യാഷ് നായകനായ പുതിയ ചിത്രം 'കെജിഎഫ് ചാപ്റ്റര്‍ രണ്ട്' ജൈത്രയാത്ര തുടരുകയാണ്. കോടികൾ മുടക്കി പുറത്തിറക്കിയ വമ്പൻ സിനിമകളെയും പിന്നിലാക്കി 'കെജിഎഫ് 2' പ്രദർശനം തുടരുകയാണ്. 1000 കോടി രൂപയുടെ കളക്ഷൻ സ്വന്തമാക്കി റെക്കോര്‍ഡിട്ടിരുന്നു 'കെജിഎഫ് 2. ബോളിവുഡിൽ ഏറ്റവും കലക്ഷൻ നേടിയ രണ്ടാമത്തെ ചിത്രമായിരിക്കുകയാണ് കെജിഎഫിന്റെ ഹിന്ദി പതിപ്പ്. 400 കോടിയോടടുത്തിരിക്കുകയാണ് ചിത്രത്തിന്റെ ഹിന്ദി പതിപ്പിന്റെ ബോക്സ് ഓഫീസ് കലക്ഷൻ. ആമിർ ഖാൻ ചിത്രം ദം​ഗലിനെ പിന്നിലാക്കിയാണ് കെജിഎഫ് ഈ നേട്ടം സ്വന്തമാക്കിയത്.നിലവിൽ ഏറ്റവും കൂടുതൽ കലക്ഷൻ രണ്ട് ഹിന്ദി ചിത്രങ്ങളും തെന്നിന്ത്യൻ സിനിമകളുടെ മൊഴിമാറ്റമാണ്. ബാഹുബലി ദ കൺക്ലൂഷൻ ആണ് ഒന്നാം സ്ഥാനത്തുള്ളത്.

രണ്ടാം സ്ഥാനത്ത് കെജിഎഫ് ചാപ്റ്റർ 2 വും. നേരത്തെ രണ്ടാം സ്ഥാനത്തായിരുന്ന ദം​ഗൽ മൂന്നാം സ്ഥാനത്തേക്ക് തള്ളി. 510. 99 കോടിയാണ് ബാഹുബലിയുടെ ബോക്‌സ് ഓഫീസ് കലക്ഷന്‍. ദംഗലിന്റേത് 387.38 കോടിയും. അതേസമയം വേൾഡ് വൈഡ് കലക്ഷനിൽ കെജിഎഫിന് ദം​ഗലിനെ മറികടക്കാനായിട്ടില്ല. 2024 കോടിയാണ് ദം​ഗലിന്റെ ആ​ഗോള കലക്ഷൻ. 1810 കോടിയുമായി ബാ​ഹുബലി ദ കൺക്ലൂഷനാണ് രണ്ടാം സ്ഥാനത്തുള്ളത്. 1056 കോടി നേടിയ കെജിഎഫ് 2 നാലാം സ്ഥാനത്താണ്.510. 99 കോടിയാണ് ബാഹുബലി രണ്ടാം ഭാ​ഗത്തിന്റെ ഹിന്ദി പതിപ്പിന്റെ ബോക്‌സ് ഓഫീസ് കലക്ഷന്‍. ദംഗലിന്റേത് 387.38 കോടിയും. ദം​ഗലിനെക്കൂടാതെ ബോളിവുഡിൽ റെക്കോഡുകൾ തീർത്ത ചിത്രങ്ങളോരോന്നിനെയും കെജിഎഫ് 2 മലയർത്തിയടിച്ചിരിക്കുകയാണ്. ടൈ​ഗർ സിന്ദാ ഹെ ( 339.16 കോടി), പികെ (340.80 കോടി), സഞ്ജു (342.53 കോടി) എന്നീ ബോളിവുഡ് സിനിമകളുടെ റെക്കോഡുകളുടെ റെക്കോഡുകളും ഈ മറുഭാഷാ ചിത്രം ഭേദിച്ചു.