മാലിദ്വീപിൽ മൂന്നാം വിവാഹവാർഷികാഘോഷം, പേളിക്കും ശ്രീനിഷിനുമൊപ്പം അടിച്ചുപൊളിച്ച് നില ബേബിയും, കലക്കൻ ചിത്രങ്ങളുമായി താരദമ്പതികൾ...!
മൂന്നാം വിവാഹവാർഷികം ആഘോഷിക്കുകയാണ് പേളിയും ശ്രീനിഷും. ആനിവേഴ്സറി ആഘോഷങ്ങൾക്കായി ഇത്തവണ മാലിദ്വീപാണ് ഇരുവരും തിരഞ്ഞെടുത്തിരിക്കുന്നത്. ഇവർപ്പൊപ്പം നില ബേബിയും അടിച്ചുപൊളിക്കുകയാണ്. മാലിദ്വീപിൽ നിന്നുള്ള ഇവരുടെ മനോഹരമായ ചിത്രങ്ങൾ ഇപ്പോൾ സോഷ്യൽ മീഡിയയിലും വൈറലായി മാറിയിരിക്കുകയാണ്.
യാത്രയിൽ നിന്നുള്ള ചിത്രങ്ങൾ പേളിയും ശ്രീനിഷും സോഷ്യൽ മീഡിയയിൽ ഷെയർ ചെയ്തിരുന്നു. ഇരുവരും പകർത്തിയ പുത്തൻ ചിത്രങ്ങളെല്ലാം തന്നെ ആരാധകർ ഏറ്റെടുത്തു കഴിഞ്ഞു. സ്റ്റൈലിഷ് ലുക്കിൽ പേളിക്കൊപ്പം ക്യൂട്ടായി നില ബേബിയും ഉണ്ട്. നടി, അവതാരക എന്നീ നിലകളിലെല്ലാം ശ്രദ്ധ നേടിയ പേളി മാണിയുടെ യൂട്യൂബ് വ്ളോഗ് ഹിറ്റാണ്. യൂട്യൂബ് വീഡിയോകളിലൂടെ വലിയൊരു ആരാധകവൃന്ദത്തെ തന്നെ സൃഷ്ടിക്കാൻ പേളിയ്ക്ക് കഴിഞ്ഞിട്ടുണ്ട്.
പേളിയുടെ യൂട്യൂബ് വീഡിയോകളിൽ നിറസാന്നിധ്യമായി ഭർത്താവ് ശ്രീനിഷും മകൾ നിലയും ഒപ്പമുണ്ട്. ബിഗ് ബോസ് മലയാളത്തിന്റെ ആദ്യസീസണിലെ മത്സരാർത്ഥികളായി എത്തിയ പേളിയും ശ്രീനിഷും ബിഗ് ബോസ് ഹൗസിൽ വച്ച് പ്രണയത്തിലാവുകയായിരുന്നു. ഇരു വീട്ടുകാരുടെയും പൂർണസമ്മതതോടെ 2019 മേയ് മാസത്തിലാണ് വിവാഹിതരായത്.കഴിഞ്ഞ മാർച്ചിൽ ഇരുവർക്കും നില എന്ന മകൾ പിറന്നത്. പേളിയേയും ശ്രീനിഷിനെയും പോലെ തന്നെ നിലയും സോഷ്യൽ മീഡിയയ്ക്ക് ഏറെ പ്രിയങ്കരിയാണ് ഇപ്പോൾ നില ബേബി.
https://www.facebook.com/Malayalivartha