ആള്ക്കാര് ആദരവോടെ തരുന്നതല്ലേ, ഒന്നും പാഴാക്കണ്ട... കിട്ടുന്നതൊക്കെ എനിക്ക് തന്നേക്ക്.... വ്യാജവാര്ത്തകള്ക്കെതിരെ പ്രതികരിച്ച് നടന് ശ്രീനിവാസന്
കഴിഞ്ഞ ദിവസം ഹൃദയസംബന്ധമായ അസുഖങ്ങളേത്തുടര്ന്നാണ് നടന് ശ്രീനിവാസനെ കൊച്ചിയിലെ സ്വകാര്യ ആശുപത്രിയില് പ്രവേശിപ്പിച്ചത്. താരത്തിനെ ബൈപാസ് ശസ്ത്രക്രിയക്ക് വിധേയമാക്കിയിരുന്നു. കൊച്ചിയിലെ സ്വകാര്യ ആശുപത്രിയില് പ്രവേശിപ്പിച്ച ശ്രീനിവാസന്റെ ആരോഗ്യനില തൃപ്തികരമെന്ന് ആശുപത്രി അധികൃതര് പുറത്തിറക്കിയ മെഡിക്കല് ബുള്ളറ്റിനില് വ്യക്തമാക്കിയിരുന്നു.
എന്നാല് ശ്രീനിവാസനെ ആശുപത്രിയില് പ്രവേശിപ്പിച്ചത് മുതല് താരത്തിന് ആദരാഞജലികള് നേര്ന്നുള്ള ഒട്ടേറെ പോസ്റ്റുകള് സോഷ്യല് മീഡിയയില് ഇന്നലെയും ഇന്നുമായി പ്രത്യക്ഷപ്പെട്ടിരുന്നു. എന്നാല് ഇത്തരം ആദരാഞ്ജലി പോസ്റ്റുകളോട് ശ്രീനിവാസന് പ്രതികരിച്ചതാണ് ഇപ്പോള് ശ്രദ്ധ നേടുന്നത്. ആശുപത്രിക്കിടക്കയില് വച്ച് ഇക്കാര്യം അറിഞ്ഞ ശ്രീനിവാസന് സ്വതസിദ്ധമായ ഫലിതത്തോടെ സുഹൃത്തുക്കളോട് പറഞ്ഞ കാര്യമാണ് ഇപ്പോള് ശ്രദ്ധ നേടുന്നത്.
ആള്ക്കാര് ആദരവോടെ തരുന്നതല്ലേ, ഒന്നും പാഴാക്കണ്ട. കിട്ടുന്നതൊക്കെ എനിക്ക് തന്നേക്ക്,' എന്നായിരുന്നു നര്മ്മബോധം കൈവിടാതെയുള്ള ശ്രീനിവാസന്റെ ഡയലോഗ്.ശ്രീനിവാസനെ നായകനാക്കി 'അയാള് ശശി' എന്ന ചിത്രം സംവിധാനം ചെയ്ത സജിന് ബാബുവാണ് ശ്രീനിവാസന്റെ രസകരമായ മറുപടി ആരാധകരെ അറിയിച്ചുകൊണ്ട് വ്യാജവാര്ത്തകള്ക്കെതിരെ രംഗത്തു വന്നത്.
സംവിധായകന് സജിന് ബാബുവിന്റെ കുറിപ്പ്:
ഈ ചിത്രം 'അയാള് ശശി' എന്ന സിനിമക്കായി ചെയ്ത മാക്കോവര് ആണ്.. ഇത് വച്ചാണ് ചിലര് കള്ള വാര്ത്തകള് അച്ചടിച്ചു കൊണ്ടിരിക്കുന്നത് ശ്രീനിയേട്ടന്റെ അടുത്ത സുഹൃത്തും, നിര്മാതാവുമായ മനോജ് രാം സിങിനോട് ശ്രീനിയേട്ടന് ആശുപത്രിയില് നിന്നും ഫോണില്15 മിനിറ്റ് മുന്നേ സംസാരിച്ചത് താഴെ കൊടുക്കുന്നു.
'ആള്ക്കാര് ആദരവോടെ തരുന്നതല്ലേ, ഒന്നും പാഴാക്കണ്ട, കിട്ടുന്നതൊക്കെ എനിക്ക് തന്നേക്ക്. കൂടുതലായി പോയാല് കുറച്ചു മനോജിന് തന്നേക്കാം' മിനിറ്റുകള്ക്ക് മുന്പ് ഐസിയുവില് കിടന്ന് സ്വന്തമായി ശ്വസിക്കുന്ന ശ്രീനിയേട്ടനോട് ചേച്ചിയുടെ ഫോണില് സംസാരിച്ചപ്പോള്, ശ്രീനിയേട്ടന് ആദരാഞ്ജലികള് അര്പ്പിച്ചു കൊണ്ടുള്ള ചില മനോരോഗികളുടെ പോസ്റ്റിന്റെ കാര്യം പറഞ്ഞപ്പോള് ഉള്ള ശ്രീനിയേട്ടന്റെ ചിരിച്ചുകൊണ്ടുള്ള മറുപടിയാണ് മുകളില് പറഞ്ഞത്. ആ മറുപടി കൊണ്ടു തന്നെ ഞാനായി ഈ പോസ്റ്റില് ഒന്നും കൂട്ടിച്ചേര്ക്കുന്നില്ല.
https://www.facebook.com/Malayalivartha