"ആ ഏറ്റവും സവിശേഷമായ ദിവസം ഇന്ന്, നിങ്ങൾക്കായി ഓരോന്ന് ചെയ്യാൻ നിങ്ങൾ മനസില്ലാമനസോടെ സമ്മതിക്കുന്ന ദിനം, ഏറ്റവും സന്തോഷവതിയായ ബർത്ത്ഡേക്കാരി...ലവ് യു ഉമ്മച്ചി"...,സുൽഫത്തിന് പിറന്നാൾ ആശംസയുമായി മകൻ ദുൽഖർ സൽമാൻ
തന്റെ ജീവിതത്തിൽ ഏറ്റവും സ്വാധീനം ചെലുത്തിയ ഒരാൾ ഉമ്മ സുൽഫത്താണെന്ന് ദുൽഖർ സൽമാൻ പലപ്പോഴും അഭിമുഖങ്ങളിൽ പറഞ്ഞിട്ടുണ്ട്. ഇപ്പോഴിതാ പിറന്നാൾ ദിനത്തിൽ ഉമ്മയ്ക്ക് പിറന്നാൾ ആശംസ നേർന്നു കൊണ്ട് മകൻ ദുൽഖർ സൽമാൻ. മലയാളത്തിന്റെ മെഗാ സ്റ്റാർ മമ്മൂട്ടിയുടെ ഭാര്യ സുൽഫത്തിന്റെ പിറന്നാൾ ദിനമായ ഇന്നലെ ഉമ്മയ്ക്കൊപ്പമുള്ള ചിത്രങ്ങൾ പങ്കുവച്ചുകൊണ്ടാണ് ദുൽഖർ ആശംസ നേർന്നിരിക്കുന്നത്.
''എന്റെ പ്രിയപ്പെട്ട ഉമ്മിച്ചിക്ക് ജന്മദിനാശംസകൾ ഇന്നായിരുന്നു ആ ഏറ്റവും സവിശേഷമായ ദിവസം, ഓരോ ചെറിയ കാര്യങ്ങളിലും നിങ്ങളുടെ പ്രതികരണം ഞങ്ങൾ ഇഷ്ടപ്പെട്ടു. നിങ്ങൾക്കായി ഓരോന്ന് ചെയ്യാൻ നിങ്ങൾ മനസില്ലാമനസോടെ സമ്മതിക്കുന്ന ഒരു ദിവസമാണ് ജന്മദിനം. ഉമ്മ ഇന്ന് ഏറ്റവും സന്തോഷവതിയായ ബർത്ത്ഡേക്കാരിയായിരുന്നു. ലവ് യു ഉമ്മ,'' എന്നാണ് സുൽഫത്തിനൊപ്പമുള്ള ചിത്രങ്ങൾ പങ്കുവയ്ച്ച് ദുൽഖർ കുറിച്ചത്.
അതേസമയം, കുടുംബത്തിനൊപ്പമുള്ള ഫോട്ടോ പങ്കുവച്ചുകൊണ്ടാണ് ദുല്ഖര് ഈദ് ആശംസകൾ നേർന്നത്. ഭാര്യ അമാൽ സൂഫിയയ്ക്കും മകൾ മറിയത്തിനുമൊപ്പമുള്ള ചിത്രങ്ങളാണ് ദുൽഖർ പങ്കുവച്ചത്. എല്ലാവര്ക്കും ഞങ്ങളുടെ ഈദ് മുബാറക് എന്ന് പറഞ്ഞാണ് ഫോട്ടോ പങ്കുവച്ചിരിയ്ക്കുന്നത്.
ഈദ് 2022, ഹാപ്പി ബിരിയാണി ഡേ, ബിരിയാണി മട്ടന് തന്നെ തുടങ്ങിയ ഹാഷ് ടാഗുകളും ഉണ്ട്ദുല്ഖര് സല്മാന് പങ്കുവച്ച ഫോട്ടോയ്ക്ക് താഴെ ഈദ് മുബാറക് അറിയിച്ചവരുടെ കൂട്ടത്തില് സിനിമ- സീരിയല് സെലിബ്രിറ്റികളും ഉണ്ട്.ഇന്ന് ഞാന് കണ്ടതില് ഏറ്റവും മനോഹരമായ ചിത്രം ഇതാണ് എന്ന് പറഞ്ഞാണ് അര്ച്ചന കവി ഫോട്ടോയ്ക്ക് താഴെ ഈദ് മുബാറക് അറിയിച്ചത്.
നേരത്തെ പെരുന്നാൾ ദിനത്തിൽ ആരാധകർക്ക് ആശംസകളുമായും ദുൽഖർ രംഗത്തുവന്നിരുന്നു. ഭാര്യ അമാൽ സൂഫിയയ്ക്കും മകൾ മറിയത്തിനുമൊപ്പമുള്ള ചിത്രങ്ങൾ സോഷ്യൽ മീഡിയയിൽ പങ്കുവച്ചുകൊണ്ടാണ് ദുൽഖർ പെരുന്നാൾ ആശംസ നേർന്നത്.
https://www.facebook.com/Malayalivartha