നടന്‍ കൃഷ്ണ കുമാറിന്റെ കുടുംബത്തെ പറ്റിയുള്ള വിശേഷങ്ങൾ കേൾക്കാൻ മലയാളികൾക്ക് ഒരു പ്രത്യേക ആവേശമാണ്. കാരണം കുടുംബത്തില്‍ എല്ലാവരും സെലിബ്രിറ്റികളാണ്. മൂത്തമകള്‍ അഹാന കൃഷ്ണ ഇഷാനിയും ഹന്‍സികയും സിനിമകളില്‍ മുഖം കാണിച്ചു, ദിയ കൃഷ്ണ മാത്രമാണ് ഇപ്പോള്‍ സിനിമയിലേക്ക് എത്താത്തത് എങ്കിലും സോഷ്യല്‍ മീഡിയയില്‍ വളരെ സജീവമായതിനാൽ പ്രേക്ഷകരുടെ പ്രിയങ്കരിയാണ് താരം.

കുടുംബത്തിലെല്ലാവർക്കും സ്വന്തമായി യൂട്യൂ​ബ് ചാനലുണ്ട്. കുക്കിംഗ് വീഡിയോകളുമായി സിന്ധുകൃഷ്ണയും സോഷ്യല്‍ മീഡിയയില്‍ പ്രത്യക്ഷപ്പെടാറുണ്ട്.ഏറ്റവും പുതിയ വീഡിയോയിൽ ആരാധകര്‍ തന്നോടായി ചോദിച്ച ചോദ്യങ്ങള്‍ക്ക് ഉത്തരം പറയുകയാണ് സിന്ധു.

ഇഞ്ചക്ഷന്‍ വരെ പേടിയുള്ള തനിക്ക് ഈ നാല് പ്രസവവും എങ്ങനെ കഴിഞ്ഞുപോയി എന്ന് അറിയില്ല എന്നാണ് താരം പറയുന്നത്. പിന്നെ എത്രയൊക്കെ പേടിയുണ്ടായാലും ആ അവസ്ഥയിലൂടെ കടന്നു പോകണം എന്നതാണ് യാഥാര്‍ത്ഥ്യം അപ്പോള്‍ എവിടെ നിന്നാണ് ഒരു ശക്തി നമ്മളിലേക്ക് വരിക എന്ന് നമുക്ക് പോലും മനസ്സിലാകില്ല.എന്നും സിന്ധു പറയുന്നു.

അതുപോലെ നാല് പേരുടെ പ്രസവവും വളരെ വ്യത്യസ്തമായിരുന്നു. അഹാനയെ ഗര്‍ഭിണിയായിരുന്ന സമയത്ത് ആണ്‍കുട്ടിയായിരിക്കുമെന്നായിരുന്നു എല്ലാവരും പറഞ്ഞത്. ആണ്‍കുഞ്ഞിന്റെ പേരുകളായിരുന്നു കണ്ടുപിടിച്ചത്. എയില്‍ വരുന്ന പേരുകളെക്കുറിച്ച് ആലോചിച്ചപ്പോഴാണ് അഹാന എന്ന പേരിട്ടത് എന്നും പറഞ്ഞ സിന്ധു കൃഷ്ണ ഇതിനെ കുറിച്ച് വിശദമായൊരു വീഡിയോ പിന്നീട് പങ്കുവെയ്ക്കാം എന്നും പ്രേക്ഷകരെ അറിയിച്ചു.

നേരത്തെ നാല് പെൺമക്കളുടെ വിവാഹത്തെ കുറിച്ചുള്ള ആരാധകരുടെ ചോദ്യങ്ങള്‍ക്ക് മറുപടിയുമായി കൃഷ്ണ കുമാറും ഭാര്യ സിന്ധുവും എത്തിയിരുന്നു.മക്കളുടെ വിവാഹത്തെ കുറിച്ച് സ്വപ്‌നം കണ്ട് തുടങ്ങിയോ എന്ന ചോദ്യത്തിന് അവരവര്‍ തന്നെ സ്വപ്‌നം കണ്ട്, വിവാഹം സ്വയം തീരുമാനിക്കണം എന്നാണ് കൃഷ്ണ കുമാര്‍ പറയുന്നത്. ഞാന്‍ ജീവിച്ചത് എന്റെ ഇഷ്ടത്തിനാണ്. ഇഷ്ടപ്പെട്ടയാളെ തന്നെ ഞാന്‍ കല്യാണം കഴിച്ചു. അതുപോലെ അവരുടെ കാര്യവും സ്വയം തീരുമാനിക്കട്ടേ. അവരല്ലേ ജീവിക്കേണ്ടത്. എതിര്‍ത്തിട്ട് എന്ത് കാര്യമെന്നുമാണ് ഒരു പ്രമുഖ മാ​ഗസീന് നല്‍കിയ അഭിമുഖത്തിലൂടെ താരം ചോദിച്ചത്.