കടംകഥ എന്ന സിനിമയിലൂടെ അഭിനയ രംഗത്തേക്ക് വന്ന താരമാണ് നടി വീണ നന്ദകുമാര്‍. 2017ലാണ് ചിത്രം പുറത്തിറങ്ങിയത്. എന്നാല്‍'കെട്ട്യോളാണ് എന്റെ മാലാഖ' എന്ന സൂപ്പര്‍ഹിറ്റ് ചിത്രത്തിലൂടെയാണ് മലയാളികളുടെ മനം കവരാന്‍ താരത്തിന് സാധിച്ചത്.

സോഷ്യല്‍ മീഡിയയിലും താരം സജീവമാണ്. ഇന്‍സ്റ്റഗ്രാമിലെ 'ആസ്‌ക് മി എ ക്വസ്റ്റ്യന്‍' വേളയില്‍ ഒരു ആരാധകന്റെ ചോദ്യത്തിനു താരം നല്‍കിയ മറുപടിയാണ് ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത്. 'നിങ്ങള്‍ വളരെ ഹോട്ടാണ്, എനിക്ക് ഇഷ്ടപ്പെട്ടു' എന്നാണ് ഒരാള്‍ ഇന്‍സ്റ്റഗ്രാം സന്ദേശമയച്ചത്. ഇപ്പോള്‍ വേനല്‍ക്കാലം അല്ലേ എല്ലാവര്‍ക്കും ചൂട് തോന്നുമെന്നാണ് വീണ ഇതിനു കൊടുത്തിരിക്കുന്ന മറുപടി.

ആദ്യ സിനിമയായ കടംകഥയ്ക്ക് ശേഷം തമിഴിലേക്ക് പോയ വീണ അവിടെയൊരു പടത്തില്‍ അഭിനയിച്ചു. മലയാളത്തിലെ ആദ്യ സിനിമ വലിയ ശ്രദ്ധനേടിയിരുന്നില്ല. പക്ഷേ പിന്നീട് 2019ല്‍ ആസിഫ് അലി നായകനായ കെട്ട്യോളാണ് എന്റെ മാലാഖ എന്ന ചിത്രത്തില്‍ നായികയായി അഭിനയിച്ച് പ്രേക്ഷകരുടെ പ്രിയങ്കരിയായി മാറിയത്.

ഇന്നും ആ സിനിമയിലെ പ്രകടനത്തിന്റെ പേരിലാണ് വീണ അറിയപ്പെടുന്നത്. കാരണം അത്ര മനോഹരമായിട്ടാണ് വീണ സിനിമയിലെ റിന്‍സി എന്ന കഥാപാത്രം ചെയ്തത്. ക്ലൈമാക്‌സ് രംഗങ്ങളില്‍ പ്രേക്ഷകരുടെ കണ്ണുനിറയുന്ന പ്രകടനം കൊണ്ട് കൈയടി നേടിയാണ് വീണ ആരാധകരെ സ്വന്തമാക്കിയത്. അതിന് ശേഷം കോഴിപ്പോര്, ലവ് തുടങ്ങിയ സിനിമകളില്‍ വീണ അഭിനയിച്ചു.
കഴിഞ്ഞ വര്‍ഷം അവസാനം പുറത്തിറങ്ങിയ മോഹന്‍ലാല്‍ നായകനായി ബ്രഹ്മണ്ഡ സിനിമയായ മരക്കാറിലാണ് വീണയുടെ അവസാന റിലീസ് ചിത്രം. കെട്ട്യോളാണ് എന്റെ മാലാഖയ്ക്ക് മുമ്പ് ഷൂട്ട് ചെയ്ത സിനിമയായിരുന്നു അത്.

മരക്കാരില്‍ വളരെ ചെറിയ റോളിലാണ് വീണ അഭിനയിച്ചിരുന്നത്. കെട്ട്യോളിന് ശേഷം സോഷ്യല്‍ മീഡിയയിലും താരത്തിന് ഒരുപാട് ആരാധകരെ ലഭിച്ചു. മറ്റു താരങ്ങളെ പോലെ അധികം സജീവമല്ലെങ്കില്‍ കൂടിയും വീണ ഫോട്ടോഷൂട്ടുകളൊക്ക ചെയ്യാറുണ്ട്.

വീണയുടെ ലുക്ക് ഒരു രക്ഷയുമില്ലെന്നാണ് ആരാധകര്‍ പറയുന്നത്. വീണയുടെ നീളന്‍ മുടിക്ക് കണ്ണ് തട്ടാതിരിക്കട്ടെയെന്നും ചിലര്‍ പറയുന്നുണ്ട്. പ്ലാന്‍ ബി ആക്ഷന്‍സിന് വേണ്ടി ജിബിന്‍ സോമചന്ദ്രന്‍ എടുത്ത ഫോട്ടോഷൂട്ടിലെ ചിത്രങ്ങളാണ് ഇപ്പോള്‍ വൈറലാവുന്നത്.

ഹോട്ട് ആന്‍ഡ് സ്‌റ്റൈലിഷ് ലുക്കിലാണ് വീണയെ ചിത്രങ്ങളില്‍ കാണാന്‍ സാധിക്കുന്നത്. ജോബിന വിന്‍സെന്റാണ് വീണയുടെ ഫോട്ടോഷൂട്ടിന് സ്‌റ്റൈലിംഗ് ചെയ്തിരിക്കുന്നത്. അഷ്‌ന ആഷാണ് താരത്തിന് മേക്കപ്പ് ചെയ്തിരിക്കുന്നത്.