ലൈംഗിക അതിക്രമങ്ങളെക്കുറിച്ച് പറയാന് വന്നപ്പോള് ധരിച്ച വസ്ത്രം കണ്ടോ? ഞാന് അതൊന്നും ഗൗനിക്കുന്നു പോലുമില്ല.. അതിന് വേണ്ടിയിരുന്ന് പ്രതികരിക്കാന് ഞാനൊരു കൊച്ചുകുട്ടിയല്ല.. കുട്ടികള്ക്ക് പോലും ഈ വിഷയത്തില് വ്യക്തമായ കാഴ്ച്ചപ്പാടുണ്ട്... എനിക്ക് ഇഷ്ടമുള്ളത് ഞാന് ചെയ്യും... എല്ലാ സ്ത്രീകളോടും എനിക്ക് പറയാനുള്ളത് ഇത് തന്നെയാണ്... നിങ്ങള് ഇഷ്ടമുള്ളത് ചെയ്യൂ.. തുറന്നടിച്ച് റിമ കല്ലിങ്കല്
നൃത്തത്തിലൂടെയും അഭിനയത്തിലൂടെയും മലയാളികളുടെ മനസ്സിൽ ഇടംപിടിച്ച താരമാണ് റിമാകല്ലിങ്കാൽ. കഴിഞ്ഞ ദിവസം കൊച്ചിയില് നടന്ന ആര്ഐഎഫ്എഫ്കെ വേദിയില് താരം മിനി സ്കേര്ട്ട് അണിഞ്ഞായിരുന്നു എത്തിയത്. ഇതിന് പിന്നാലെ ഒരു വിഭാഗം ആളുകള് കടുത്ത അധിക്ഷേപമായിരുന്നു നടിക്കെതിരെ നടത്തിയത്. സിനിമാമേഖലയില് സ്ത്രീകള് നേരിടുന്ന അതിക്രമങ്ങളെക്കുറിച്ചാണ് റിമ ആര്ഐഎഫ്എഫ്കെ ഓപ്പണ് ഫോറത്തില് സംസാരിച്ചത്. ഡിജിറ്റല് മാധ്യമമായ ദി ക്യൂ റിമ കല്ലിങ്കലിന്റെ വീഡിയോ പങ്കുവെച്ചിരുന്നു. ഇതിന് താഴെയാണ് ചിലര് അശ്ലീലം കമന്റുകളുമായി എത്തിയത്. 'വൃത്തിയായി വസ്ത്രം ധരിച്ചു കൂടെ', 'ലൈംഗിക അതിക്രമങ്ങളെക്കുറിച്ച് പറയാന് വന്നപ്പോള് ധരിച്ച വസ്ത്രം കണ്ടോ?' എന്നിങ്ങനെയെല്ലാം പ്രതികരണങ്ങളുണ്ടായി. കടുത്ത അധിക്ഷേപങ്ങളും സാമൂഹിക മാധ്യമങ്ങളില് നടിക്കെതിരെ വന്നിരുന്നു. ഇപ്പോഴിതാ വസ്ത്രധാരണത്തിന്റെ പേരില് സാമൂഹിക മാധ്യമങ്ങളില് തനിക്കെതിരെ വന്ന അധിക്ഷേപ കമന്റുകളില് പ്രതികരണവുമായി രംഗത്തെത്തുകയാണ് നടി റിമ കല്ലിങ്കല്. ഞാന് അതൊന്നും ഗൗനിക്കുന്നു പോലുമില്ല. അതിന് വേണ്ടിയിരുന്ന് പ്രതികരിക്കാന് ഞാനൊരു കൊച്ചുകുട്ടിയല്ല. കുട്ടികള്ക്ക് പോലും ഈ വിഷയത്തില് വ്യക്തമായ കാഴ്ച്ചപ്പാടുണ്ട്. ഇത്തരം പ്രതികരണങ്ങളില് ആര്ക്കെങ്കിലും എന്തെങ്കിലും ചെയ്യാന് കഴിയുമെന്ന് ഞാന് കരുതുന്നില്ല. എനിക്ക് ചെയ്യാന് മറ്റു കാര്യങ്ങളുണ്ട്. ഇത്തരം സില്ലി കാര്യങ്ങളില് അല്ല എന്റെ താല്പര്യങ്ങളും. എനിക്ക് ഇഷ്ടമുള്ളത് ഞാന് ചെയ്യും. എല്ലാ സ്ത്രീകളോടും എനിക്ക് പറയാനുള്ളത് ഇത് തന്നെയാണ്. നിങ്ങള് ഇഷ്ടമുള്ളത് ചെയ്യൂ.
https://www.facebook.com/Malayalivartha
