മമ്മൂട്ടി മാത്രമല്ല, മമ്മൂട്ടിയുടെ കുടുംബം ഒന്നടങ്കം ആരാധകരുടെ ഇഷ്ട താരങ്ങളാണ്. പൊതുചടങ്ങുകളില്‍ അധികമൊന്നും സുല്‍ഫത്ത് എത്താറില്ലെങ്കിലും കുടുംബത്തെ കുറിച്ച് മമ്മൂട്ടി വാചാലമാകാറുണ്ട്. ഇപ്പോഴിതാ ഉമ്മ സുൽഫത്തിന് പിറന്നാൾ ആശംസകളുമായി നടൻ ദുൽഖർ സൽമാൻ. പിറന്നാൾ ദിനത്തിൽ ഉമ്മയ്ക്ക് സ്നേഹചുംബനം നൽകുന്ന ചിത്രങ്ങളും ദുൽഖർ സമൂഹമാധ്യമത്തിലൂടെ പങ്കുവച്ചു.

‘‘എന്റെ പ്രിയപ്പെട്ട ഉമ്മച്ചിക്ക് ജന്മദിനാശംസകള്‍. ഇന്നായിരുന്നു ആ സവിശേഷമായ ദിവസം, ഓരോ ചെറിയ കാര്യങ്ങളിലും ഉമ്മയുടെ പ്രതികരണം ഞങ്ങള്‍ ഇഷ്ടപ്പെട്ടു. ഉമ്മയ്ക്കായി ഓരോന്ന് ചെയ്യാന്‍ ഉമ്മ മനസില്ലാമനസോടെ സമ്മതിക്കുന്ന ഒരേയൊരു ദിവസമാണ് ജന്മദിനം. ഉമ്മ ഇന്ന് ഏറ്റവും സന്തോഷവതിയായ ബര്‍ത്ത്‌ഡേക്കാരിയായിരുന്നു. ലവ് യു ഉമ്മ,’’ ദുല്‍ഖര്‍ കുറിച്ചു.'