മലയാള ചലച്ചിത്ര ആസ്വാദകരുടെ പ്രിയതാരമാണ് മീരാ ജാസ്മിൻ. ഒരുപിടി മികച്ച കഥാപാത്രങ്ങൾ മലയാളികൾക്ക് സമ്മാനിച്ച താരം ആറു വർഷത്തെ ഇടവേളക്ക് ശേഷം അഭിനയത്തിൽ വീണ്ടും സജീവമാകുകയാണ്. സത്യൻ അന്തിക്കാട് ചിത്രത്തിലാണ് മീര ഇപ്പോൾ അഭിനയിക്കുന്നത്.

ആറ് വര്‍ഷം നീണ്ട ഇടവേളയ്ക്ക് ശേഷം മലയാള സിനിമയിലേക്ക് തിരിച്ച്‌ വരവ് നടത്തിയിരിക്കുകയാണ് മീര ജാസ്മിന്‍. സത്യന്‍ അന്തിക്കാടിന്റെ സംവിധാനത്തില്‍ ജയറാമിന്റെ നായികയായി ‘മകള്‍’ എന്ന ചിത്രത്തിലൂടെയാണ് താരം തിരിച്ചെത്തുന്നത്.എന്നാൽ ഇപ്പോൾ ഒരു ഓൺലൈൻ മീഡിയയ്ക്ക് നൽകിയ അഭിമുഖത്തില്‍ തിരിച്ചുവരവിനെ കുറിച്ച്‌ താരം പറയുന്നുണ്ട്. പുതിയ സംവിധായകര്‍ക്കൊപ്പം പ്രവര്‍ത്തിക്കാന്‍ ആഗ്രഹമുണ്ടെന്നും അടുത്ത സിനിമ എപ്പോഴാണെന്ന് ഉറപ്പില്ലെന്നും നടി പറയുന്നു.

‘നൂറ് ശതമാനം ചെയ്യണമെന്ന് തോന്നിയാലേ അടുത്ത സിനിമ ചെയ്യുകയുള്ളൂ. ദൈവം എനിക്ക് നല്ല ആയുസ് തന്നാല്‍ 80- 90 വയസുവരെ സിനിമയില്‍ അഭിനയിക്കാന്‍ കഴിയുമെങ്കില്‍ ഞാന്‍ അഭിനയിക്കും. വേറെ എവിടെയും പോകില്ല. ഇപ്പോള്‍ കഥകളൊക്കെ കേള്‍ക്കുന്നുണ്ട്. ഫഹദിന്റെ കൂടെ അഭിനയിക്കണമെന്നുണ്ട്.

ഇപ്പോഴത്തെ നടിമാര്‍ മെസേജ് അയക്കാറുണ്ട്. ഒരുപാട് സീനിയറായിട്ട് ആരും എന്നെ കാണുന്നത് ഇഷ്ടമല്ല. നവ്യയൊക്കെ തിരിച്ചുവന്നത് എനിക്ക് ഭയങ്കര സര്‍പ്രൈസായി. മഞ്ജുചേച്ചിയുണ്ട്, ഭാവന ഇപ്പോള്‍ വരുന്നു. ഞാന്‍ പലപ്പോഴും സൗഹൃദം അത്ര കാത്തുസൂക്ഷിക്കാത്തയാളാണ്. ഭയങ്കര പ്രൈവസിയുള്ളയാളാണ്’, മീര പറഞ്ഞു.

അഭിനയ ജീവിതം ആരംഭിച്ച് രണ്ട് വർഷങ്ങൾക്ക് ഉള്ളിൽ തന്നെ ദേശീയ-സംസ്ഥാന അവാർഡുകൾ നേടിയിട്ടുള്ള മീര ജാസ്മിന് ഇടയ്ക്ക് എപ്പോഴോ അഭിനയ ജീവിതത്തിൽ പാളിച്ചകൾ പറ്റി. 2014 ലായിരുന്നു മീര വിവാഹിതയായത്.വിവാഹം കഴിഞ്ഞ് സിനിമയിൽ വളരെ വിരളമായിട്ട് മാത്രമാണ് മീര അഭിനയിച്ചിട്ടുള്ളത്. പക്ഷേ ഒരു ശക്തമായ തിരിച്ചുവരവിലൂടെ മീര ആരാധകരെ ഞെട്ടിക്കാൻ ഒരുങ്ങുകയാണ്. അതിന്റെ ഭാഗമായി സമൂഹ മാധ്യമങ്ങളിൽ സജീവമാകാൻ തീരുമാനിക്കുകയും നടിമാരുടെ ഇഷ്ടപ്പെട്ട സോഷ്യൽ മീഡിയ പ്ലാറ്റ്ഫോമായ ഇൻസ്റ്റാഗ്രാമിൽ അക്കൗണ്ട് തുടങ്ങുകയും ചെയ്തിരുന്നു.

ആ ഇൻസ്റ്റാഗ്രാം അക്കൗണ്ടിലൂടെ ഇടയ്ക്കിടെ ഗ്ലാമറസ് ഫോട്ടോഷൂട്ടുകൾ ചെയ്ത ആരാധകരെ ശരിക്കും ഞെട്ടിച്ച് കൊണ്ടിരിക്കുകയാണ് മീര ഇപ്പോൾ. തിരിച്ചുവരവിൽ ഇത്രയും കിടിലം മേക്കോവറുകൾ നേടിയിട്ടുള്ള ഒരു അഭിനയത്രി ഉണ്ടോയെന്നത് തന്നെ സംശയമാണ്. താരത്തിന്റെ പുതിയ ഗ്ലാമറസ് ഫോട്ടോഷൂട്ടിലെ ചിത്രങ്ങ എപ്പോൾ സോഷ്യൽ മീഡിയയിൽ വളരെയധികം വൈറലാകുന്നുണ്ട്.ഞെട്ടിക്കുന്ന മേക്കോവറാണ് നടിക്ക് സംഭവിച്ചതിരിക്കുന്നത്.മെലിഞ്ഞ് സുന്ദരിയായി ഫ്രോക്ക് ഒക്കെ ധരിച്ചുള്ള ചിത്രങ്ങൾ പങ്കുവെച്ചതിന് ഒരുപാട് നല്ല അഭിപ്രായമാണ് പ്രേക്ഷകർ പറഞ്ഞത്.

'ഒരു ഇന്ത്യൻ പ്രണയകഥ'യും, 'കുടുംബപുരാണ'വും, 'കളിക്കള'വുമൊക്കെ നിർമ്മിച്ച 'സെൻട്രൽ പ്രൊഡക്ഷൻസാണ്' സിനിമയുടെ നിർമ്മാതാക്കൾ. ഡോ. ഇക്‌ബാൽ കുറ്റിപ്പുറത്തിന്‍റേതാണ് രചന. എസ്. കുമാറാണ് ഛായാഗ്രാഹണം നിർവഹിക്കുന്നത്.