ബോളിവുഡ് നടിയും നര്‍ത്തകിയുമായ രാഖി സാവന്തിനെ തേടി എത്തിയിരിക്കുന്നത് 50 ലക്ഷത്തിന്റെ കാറാണ്. രാഖിയുടെ സുഹൃത്തുക്കളാണ് താരത്തിന് ഇത് സമ്മാനമായി നല്‍കിയത്. കാറുകള്‍ മാറി മാറി വാങ്ങാന്‍ താന്‍ സല്‍മാന്‍ ഖാനല്ലെന്ന് താരം മുമ്പ് പറഞ്ഞിരുന്നു. ഇതിനു പിന്നാലെയാണ് താരത്തിനെ തേടി50 ലക്ഷത്തിന്റെ ബിഎംഡബ്‌ള്യൂ എക്‌സ്1 കാര്‍ എത്തിയത്.

ആഡംബര കാര്‍ വാങ്ങാന്‍ പണമില്ലെന്നും ഇപ്പോഴുള്ള കാറില്‍ തൃപ്തയാണെന്നും അടുത്തിടെ താരം പറഞ്ഞിരുന്നു. ഒരു കാര്‍ ഷോറൂമിന് മുന്നില്‍ താരത്തെ കണ്ടെ മാധ്യമപ്രവര്‍ത്തകര്‍ കാര്‍ വാങ്ങാനുള്ള ഒരുക്കത്തിലാണോ എന്ന ചോദിച്ചപ്പോഴായിരുന്നു പ്രതികരണം.

പിന്നാലെ സുഹൃത്തുക്കളായ ആദില്‍ ഖാന്‍ ദുരാനിയും ഷെല്ലി ലാദറും ചേര്‍ന്ന് രാഖിയ്ക്ക് ബിഎംഡബ്‌ള്യൂ സമ്മാനിക്കുകയായിരുന്നു. സുഹൃത്തുക്കളുടെ സ്‌നേഹസമ്മാനത്തെക്കുറിച്ച് താരം തന്നെയാണ് ആരാധകരോട് വെളിപ്പെടുത്തിയത്.

വിവാദ പരാമര്‍ശങ്ങളുടെ പേരിലാണ് പലപ്പോഴും രാഖി സാവന്ത് വാര്‍ത്തകളില്‍ നിറഞ്ഞു നില്‍ക്കുന്നത്. ബിഗ് ബോസ് ഹിന്ദിയുടെ പതിനാലാമത്തെ സീസണില്‍ പങ്കെടുത്തതോട് കൂടി രാഖിയെ കുറിച്ചുള്ള വാര്‍ത്തകള്‍ നിരന്തരം വരാന്‍ തുടങ്ങിയത്.

ബിഗ് ബോസ് 14 ല്‍ തന്റെ വേര്‍പിരിഞ്ഞ ഭര്‍ത്താവിനെ കുറിച്ചും പുതിയ വിവാഹത്തെ കുറിച്ചുമൊക്കെ നടി ആദ്യമായി വെളിപ്പെടുത്തിയിരുന്നു.തന്റെ വിവാഹത്തെ കുറിച്ചും പോരാട്ടങ്ങളെ കുറിച്ചുമൊക്കെ പറയുന്നതിനൊപ്പം, ജീവിതത്തില്‍ നേരിട്ട ഏറ്റവും പേടിപ്പിച്ച അനുഭവത്തെ പറ്റിയും സൂചിപ്പിച്ചിരുന്നു.

ശരീര സൗന്ദര്യത്തിന് മാറ്റ് കൂട്ടുന്നതിന് വേണ്ടി നടത്തിയ സര്‍ജറിയെ കുറിച്ചും അതിലൂടെയുണ്ടായ അനുഭവങ്ങളെ കുറിച്ചും രാഖി പറഞ്ഞ വാക്കുകള്‍ ഇപ്പോള്‍ ഇന്റര് നെറ്റില്‍ തരംഗമായിരിക്കുകയാണ്. ഒത്തിരി കഷ്ടപാടുകളിലൂടെയാണ് സിനിമയിലും മറ്റുമായി ഇന്നത്തെ അവസ്ഥയില്‍ താന്‍ എത്തി നില്‍ ക്കുന്നതെന്നാണ് രാഖി പറഞ്ഞിരുന്നത്.

ബോളിവുഡില് പ്രവേശിച്ച സമയത്താണ് തന്റെ ജീവിതത്തില് ഒരിക്കലും മറക്കാന് പറ്റാത്ത ഭയാനകവും ഞെട്ടിപ്പിക്കുന്നതുമായ ഒരു അനുഭവം ഉണ്ടായതെന്നാണ് നടി പറഞ്ഞത്. അന്ന് കോസ് മെറ്റിക് സര്‍ജറിയ്ക്ക് വേണ്ടി എല്ലാവരും പരക്കം പായുന്ന കാലമായിരുന്നു അതെന്നാണ് രാഖി പറയുന്നത്.

സ്തന ശസ്ത്രക്രിയ ചെയ്തത് വളരെ ഭയാനകമായ അവസ്ഥയായിരുന്നു എന്നാണ് രാഖി പറഞ്ഞത്. എനിക്ക് 15-16 വയസ്സുള്ളപ്പോള് ആണ് ഞാന്‍ സ്തന ശസ്ത്രക്രിയയ്ക്ക് വിധേയായത്. അത് വളരെ പേടിപ്പിച്ച അനുഭമായിരുന്നു. ആ സമയത്ത് ലോകസുന്ദരിയും വിശ്വസുന്ദരിയും എല്ലാ ശസ്ത്രക്രിയകള്‍ക്കും വിധേയരായിട്ടുണ്ട്.

ബോളിവുഡില്‍ പ്രവേശിക്കണമെങ്കില്‍ ശരീരവും മുഖവും പൂര്‍ ണതയുള്ളതായിരിക്കണം എന്നാണ് എല്ലാവരും പറഞ്ഞത്. ആ സമയത്ത് ഞാന്‍ അപൂര്‍ണ്ണമായ അവസ്ഥയിലാണ്.അങ്ങനെ ഞാന് ഓപ്പറേഷന് തിയറ്ററില് ഒരു തണുത്ത പെണ്‍കുട്ടിയായി കിടന്ന് ഹോട്ട് ഗേള്‍ ആയി മാറി.