ഗായിക റിമിടോമി രണ്ടാമതും വിവാഹിതയാകുന്നു എന്ന വാർത്തകൾ പ്രചരിച്ചിരുന്നു. വിവാഹ ബന്ധം വേര്‍പ്പെടുത്തി വളരെക്കാലത്തിന് ശേഷമാണ് റിമി വീണ്ടും വിവാഹിതയാകാൻ പോകുന്നുവെന്നായിരുന്നു വിവരം. ഇപ്പോൾ ഇതാ ഈ വിഷയത്തിൽ പ്രതികരണവുമായി റിമി വന്നിരിക്കുകയാണ്. കുറച്ച് ദിവസങ്ങളിലായി തനിക്കു തുടർച്ചയായി ഫോൺ കോളുകൾ വരുന്നു.

കല്യാണം ആയോ റിമി എന്നാണ് എല്ലാരും ചോദിക്കുന്നത്. എല്ലാവർക്കും വിവാഹ കാര്യമാണ് അറിയേണ്ടത്. തന്റെ വിവാഹം സംബന്ധിച്ച് ചില മാധ്യമങ്ങൾ പ്രചരിപ്പിച്ച വാർത്തകൾ വ്യാജമാണ്. റിമി വിവാഹിതയാകാൻ പോവുകയാണെന്നു പറഞ്ഞ് പല വിഡിയോകളും കുറച്ചു ദിവസങ്ങളായി സമൂഹമാധ്യമങ്ങളിൽ പ്രചരിക്കുന്നു.

അതെല്ലാം വ്യാജമാണ്. എന്നിൽ നിന്നും യാതൊരു പ്രതികരണവും കിട്ടാതെ അവർ എന്തുകൊണ്ടാണ് ഇത്തരമൊരു പ്രചാരണം നടത്തുന്നതെന്നു മനസ്സിലാകുന്നില്ല. ഭാവിയില്‍ വിവാഹക്കാര്യം സംബന്ധിച്ച് എന്തെങ്കിലും തീരുമാനം എടുക്കുകയാണെങ്കിൽ ഞാൻ നിങ്ങളോടു പറയുമെന്നും റിമി പ്രതികരിച്ചു.ഇത്തരം കാര്യങ്ങൾ ഞാൻ പറഞ്ഞാൽ മാത്രം വിശ്വസിച്ചാൽ മതിയെന്നാണ് റിമി പറയുന്നത്.

ഇപ്പോൾ ഞാൻ ഇങ്ങനെയൊക്കെ ജീവിച്ചു പൊയ്ക്കോട്ടെയെന്നും താരം പറയുന്നു. സിനിമാരംഗത്തെ പ്രമുഖനായ വ്യക്തിയാണു വരൻ എന്നായിരുന്നു റിമിയുടെ വിവാഹ വാർത്തയുമായി ബന്ധപ്പെട്ട് പ്രചരിച്ചത്. റിമിയുമായി വിവാഹ ബന്ധം വേര്‍പെടുത്തിയതിന് ശേഷം ആദ്യ ഭര്‍ത്താവ് റോയ്സ് വീണ്ടും വിവാഹം കഴിച്ചിരുന്നു.

എന്നാല്‍ റിമി തന്റെ തിരക്കുകളില്‍ മുഴുകുകയായിരുന്നു. ചിങ്ങമാസം വന്നു ചേര്‍ന്നാല്‍ എന്ന ഗാനം ആലപിച്ച് മലയാളി സംഗീതാസ്വാദകരുടെ പ്രിയ ഗായികയായി മാറിയ വ്യക്തിയാണ് റിമി. ഗായിക എന്നതിന് പുറമേ അവതാരകയും അഭിനേത്രിയും ഒക്കെയായി റിമി പ്രകടനങ്ങൾ കാഴ്ച്ച വച്ചു. ഇതിനിടെ വിവാഹവും കഴിഞ്ഞു.

എന്നാൽ പൊരുത്തക്കേടുകളെ തുടര്‍ന്ന് ആ ബന്ധം അവസാനിപ്പിച്ചു. ബല്‍റാം വേഴ്സസ് താരാദാസെന്ന ചിത്രത്തിലൂടെ വെള്ളിത്തിരയിലുമെത്തി. കണ്ണന്‍ താമരക്കുളം സംവിധാനം ചെയ്ത തിങ്കള്‍ മുതല്‍ വെളളി വരെ എന്ന സിനിമയില്‍ ജയറാമിന്റെ നായികയായി അഭിനയിച്ചു.

പലപ്പോഴും സോഷ്യല്‍ മീഡിയയിലൂടെ തന്റെ വര്‍ക്ക് ഔട്ട് ഫോട്ടോകള്‍ റിമി ടോമി പങ്കുവയ്ക്കാറുണ്ട്. ആരോഗ്യത്തില്‍ കാട്ടുന്ന ശ്രദ്ധ ആരാധകര്‍ക്കിടയില്‍ ഒരു ചര്‍ച്ചാ വിഷയമാണ്. റിമി ടോമിയുടെ ഫിറ്റ്നെസിന്റെ രഹസ്യം എന്താണെന്ന് അറിയാനും ആരാധകര്‍ ശ്രമിക്കാറുണ്ട്.