പിന്തുടർന്ന് ശല്യം ചെയ്‌തെന്നും, സോഷ്യൽ മീഡിയിലൂടെ അപകീർത്തിപ്പെടുത്തി എന്നുമുള്ള നടി മഞ്ജു വാര്യരുടെ പരാതിയിൽ സംവിധായകൻ സനൽകുമാർ ശശിധരൻ അറസ്റ്റിലായത് കഴിഞ്ഞ ദിവസമാണ്. സമൂഹ മാധ്യമങ്ങളിലൂടെ അപകീർത്തിപ്പെടുത്തിയെന്ന് കാണിച്ചുള്ള നടിയുടെ പരാതിയിലായിരുന്നു അറസ്റ്റ്. എന്നാലിപ്പോഴിതാഈ വിഷയത്തിൽ പ്രതികരിക്കുകയാണ് ഡബ്ബിംഗ് ആർടിസ്റ്റ് ഭാഗ്യലക്ഷ്മി. സോഷ്യൽ മീഡിയയിലൂടെ ഇത്തരമൊരു ആരോപണം വന്നപ്പോൾ ഞാൻ മഞ്ജുവിനെ ബന്ധപ്പെട്ടിരുന്നു. ഇതിനെതിരെ പ്രതികരിക്കേണ്ടേയെന്ന് ചോദിച്ചിരുന്നു. അപ്പോൾ പറഞ്ഞത് എന്തെങ്കിലും പറയട്ടെ ചേച്ചി എത്രയാന്ന് വെച്ചാണ് ഓരോരുത്തർക്കെതിരെ കേസ് കൊടുക്കുകയെന്ന്. അത്തരമൊരു മാനസികാവസ്ഥയിലായിരുന്നു അവർ'. 'അപ്പോൾ ഞാൻ പറഞ്ഞിരുന്നു ആർക്കും കൊട്ടാവുന്ന ചെണ്ടയാവരുത്. ഇതിനൊക്കെ നീ തന്നെ ശക്തമായി പ്രതികരിക്കണം. നമ്മുക്കാർക്കും തന്നെ ഇത്തരം വിഷയത്തിൽ പ്രതികരിക്കാൻ സാധിക്കില്ലെന്നൊക്കെ ഞാൻ പറഞ്ഞ് കൊടുത്തിരുന്നു'. മഞ്ജുവാര്യരോട് ഇയാൾക്ക് പ്രണയമായിരുന്നെന്ന്, താൻ ആഗ്രഹിച്ച ഒരാളെ കിട്ടാതാകുമ്പോൾ എന്ത് വൃത്തിക്കേടും പറയുക എന്നുള്ളത് പൊതുവെ സമൂഹത്തിൽ കാണുന്ന പ്രവണതയാണല്ലോ. സനൽ കുമാർ ശശിധരനും അതിൽ നിന്ന് വ്യത്യസ്തമൊന്നുമല്ല.

ആഗ്രഹിച്ചത് പോലെ ഒരു കാര്യം നടന്നില്ലേങ്കിൽ അത് പെണ്ണാണെങ്കിൽ പെണ്ണിനെ കുറിച്ച് ഏറ്റവും മോശമായ രീതിയിൽ എളുപ്പത്തിൽ പറഞ്ഞ് പരത്തുക പലരുമായി ബന്ധം എന്ന തരത്തിലുള്ള കുപ്രചരണം'. 'പ്രശസ്തയായ പെണ്ണാണെങ്കിൽ ഇത്തരം പ്രചരണങ്ങൾ കുറച്ച് പേർ ശ്രദ്ധിക്കും. തനിക്കാക്കി ബെഡക്കാക്കുകയെന്നതാണ് രീതി. ഇതിന് പിന്നിൽ ഒരുപാട് പേരുടെ കളികളുണ്ട്. തന്നെകൊണ്ട് നടക്കാത്തത് വേറെയാളുകളെ വെച്ച് ചെയ്യിക്കുകയെന്നതൊക്കെയുണ്ട് ഇതിന് പിന്നിൽ.
ഒരു സ്ത്രീ മഞ്ജുവിനേയും അതിജീവിതയേയുമെല്ലാം വളരെ മോശം രീതിയിൽ പറയുന്നുണ്ട്. ഇതൊക്കെ പറയാൻ ഇവർക്കുള്ള ധൈര്യം ഇവിടുത്ത സൈബർ നിയമങ്ങൾ അത്ര ശക്തമല്ലാത്തത് കൊണ്ടാണ്', ഭാഗ്യലക്ഷ്മി പറഞ്ഞു.