തെന്നിന്ത്യൻ സിനിമയിലെ സൂപ്പർ നായികയായി വളരെ പെട്ടെന്ന് പ്രേക്ഷക മനസിൽ ഇടം നേടിയ താരമാണ് സമാന്ത റൂത്ത് പ്രഭു.ബോളിവുഡിലെ നിറ സാന്നിധ്യമായി മാറാനായി തയ്യാറെടുക്കുകയാണ് താരം. ഹിന്ദിയിൽ നിന്നും നിരവധി ഓഫറുകളാണ് വന്നു കൊണ്ടിരിക്കുന്നത്. സമാന്തയും ഹിന്ദിയിലേക്ക് ചുവടുമാറ്റാനുള്ള തയ്യാറെടുപ്പിൽ ആണെന്നാണ് റിപ്പോർട്ടുകൾ പറയുന്നത്.

അതേസമയം സമാന്തയെ തേടി ഇപ്പോൾ സൂപ്പർ താരങ്ങളുടെ സിനിമകൾ വരുന്നില്ലെന്നും വലിയ താരങ്ങൾ തങ്ങളുടെ നായികയായി അഭിനയിക്കാൻ സമാന്തയെ സമീപിക്കുന്നില്ലെന്നുമാണ് തെലുങ്ക് മാധ്യമങ്ങൾ റിപ്പോർട്ട് ചെയ്യുന്നത്.രശ്മിക മന്ദാനയും പൂജ ഹെഗ്ഡെയുമാണ് സൂപ്പർ നായകന്മാരുടെ ചിത്രങ്ങൾക്കായി ആദ്യം സമീപിക്കപ്പെടുന്നതെന്നും ഇത് സമാന്ത്യയുടെ താരമൂല്യത്തെ ഭയക്കുന്നത് മൂലമാണെന്നുമാണ് തെലുങ്ക് മാധ്യമങ്ങൾ റിപ്പോർട്ട് ചെയ്യുന്നത്.

തെന്നിന്ത്യൻ സിനിമയിലെ സൂപ്പർ താരങ്ങളുടെ ചിത്രങ്ങളിൽ നായികയായി സമാന്തയെ പരിഗണിക്കാൻ മടിക്കുന്നതായാണ് റിപ്പോർട്ടുകൾ പറയുന്നത്. എന്നാൽ സമാന്ത ബോളിവുഡ് സിനിമകളുടെ തിരക്കഥ കേൾക്കുകയാണെന്നും താരം തന്റെ കരിയറിൽ മുന്നോട്ട് പോകാൻ തീരുമാനിച്ചതുമാണ് സൂപ്പർ നായകന്മാരുടെ കൂടെയുള്ള സിനിമകൾ ഒഴിവാക്കാനുള്ള കാരണമെന്നും അതിൽ അസ്വാഭാവികമായി ഒന്നുമില്ലെന്നുമാണ് ആരാധകരുടെ വിലയിരുത്തൽ.

യശോദയാണ് സമാന്തയുടെ ചിത്രീകരണം നടക്കുന്ന ഒരു സിനിമ. വിജയ് സേതുപതിയ്ക്കും നയൻതാരയ്ക്കുമൊപ്പം അഭിനയിക്കുന്ന കാത്തുവാക്കുലെ രണ്ട് കാതൽ ആണ് സമാന്തയുടെ മറ്റൊരു സിനിമ. വമ്പൻ ചിത്രമായ ശാകുന്തളം ആണ് തെലുങ്കിൽ സമാന്തയുടേതായി ഇനി പുറത്തിറങ്ങാനുള്ളത്.

വിജയ് ചിത്രം ബീസ്റ്റ്, ഹിന്ദിയിൽ സൽമാൻ ഖാൻ ചിത്രം കഭി ഈദ് കഭി ദിവാലി, സർക്കസ് എന്നീ ചിത്രങ്ങളിലെ നായികയായി എത്തുക പൂജയായിരിക്കും. വിജയിയ്ക്കൊപ്പം പുതിയ ചിത്രത്തിൽ നായികയായി എത്തുന്നത് രശ്മിക മന്ദാനയാണ്. മിഷൻ മജ്നുവിലൂടെ രശ്മിക ബോളിവുഡ് അരങ്ങേറ്റത്തിനും തയ്യാറാവുകയാണ്.ഗുഡ് ബൈ, ആനിമൽ എന്നീ ചിത്രങ്ങളിലും രശ്മിക നായികയാകുന്നുണ്ട്.