മലയാള സിനിമാ മേഖലയില്‍ നിന്ന് മറ്റൊരു മീറ്റൂ ആരോപണം കൂടി ഉയര്‍ന്നിരിക്കുകയാണ്. നടന്‍ അനീഷ് ഗോപിനാഥനെതിരെയാണ് ലൈംഗീക അതിക്രമ പരാതി ഉയര്‍ന്നുവന്നിരിക്കുന്നത്. മോണോ ആക്ട് പഠിക്കാനായി നടനെ സമീപിച്ചപ്പോള്‍ കടന്നുപിടിച്ച് ലൈംഗീകാതിക്രമം നടത്തിയെന്നാണ് യുവതി പറയുന്നത്. പല തവണ താരം ഇത്തരത്തില്‍ കയറിപിടിച്ച് ലൈംഗീക ചൂഷണം നടത്തിയെന്നാണ് യുവതി പറയുന്നത്. പേര് വെളിപ്പെടുത്താന്‍ ആഗ്രഹിക്കാത്ത യുവതി റെഡ്ഡിറ്റ് എന്ന കൂട്ടായ്മയിലൂടെയാണ് അതിക്രമത്തിന്റെ വിവരം അറിയിച്ചത്.

അഭിനയം പഠിപ്പിക്കാനാണെന്ന പേരില്‍ പെണ്‍കുട്ടിയുടെ സ്വകാര്യ ഭാഗങ്ങളില്‍ സ്പര്‍ശിക്കുകയും ലൈംഗീക ചുവയോടെ സംസാരിക്കുകയും ചെയ്തു. ലൈംഗീക അതിക്രമം രൂക്ഷമായതോടെ യുവതി മോണോ ആക്ട് ക്ലാസ് നിര്‍ത്തുകയും മാതാപിതാക്കളോട് കാര്യങ്ങള്‍ ധരിപ്പിക്കുകയും ചെയ്തു. എന്നാല്‍ അനീഷിനെതിരെ പരാതികൊടുക്കാന്‍ പെണ്‍കുട്ടിയുടെ മാതാപിതാക്കള്‍ക്ക് ഭയമായിരുന്നു. മാത്രമല്ല ക്ലാസില്‍ വരാതായതോടെ പെണ്‍കുട്ടിയെ ഫോണ്‍ വിളിച്ച് ലൈംഗീകച്ചുവയില്‍ സംസാരിക്കുയും ചെയ്തിരുന്നു.

പിന്നീട് അനീഷ് ഗോപിനാഥന്‍ സിനിമയില്‍ സജീവമാവുകയും തിരക്കുള്ള നടനാവുകയും ചെയ്തതോടെ പെണ്‍കുട്ടിയും വീട്ടുകാരും നിസ്സാഹയരായി മാറി. എന്നിരുന്നാലും ഫോണ്‍ വഴിയുള്ള ലൈംഗീകാതിക്രമം നടന്‍ തുടര്‍ന്നുകൊണ്ടിരുന്നു. അതിനിടെ മാനസീകമായി പെണ്‍കുട്ടി വല്ലാതെ തളരുകയും വീട്ടുകാരോട് പോലും മിണ്ടാത്ത അവസ്ഥയുമായി. ഒരിക്കല്‍ അനീഷിന്റെ സിനിമ കാണാന്‍ പോയപ്പോള്‍ സങ്കടം സഹിക്കവയ്യാതെ പെണ്‍കുട്ടി ഇറങ്ങിയോടിയ സംഭവവും ഉണ്ടായിട്ടുണ്ട്. പിന്നീട് ഏറെക്കാലത്തെ കൗണ്‍സിലിങ്ങിനും ചികിത്സയ്ക്കും ശേഷമാണ് ധൈര്യം വീണ്ടെടുത്തത്. സ്വന്തം വീട്ടില്‍ നിന്നു പോലും വേണ്ടത്ര പിന്തുണ കിട്ടാതായതോടെയാണ് യുവതി റെഡ്ഡിറ്റ് കൂട്ടായ്മയിലൂടെ വിവരം പുറത്തുവിട്ടത്.

യുവതി പറയുന്നത് ഇങ്ങനെയാണ്.

ചെറുപ്പം തൊട്ടേ മോണോആക്ട്, പ്രസംഗം എന്നിവയില്‍ സ്ഥിരം പങ്കെടുക്കാറുണ്ടായിരുന്നു. മാത്രമല്ല ഇത് രണ്ടും പ്രൊഫഷണലായി പഠിപ്പിക്കണമെന്നായി എന്റെ രക്ഷിതാക്കളുടെയും ആഗ്രഹം. അങ്ങനെയാണ് അവര്‍ അനീഷിനെ സമീപിച്ചത്. ആ വര്‍ഷത്തെ കലോത്സവത്തിന് മോണോആക്ട് പഠിപ്പിക്കാന്‍ അയാള്‍ തയ്യാറാവുകയും ചെയ്തു. വീട്ടുകാര്‍ക്ക് അയാളെ വല്യ കാര്യമായിരുന്നു. അനീഷ് എല്ലാര്‍ക്കും സമ്മതനായ ആളായിരുന്നു. തന്നോടും അത്തരത്തില്‍ നല്ല സ്‌നേഹം പ്രകടിപ്പിച്ചിരുന്നു. എപ്പോഴും കവിള്‍ ഒക്കെ പിടിച്ച് വലിക്കുയും കചെറിയ കുട്ടികളെ പോലെ കൊഞ്ചിക്കുകയും ചെയ്തിരുന്നു. കുറച്ചുനാള്‍ കഴിഞ്ഞപ്പോള്‍ ഇതൊന്നും അത്ര ഇഷ്ടപ്പെടാതെയായി. അയാള്‍ പക്ഷെ കൂടുതല്‍ സ്വാതന്ത്ര്യം എടുത്തുതുടങ്ങി. പൊസിഷന്‍ ശരി ആക്കാനും പോസ്ചര്‍ ഭംഗിക്കും വേണ്ടി ആണെന്നും മറ്റും പറഞ്ഞ് അയാള്‍ ശരീരത്തിലെ സ്വകാര്യ ഭാഗങ്ങളിലും മറ്റും സ്പര്ശിക്കാനും പിടിക്കാനുമൊക്കെ തുടങ്ങി.

ഒരിക്കല്‍ അയാള്‍ 'ചെസ്റ്റ് പൊസിഷന്‍ ശരിയാക്കട്ടെ' എന്ന് പറഞ്ഞു ടോപിലൂടെ കയ്യിട്ട് ബ്രസ്റ്റില്‍ അമര്‍ത്തി. ഇത് ശരിക്കും ഞെട്ടിക്കുന്ന അനുഭവമായിരുന്നു. ഇതിന് പിന്നാലെ മറ്റ് പല പ്രവര്‍ത്തികും അയാള്‍ ചെയ്തു.

മലയാള സിനിമയിലും പൊതു സമൂഹത്തിലും പകല്‍മാന്യന്മാരായി നടക്കുന്നരുടെ മുഖം മൂടി ഇങ്ങനെ അഴിഞ്ഞുവീഴുമ്പോള്‍ നമ്മുടെ പെണ്‍കുട്ടികള്‍ക്ക് എന്ത് സുരക്ഷയാണ് ഇനി ഒരുക്കേണ്ടത് എന്ന് നമ്മള്‍ ഓരോരുത്തരും ചിന്തിക്കേണ്ടിയിരിക്കുന്നു.

വീഡിയോ കാണാം..