ഈ മനുഷ്യന് പുറത്തു വന്നപ്പോള് എനിക്ക് കിട്ടിയത് വലിയ ജനപിന്തുണ, ചില കാര്യങ്ങള്ക്കെതിരെ ശബ്ദമുയര്ത്തുന്നത് കേസിന് തടസമാകുമോ എന്ന് അറിയില്ല, വികാരങ്ങള് പരസ്യമായി പ്രകടിപ്പിക്കാന് സാധിക്കുന്ന ഒരാളല്ല താന്, തുറന്നു പറഞ്ഞ് ഭാവന
ചില കാര്യങ്ങള്ക്കെതിരെ ശബ്ദമുയര്ത്തുന്നത് തന്റെ കേസിന് തടസമാകുമോ എന്ന് അറിയില്ലെന്ന് തുറന്ന് പറഞ്ഞ് നടി ഭാവന. എന്നാല് ഈ മനുഷ്യന് പുറത്തു വന്നപ്പോള് വലിയ ജനപിന്തുണയാണ് തനിക്ക് കിട്ടിയത്. ഡിസംബര് മുതല് ആളുകളില് നിന്ന് വളരെയധികം പിന്തുണയും സ്നേഹവും ലഭിച്ചു.
അവരോടൊക്കെ എത്രത്തോളം നന്ദിയുള്ളവളാണെന്ന് പറയേണ്ടത് പ്രധാനമാണെന്ന് തോന്നി. എല്ലാ പിന്തുണയ്ക്കുമുള്ള പ്രതികരണമായിട്ടാണ് ഇന്സ്റ്റഗ്രാം പോസ്റ്റിട്ടത്. ബര്ഖ ദത്തുമായുള്ള അഭിമുഖവും പ്ലാന് ചെയ്തതല്ല. വനിതാ ദിനത്തില് സംസാരിക്കാന് ബര്ഖ ദത്ത് തന്നെ സമീപിക്കുകയായിരുന്നു.
ഇതാണ് ശരിയായ സമയമെന്ന് തോന്നി. മിക്ക ആളുകള്ക്കും താന് കടന്നുപോകുന്നത് ശരിക്കും മനസിലാക്കാന് കഴിയില്ല. താന് സന്തോഷവതിയായി ഇരിക്കുന്ന അഭിമുഖങ്ങളും സോഷ്യല് മീഡിയ പോസ്റ്റുകളും മാത്രമാണ് ആളുകള് കാണുന്നത്. പക്ഷേ അതായിരുന്നില്ല തന്റെ ജീവിതം.ഒരുപാട് അനുഭവിച്ചു.
കുടുംബത്തിനും സുഹൃത്തുക്കള്ക്കും അറിയാം. വികാരങ്ങള് പരസ്യമായി പ്രകടിപ്പിക്കാന് സാധിക്കുന്ന ഒരാളല്ല താന്. അതുകൊണ്ടാണ് തന്റെ യാത്ര പങ്കിടണമെന്ന് തോന്നിയത്. അത് എളുപ്പമാകില്ലെന്ന് അറിയാമായിരുന്നു, പക്ഷേ തനിക്കത് ചെയ്യണമായിരുന്നു എന്നാണ് നടി പറയുന്നത്.
https://www.facebook.com/Malayalivartha