നവ്യയുടെ 'ഒരുത്തീ' എന്ന സിനിമ വളരെ വിജയകരമായി മുന്നേറുകയാണ്. ഇതിനോടകം താരത്തിന്റെ ഇന്റർവ്യൂകളും വളരെയധികം ശ്രദ്ധേയമായി കൊണ്ടിരിക്കുകയാണ്. ഇപ്പോൾ ഇതാ നവ്യ ഇന്റർവ്യൂവിൽ താൻ നേരിട്ട ദുരനുഭവം വെളിപ്പെടുത്തിയിരിക്കുകയാണ്. നിറത്തിന്റെയും സൗന്ദര്യത്തിന്റെയും കാര്യത്തിൽ തനിക്ക് വലിയ രീതിയിൽ ഉള്ള അപകർഷതാ ബോധം ഉണ്ടായിരുന്നു .

മറ്റു നായിക നടിമാർ പങ്കെടുക്കുന്ന പൊതു പരിപാടികളിൽ നിന്നും താൻ മനഃപൂർവം ഒഴിഞ്ഞു മാറിയിരുന്നു. ഇരുണ്ട നിറക്കാരി ആണെന്നും തന്നെ കാണാൻ കൊള്ളില്ല എന്നുമുള്ള ചിന്ത വേട്ടയാടി. അത് കൊണ്ട് തന്നെ സുന്ദരികളായ മറ്റ് നായിക നടിമാർക്ക് ഒപ്പം നില്ക്കാൻ പോലും ബുദ്ധിമുട്ട് ആയിരുന്നു. ഒരിക്കൽ ഒരു നടി എന്റെ മുഖത്ത് നോക്കി ഈ കാര്യം പറയുകയും ചെയ്തു.

നിന്നെ കാണാനും അത്ര സൗന്ദര്യം ഇല്ല വലിയ നിറവും ഇല്ല, എന്നിട്ടും നീ ഇവിടെ വരെ എത്തിയില്ലെയെന്ന്. സിനിമയിൽ വലിയ പ്രാധാന്യം ഒന്നും ഇല്ലാതിരുന്ന നടിയാണ് ഈ കാര്യം പറഞ്ഞത് . അവരുടെ ആ വാക്കുകൾ വല്ലാതെ വിഷമിപ്പിച്ചു. ഇന്ന് അങ്ങനെ ഉള്ള ചിന്ത ഒന്നും ഇല്ല. പക്വതയോടെ ചിന്തിക്കാൻ പഠിച്ചു.

മേക്കപ്പ് ഇല്ലാതെ പോലും പൊതുവേദികളിൽ പോകാൻ കോൺഫിഡൻസ് ഉണ്ടെന്നും നവ്യ പറഞ്ഞിരിക്കുന്നു. കലോത്സവ വേദികളിൽ നിന്നും സിനിമയിലേക്ക് നടിയാണ് നവ്യാ നായർ. ധന്യാ നായർ സിനിമയിലെത്തിയ ശേഷം നവ്യാ നായർ എന്ന് മാറ്റുകയായിരുന്നു. ദിലീപ് സിനിമ ഇഷ്ടത്തിലൂടെയായിരുന്നു നവ്യയുടെ സിനിമാ ലോകത്തേക്ക് വന്നത്. പത്താം ക്ലാസിൽ പഠിക്കുമ്പോഴായിരുന്നു സിനിമയിൽ നവ്യയ്ക്ക് അവസരം കിട്ടിയത്.