തനിക്ക് അസൂയ തോന്നിയ ഒരു നടിയുണ്ട്.... അവരെ കംപ്ലീറ്റ് ആക്ട്രെസ് എന്ന് വിളിക്കാമെന്ന് രചന നാരായണണ്കുട്ടി
മഴവില് മനോരമയിലെ മറിമായം എന്ന ഹാസ്യ പരിപാടിയിലൂടെ തന്റെ അഭിനയജീവിതത്തിലേക്ക് ചുവടുവച്ച നടിയാണ് രചന നാരായണന്കുട്ടി. സോഷ്യല് മീഡിയയില് സജീവമായ താരം ഏതു കാര്യത്തിലും തന്റേതായ ആഭിപ്രായം തുറന്നു പറയാന് മടികാണിക്കാറില്ല. രചന ജയറാം നായകമനായ തീര്ത്ഥാടനം എന്ന ചിത്രത്തിലൂടയാണ് ബിഗ് സ്ക്രീനിലെത്തിയത്. എന്നാല് താരം രണ്ടാമതായി അഭിനയിച്ച ലക്കിസ്റ്റാറില് ജയറാമിന്റെ നായികയായി എത്തി. ഇപ്പോള് നായികയായും സഹനടിയായും സിനിമയില് സജീവമാണ്.
മോഹന്ലാലിനെ നായകനാക്കി ബി ഉണ്ണികൃഷ്ണ് സംവിധാനം ചെയ്ത ആറാട്ട് എന്ന ചിത്രത്തിലും രചന ഒരു വേഷം കൈകാര്യം ചെയ്തിരുന്നു. കൃഷി ഓഫീസറായ രുഗ്മിണി എന്ന പ്രധാന കഥാപാത്രമായാണ് രചന ചിത്രത്തിലെത്തിയത്. ഇപ്പോള് ഒരു യൂട്യൂബ് ചാനലിന് നല്കിയ അഭിമുഖത്തില് തന്റെ അനുഭവങ്ങള് തുറന്നു പറയുകയാണ് രചന. തനിക്ക് അസൂയ തോന്നിയ നടി ഉര്വ്വശിയാണെന്നും അവരെ കംപ്ലീറ്റ് ആക്ട്രെസ് എന്ന് വിളിക്കാമെന്നും രചന പറയുന്നു.
'ആസിഫിനോട് ക്രഷ് തോന്നിയിട്ടുണ്ട്. എന്റെ നല്ല സുഹൃത്താണ്. ഒരുമിച്ച് അഭിനയിക്കുന്നതിന് മുമ്ബ് ഭയങ്കര ക്രഷായിരുന്നു. യൂ ടൂ ബ്രൂട്ടസില് ഞങ്ങള് ഒന്നിച്ച് അഭിനയിച്ചു. പിന്നെ നല്ല കൂട്ടായി. അപ്പോള് ക്രഷൊക്കെ മാറി. ആസിഫിനോട് ഇത് തുറന്നു പറഞ്ഞിട്ടില്ല', രചന നാരായണന്കുട്ടി വ്യക്തമാക്കി.
2011ലായിരുന്നു രചന അരുണ് സദാശിവനുമായുള്ള രചനയുടെ വിവാഹം നടന്നത്. എന്നാല് വെറും 19 ദിവസം മാത്രമായിരുന്നു ഈ വിവാഹബന്ധം നീണ്ടുനിന്നത്. വീട്ടുകാര് ആലോചിച്ച് ഉറപ്പിച്ച വിവാഹമായിരുന്നു ഇവരുടെത്. എന്നാല് വിവാഹം കഴിഞ്ഞ് ദിവസങ്ങള് കഴിയുമ്പോഴേക്കും ജീവിതത്തില് പ്രശ്നങ്ങള് തുടങ്ങി. പത്തൊമ്പത് ദിവസങ്ങള് മാത്രമാണ് അവര് ഭാര്യാഭര്ത്താക്കന്മാരായി കഴിഞ്ഞത്. തൊട്ടടുത്ത വര്ഷം തന്നെ രചന ഡിവോഴ്സ് ഫയല് ചെയ്തു. മാനസികമായും ശാരീരികമായും ഭര്ത്താവ് തന്നെ പീഡിപ്പിച്ചെന്ന് രചന പിന്നീട് വ്യക്തമാക്കിയിരുന്നു.
സന്തുഷ്ടമായിരിക്കുമെന്ന് കരുതിയ വിവാഹജീവിതം തകര്ന്നതോടെ ഏറെ വിഷമത്തിലേക്ക് രചന കൂപ്പുകുത്തി. കല്യാണത്തിന് മുന്നോടിയായി ജോലി രാജിവച്ചിരുന്നു. പക്ഷേ വിവാഹം തകര്ന്നതോടെ തിരികേ ആ ജോലിയില് പ്രവേശിച്ചു. പിന്നീടാണ് ആര്ജെ ആയി മാറുന്നതും മറിമായം വഴി രചന സിനിമയിലേക്ക് എത്തുന്നത്. ഞാനിപ്പോള് വിവാഹം കഴിച്ചതുപോലെ തന്നെയാണ്. വിവാഹം കഴിച്ചത് നൃത്തത്തെയാണെന്ന് മാത്രമെന്നും നടി വ്യക്തമാക്കിയിരുന്നു. ഇപ്പോള് നിറയെ അവസരങ്ങളുമായി നടി സന്തോഷജീവിതമാണ് നയിക്കുന്നത്.
https://www.facebook.com/Malayalivartha