ധനുഷ് ഹാജരാക്കിയ തെളിവുകളില് പോലീസ് അന്വേഷണം വേണമെന്ന് കതിരേശന്! നടൻ ധനുഷ് തങ്ങളുടെ മകനെന്ന് അവകാശപ്പെട്ട ദമ്പതികളുടെ കേസുമായി ബന്ധപ്പെട്ട് നടന് മദ്രാസ് ഹൈക്കോടതിയുടെ സമന്സ്
നടൻ ധനുഷ് തങ്ങളുടെ മകനെന്ന് അവകാശപ്പെട്ട ദമ്പതികളുടെ കേസുമായി ബന്ധപ്പെട്ട് മദ്രാസ് ഹൈക്കോടതിയിൽ നിന്ന് നടന് സമൻസ് അയച്ചതായി റിപ്പോർട്ട്. നടൻ ധനുഷ് തങ്ങളുടെ മകനാണെന്ന് കതിരേശനും ഭാര്യ മീനാക്ഷിയും ആരോപിച്ചതായി റിപ്പോർട്ടുകൾ വന്നിരുന്നു. ഏതാനും വർഷങ്ങളായി ഈ കേസ് നടക്കുന്നുണ്ട്, വിധി ഇപ്പോഴും സ്തംഭനാവസ്ഥയിലാണ്. മധുര മേലൂര് സ്വദേശി കതിരേശന്- മീനാക്ഷി ദമ്പതികളാണ് ധനുഷ് തങ്ങളുടെ മകനാണെന്ന് അവകാശപ്പെട്ട് ഹൈക്കോടതിയെ സമീപിച്ചത്. ഇത് നിഷേധിച്ച് ധനുഷ് സമര്പ്പിച്ച ജനന സര്ട്ടിഫിക്കറ്റുകള് അടക്കമുള്ള രേഖകള് വ്യാജമാണെന്ന് ആരോപിക്കുന്ന ഹര്ജി ജുഡീഷ്യല് മജിസ്ട്രേറ്റ് കോടതി തള്ളിയതിനെതിരേയാണ് കതിരേശന് ഹൈക്കോടതിയെ സമീപിച്ചത്. ഇതില് വിശദീകരണം ആവശ്യപ്പെട്ട് ധനുഷിന് നോട്ടീസ് അയക്കാന് ഹൈക്കോടതി ഉത്തരവിട്ടിരുന്നു. ധനുഷ് ഹാജരാക്കിയ തെളിവുകളില് പോലീസ് അന്വേഷണം വേണമെന്ന് കതിരേശന് ആവശ്യപ്പെട്ടു. തുടര്ന്ന് ധനുഷിന് കോടതി സമന്സ് അയക്കുകയായിരുന്നു. സ്കൂള് വിദ്യാര്ഥിയായിരിക്കുമ്പോള് നാടുവിട്ട തങ്ങളുടെ മകനാണ് ധനുഷ് എന്നാണ് കതിരേശനും ഭാര്യയും അവകാശപ്പെടുന്നത്. ശരീരത്തിലെ മറുക് അടക്കമുള്ള അടയാളങ്ങള് ലേസര് ചികിത്സയിലൂടെ മായ്ച്ചെന്നും ഇവര് വാദിക്കുന്നു. സംവിധായകന് കസ്തൂരിരാജയുടെ മകന്തന്നെയാണെന്ന് തെളിയിക്കുന്ന രേഖകളാണ് ധനുഷ് കോടതിയില് സമര്പ്പിച്ചത്.
https://www.facebook.com/Malayalivartha
