയ്താലോ എന്ന് വരെ വിചാരിച്ച ഘട്ടങ്ങളുണ്ട് . എന്തെങ്കിലും ഒരു സാധനം ഇരിക്കുന്നിടത്തും മാറി വെച്ചാല് അപ്പോൾ വയലന്റാവും. ഒരു കൊച്ചുമായല്ലോ മുന്നോട്ട് പോവുമോയെന്ന ആശങ്കയുണ്ടായിട്ടുണ്ട്.
നമ്മളൊന്ന് മനസ് വെച്ചാല് നന്നാവില്ലേയെന്ന് ചിന്തിച്ചിച്ചു. ഞാന് പറയുന്നത് പോലെ കേള്ക്കാന് തുടങ്ങി. ഒരുപ്രാവശ്യം ഭയങ്കരമായി വഴക്കുണ്ടാക്കി. അമ്മയ്ക്ക് സഹിക്കാന് പറ്റാതായപ്പോൾ അമ്മ പെങ്ങളുടെ വീട്ടിലേക്ക് പോകുകയും ചെയ്തു . തിരിച്ചുവന്ന സമയം മോളേ നീ പോയില്ലേയെന്ന് അവർ ചോദിച്ചു.ഞാന് എന്തിനാണ് പോവുന്നത്. ഞാന് അദ്ദേഹത്തിനൊപ്പം തന്നെ നില്ക്കും. തിരിച്ച് വരുമ്പോഴേക്കും അദ്ദേഹത്തിന്റെ മൂഡൊക്കെ മാറിക്കോളും എന്നും പറഞ്ഞായിരുന്നു അന്ന് നിന്നതെന്നും താരം പറഞ്ഞു.
https://www.facebook.com/Malayalivartha
