ഒടിയന് ശില്പങ്ങളെക്കുറിച്ച് വിഎ ശ്രീകുമാര്; സോഷ്യല് മീഡിയ ഉറഞ്ഞു തുള്ളുന്നു
മോഹന്ലാലിനെ നായകനാക്കി വിഎ ശ്രീകുമാര് സംവിധാനം ചെയ്ത ഒടിയന് പ്രേക്ഷകരുടെ പ്രതീക്ഷകള്ക്കൊത്ത് ഉയര്ന്നിരുന്നില്ല. തുടര്ന്ന് സംവിധായകന് വിഎ ശ്രീകുമാറിനെതിരെ ആരാധകര് രൂക്ഷമായ വിമര്ശനങ്ങളാണ് ഉയര്ത്തിയത്.
ഇപ്പോള് ഒടിയന് എന്ന ചിത്രത്തിന്റെ പ്രെമോഷന്റെ ഭാഗമായി തിയറ്ററുകളില് സ്ഥാപിച്ച ഒടിയന് ശില്പങ്ങളെക്കുറിച്ച് വിഎ ശ്രീകുമാര് സോഷ്യല് മീഡിയയില് പങ്കുവെച്ച പോസ്റ്റാണ് ചര്ച്ചയാകുന്നത്. പ്രെമോഷന്റെ ഭാഗമായി തിയറ്ററുകളില് സ്ഥാപിച്ച ഒടിയന് ശില്പങ്ങളില് രണ്ടെണ്ണം പാലക്കാട് ഓഫീസിനു മുന്നില് ഇരിപ്പുണ്ടെന്ന് ശ്രീകുമാര് പറയുന്നു. ഒടിയനെ കാണാനും കൂടെ പടമെടുക്കാനും ദിവസവും സന്ദര്ശകരുണ്ടെന്നും ഒടിയനോടുള്ള സ്നേഹം തുടരുന്നതില് നന്ദിയുണ്ടെന്നും ശ്രീകുമാര് പറഞ്ഞു.
വിഎ ശ്രീകുമാറിന്റെ ഫേസ്ബുക്ക് പോസ്റ്റിന്റെ പൂര്ണ്ണരൂപം;
പാലക്കാട് ഓഫീസിനു മുന്നില് ഒടിയന് നില്പ്പുണ്ട്. പ്രെമോഷന്റെ ഭാഗമായി തിയറ്ററുകളില് സ്ഥാപിച്ച ഒടിയന് ശില്പങ്ങളില് രണ്ടെണ്ണം. ഒടിയനെ കാണാനും കൂടെ പടമെടുക്കാനും ദിവസവും സന്ദര്ശകരുണ്ട്. ഇന്നു വന്ന അതിഥികളാണിവര്. പടമെടുക്കാന് അവര് അനുവാദം ചോദിച്ചു. അവരോട് തിരിച്ച് പടമെടുക്കാനുള്ള അനുവാദവും ഓഫീസിലെ സുഹൃത്തുക്കള് ചോദിച്ചു. ഒടിയനോടുള്ള സ്നേഹം തുടരുന്നതില് നന്ദി.
അതേസമയം, ശ്രീകുമാറിന്റെ പോസ്റ്റിനെതിനെതിരെ ആരാധകരുടെ ഭാഗത്ത് നിന്നും രൂക്ഷ വിമര്ശനമാണ് ഉയരുന്നത്. 'തനിക്ക് ഇനിയും മതിയായില്ലേ' എന്നാണ് ഒരാള് ചോദിക്കുന്നത്. 'തള്ളാതെ ഇറക്കിയിരുന്നു എങ്കില് പിന്നെയും ഈ പടത്തെ ആള്ക്കാര് സ്വീകരിച്ചേനെ… ഇത് ഒരുമാതിരി ഭൂലോക തള്ളും തള്ളി ഇറക്കി ഇപ്പൊ ഇമ്മാതിരി കോമഡി പീസ് ആക്കി കളഞ്ഞത് നിങ്ങള് തന്നെ അല്ലെ കുമാരേട്ടാ' എന്ന് മറ്റൊരാള് ചോദിക്കുന്നു.
https://www.facebook.com/Malayalivartha
