വിജയ് ബാബുവിനെതിരെ താര സംഘടനയായ അമ്മ നടപടിയെടുക്കാത്തതിൽ പ്രതിഷേധിച്ച് അമ്മയുടെ ആഭ്യന്തര പരാതി പരിഹാര സമിതിയിൽ നിന്നും നടി മാല പാർവതി രാജിവച്ചിരുന്നു. എന്നാൽ വിജയ് ബാബുവിനെതിരെ നടപടിയെടുക്കാത്തതിൽ പ്രതിഷേധിച്ച മാലാ പാർവതിയ്ക്കെതിരെ സൈബർ ആക്രമണം ശക്തമാകുകയാണ്. സ്വന്തം മോനെ മര്യാദക്ക് വളർത്താൻ അറിയാത്തവർ ആണ് നാട്ടുകാരെ നന്നാക്കാൻ നടക്കുന്നെ.. മാല പാർവതി മകന്റെ അസുഖം മാറ്റിയിട്ടുപോരെ ആരാന്റെ അസുഖം മാറ്റുന്നത്'... തുടങ്ങി ഒട്ടേറെ കമന്റുകളാണ് സോഷ്യൽ മീഡിയയിൽ‍ വരുന്നത്. മാലാ പാർവതിയുടെ മകൻ തനിക്ക് അശ്ലീല സന്ദേശങ്ങളും ചിത്രങ്ങളും അയച്ചുവെന്ന ഗുരുതര ആരോപണവുമായി ട്രാൻസ് വുമണും മേക്കപ്പ് ആർട്ടിസ്റ്റുമായ സീമ വിനീത് രംഗത്തെത്തിയത് 2020 ൽ ആയിരുന്നു. മാലാ പാർവതിയുടെ മകനായ അനന്ത കൃഷ്ണൻ തനിക്കയച്ച സെക്സ് ചാറ്റും അശ്ലീല പ്രദർശനം നടത്തിയതിന്റെ സ്ക്രീൻ ഷോട്ടും സഹിതമായിരുന്നു സീമ ഫെയ്സ്ബുക്കിലൂടെ രംഗത്തെത്തിയത്.

നിങ്ങൾ വളർന്നു ശ്രീ മാലാ പാർവതി. പക്ഷേ നിങ്ങൾ നിങ്ങളുടെ മകനെ നന്നായി വളർത്താൻ മറന്നു പോയിരിക്കുന്നു എന്ന് പറഞ്ഞായിരുന്നു സീമ ഫെയ്സ്ബുക്കിലൂടെ തുറന്നു പറഞ്ഞത്. നിങ്ങൾ എന്നോട് മാപ്പ് പറയേണ്ട കാര്യമില്ല. നിങ്ങളുടെ മകനാണ് തെറ്റ് ചെയ്തത് എന്നും സീമ പറഞ്ഞിരുന്നു. സംഭവത്തിൽ സോഷ്യൽ മീഡിയയിലടക്കം വിവാദങ്ങളും പ്രതിഷേധങ്ങളും ഉണ്ടായിരുന്നു. ഇതിന് പിന്നാലെ സംഭവത്തിൽ സീമയോട് മാപ്പ് പറഞ്ഞു മാലാ പാർവതി രംഗത്തെത്തിയിരുന്നു. മകൻ തെറ്റ് ചെയ്തിട്ടുണ്ടെങ്കിൽ അതിന്റെ ഫലം നേരിടണമെന്നും എല്ലാ തരത്തിലും പരാതിക്കാരിക്കൊപ്പമാണെന്നും മാലാ പാർവതി പറഞ്ഞിരുന്നു.