നടന്‍ വിനായകനെതിരെ രൂക്ഷ വിമര്‍ശനവുമായി ഹരീഷ് പേരടി. കഴിഞ്ഞ ദിവസം ഒരുത്തി എന്ന ചിത്രത്തിന്റെ പ്രസ് മീറ്റുമായി ബന്ധപ്പെട്ട് വിനായകന്‍ പറഞ്ഞ പ്രസ്താവനകള്‍ക്ക് എതിരെയാണ് ഹരീഷ് രംഗത്തത്തിയത്. സെക്‌സ് ചെയ്യാന്‍ താത്പര്യം തോന്നുന്ന പെണുങ്ങളെ കാണുമ്പോള്‍ ഇനിയും ചോദിക്കുമെന്നും അതാണ് മീടൂ എങ്കില്‍ അതിനിയും ആവര്‍ത്തിക്കുമെന്നും വിനായകന്‍ കഴിഞ്ഞ ദിവസം പറഞ്ഞിരുന്നു.

മലയാള താരസംഘടനയായ അമ്മയിലെ ഏതെങ്കിലും അംഗമാണ് അത് പറഞ്ഞതെങ്കില്‍ എന്തായിരിക്കും ഉണ്ടാകുകയെന്ന ചോദ്യമാണ് ഹരീഷ് ഉയര്‍ത്തുന്നത്. ഡബ്യുസിസി അടക്കമുള്ള സംഘടനകള്‍ അപ്പോള്‍ ചാടിക്കടിക്കാന്‍ എത്തുമായിരുന്നല്ലോ എന്നും അദ്ദേഹം ചോദിക്കുന്നു.

ഒരു പെണ്ണിന്റെ സ്വതന്ത്ര്യത്തിലേക്ക് അവളുടെ അനുവാദമില്ലാതെ കടന്നുചെല്ലുമെന്ന് ഒരാള്‍ പറയുമ്പോള്‍ മാധ്യമപ്രവര്‍ത്തകര്‍ ചിരിച്ചുകൊണ്ട് അതു കേട്ടിരിക്കുകയായിരുന്നെന്നും തന്റെ വീട്ടിലെ സ്ത്രീകളോട് ഒരാള്‍ ഇങ്ങിനെ ചോദിച്ചാല്‍ എന്താണ് തന്റെ ഉത്തരമെന്ന മിനിമം ചോദ്യം പോലും ചോദിക്കാനറിയാത്തവരാണ് അവരെന്നും ഹരീഷ് വിമര്‍ശിക്കുന്നു.

അടുത്ത വനിതാ മതില്‍ നമ്മുക്ക് വിനായകനെ കൊണ്ട് ഉത്ഘാടനം ചെയ്യിപ്പിക്കണമെന്നും ജയ് വിനായക സെക്‌സാന്ദ ബാഭ എന്നും പരിഹസിച്ചുകൊണ്ടാണ് ഹരീഷ് പേരാടി കുറിപ്പ് അവസാനിപ്പിക്കുന്നത്.