രശ്മിക മന്ദാനയും വിജയ് ദേവരകൊണ്ടയും ഈ വര്ഷാവസാനം വിവാഹിതരാകുന്നു!! വാർത്ത സത്യമോ കള്ളമോ?? വിശദീകരണവുമായി വിജയ് ദേവരകൊണ്ട
തെലുങ്ക് ചലച്ചിത്ര താരങ്ങളായ വിജയ് ദേവരകൊണ്ടയും രശ്മിക മന്ദാനയും ഈ വര്ഷം അവസാനം വിവാഹിതരാകുന്നെന്ന് വിവിധ മാദ്ധ്യമങ്ങള് റിപ്പോര്ട്ട് ചെയ്തിരുന്നു.
എന്നാല് പതിവ് പോലെ ഈ വാര്ത്തയും ശുദ്ധ അസംബന്ധമാണെന്ന് കാണിച്ച് വിജയ് ദേവരകൊണ്ട രംഗത്ത് വന്നു. ട്വിറ്ററിലൂടെയാണ് താരം വാര്ത്തയോട് പ്രതികരിച്ചത്. ട്വീറ്റില് രശ്മികയേയോ വാര്ത്തയേയോ കുറിച്ച് പരാമര്ശിച്ചിട്ടില്ലെങ്കിലും താരം ഉദ്ദേശിച്ചത് ഈ വാര്ത്ത തന്നെയെന്ന് ഉറപ്പാണ്.
ഇത് ആദ്യമായല്ല മാദ്ധ്യമങ്ങള് ഇരുവരെയും ചേര്ത്ത് ഗോസിപ്പുകള് വാര്ത്തയാക്കുന്നത്. ഇതിന് മുമ്ബും പല തവണ ഇരുവരുടെയും വിവാഹ വാര്ത്തകളും താരങ്ങള് തമ്മില് പ്രണയത്തിലാണെന്ന തരത്തിലുള്ള വാര്ത്തകളും മാദ്ധ്യമങ്ങളില് പ്രത്യക്ഷപ്പെട്ടിട്ടുണ്ട്.
എന്നാല് അപ്പോഴെല്ലാം തങ്ങള് വളരെ അടുത്ത സുഹൃത്തുക്കളാണെന്നും മറ്റുള്ള വാര്ത്തകളെല്ലാം അസംബന്ധമാണെന്നുമുള്ള രീതിയില് ഇരുവരും പ്രതികരിച്ചിരുന്നു.
തെലുങ്ക് ചിത്രങ്ങളായ ഗീതാ ഗോവിന്ദത്തിലും ഡിയര് കോമ്രേഡിലും ഇരുവരും ഒരുമിച്ച് അഭിനയിച്ചിട്ടുണ്ട്. വളരെയേറെ ഹിറ്റായ രണ്ട് ചിത്രങ്ങളിലും രശ്മികയുടെയും വിജയ് ദേവരകൊണ്ടയുടെയും ജോഡി പ്രേക്ഷകര്ക്ക് ഒരുപാട് ഇഷ്ടപ്പെടുകയും ചെയ്തിരുന്നു. ഇതിനാലാകണം മാദ്ധ്യമങ്ങള് ഇവരെ കുറിച്ച് അടിക്കടി ഇത്തരം വാര്ത്തകള് നല്കുന്നതെന്നാണ് പൊതുവേയുള്ള വിലയിരുത്തല്.
അല്ലു അര്ജുന് നായകനായ പുഷ്പയാണ് രശ്മികയുടേതായി ഏറ്റവും ഒടുവില് പുറത്തിറങ്ങിയ ചിത്രം. ഈ വര്ഷം സിദ്ധാര്ത്ഥ് മല്ഹോത്ര നായകനാകുന്ന മിഷന് മജ്നുവിലും അമിതാഭ് ബച്ചന്റെ ഗുഡ് ബയ്യിലും രശ്മിന അഭിനയിക്കുന്നുണ്ട്.
താരത്തിന്റെ ഹിന്ദി അരങ്ങേറ്റം കൂടിയാണ് ഈ ചിത്രങ്ങള്. അതേസമയം തെലുങ്ക് - ഹിന്ദി ഭാഷകളില് ഇറങ്ങുന്ന ലിഗറിന്റെ ചിത്രീകരണവുമായി ബന്ധപ്പെട്ട് വിദേശത്താണ് വിജയ് ദേവരകൊണ്ട. അനന്യ പാണ്ഡേയാണ് ചിത്രത്തിലെ നായിക. വിഖ്യാത ബോക്സിംഗ് താരമായ മൈക്ക് ടൈസണും ചിത്രത്തില് വേഷമിടുന്നുണ്ട്.
https://www.facebook.com/Malayalivartha
