അതിജീവിതയ്ക്ക് നീതി കിട്ടുക അതില്‍ വെള്ളം ചേര്‍ക്കാതിരിക്കുക എന്ന ലക്ഷ്യത്തോടെയാണ് കൊച്ചിയിൽ ഉപവാസസമരം കഴിഞ്ഞ ദിവസം നടന്നത്. എന്നാൽ ഏകദിന ഉപവാസ സമരത്തില്‍ സിനിമപ്രവര്‍ത്തകരുടെ സാന്നിധ്യം കുറയാന്‍ കാരണം അവര്‍ക്ക് അവസരങ്ങള്‍ നഷ്ടമാകുന്നത്‌കൊണ്ടാണെന്ന് നടന്‍ പ്രകാശ് ബാരെ. ബാക്കിയുള്ളവരെ സംബന്ധിച്ച് അവര്‍ക്ക് നഷ്ടപ്പെടാന്‍ ഒന്നുമില്ലെന്നും അവര്‍ക്ക് മനസാക്ഷിക്ക് അനുസരിച്ച് നില്‍ക്കാമെന്നും പ്രകാശ് ബാരെ പ്രതികരിച്ചു.
നടിയെ ആക്രമിച്ച കേസിലെ അനീതി പല കുറ്റകൃത്യങ്ങളുമായി കൈകോര്‍ത്തു പോകുന്ന ഒരു അവസ്ഥയാണ് ഇപ്പോള്‍ കാണുന്നതെന്ന് പ്രകാശ് ബാരെ പറഞ്ഞു. ഈ കുറ്റവാളിയെ ശിക്ഷിക്കണമെങ്കില്‍ മറ്റ് പല കുറ്റവാളിയെയും ശിക്ഷിക്കേണ്ടി വരും. അല്ലെങ്കില്‍ എല്ലാവരെയും വെറുതെ വിടണം എന്നതിലേക്ക് കാര്യങ്ങള്‍ നീങ്ങും. ഒരു കുറ്റം മറ്റൊരു കുറ്റത്തിന്റെ തണലില്‍ നില്‍ക്കുന്ന സാഹചര്യമാണ് ഇന്ന് കാണുന്നതെന്ന് പ്രകാശ് ബാരെ കൂട്ടിച്ചേര്‍ത്തു. ഏകദിന ഉപവാസ സമരത്തില്‍ സിനിമ പ്രവര്‍ക്കരുടെ സാന്നിദ്ധ്യം കുറവായിരുന്നു. സിനിമാക്കാര്‍ക്ക് നഷ്ടപ്പെടാനുണ്ട്. ബാക്കിയുള്ളവര്‍ക്ക് നഷ്ടപ്പെടാനൊന്നുമില്ല. മനസാക്ഷിക്ക് അനുസരിച്ച് നില്‍ക്കാം. സിനിമയിലെ അവസരങ്ങള്‍, റിലീസ് ചെയ്യുമ്പോഴുള്ള ബുദ്ധിമുട്ട് ഇതൊക്കെ ആലോചിച്ച് കഴിഞ്ഞാല്‍ എന്തിനൊരു നിലപാട് എടുക്കണം എന്ന രീതിയില്‍ ആള്‍ക്കാര്‍ നില്‍ക്കുകയാണ്. അന്ന് നടന്ന അനീതി പല കുറ്റകൃത്യങ്ങളുമായി കൈകോര്‍ക്കുന്ന ഒരു ചിത്രമാണ് കാണാന്‍ കഴിയുന്നത്. ഈ കുറ്റവാളിയെ ശിക്ഷിക്കണമെങ്കില്‍ മറ്റ് പല കുറ്റവാളിയെയും ശിക്ഷിക്കേണ്ടി വരും. അല്ലെങ്കില്‍ എല്ലാവരെയും വെറുതെ വിടണം എന്നതിലേക്ക് കാര്യങ്ങള്‍ നീങ്ങുകയാണ്. ഒരു കുറ്റം മറ്റൊരു കുറ്റത്തിന്റെ തണലില്‍ നില്‍ക്കുന്ന സാഹചര്യമാണ് ഇന്ന് കാണുന്നത്. രാഷ്ട്രീയ കൊലപാതങ്ങളുടെ കാര്യത്തില്‍ ഇവിടെയുള്ള അഭിഭാഷകര്‍ തെളിവ് തേച്ച് മായിച്ച് കളയുന്ന ഒരു അവസ്ഥ, അങ്ങനെയുള്ള പലതുമായി ഈ കേസ് കൈകോര്‍ത്ത് പോകുന്നു. ഈ യുദ്ധം ഒരു ദിവസംകൊണ്ട് മാറില്ല. എന്ത്‌കൊണ്ട് ഇത് വൈകി എന്ന് ചോദിച്ചാല്‍, കൊവിഡ് കാലം ആയത് കൊണ്ടാണ്. അതിജീവിതയ്ക്ക് നീതി ലഭിക്കുമെന്ന് തോന്നല്‍ ഇതുവരെ ഉണ്ടായിരുന്നു. ഇപ്പോഴാണ് ഇത്രയധികം തെളിവുകള്‍ വന്നിട്ടും കോടതി എന്താണ് ഇങ്ങനെ ചെയ്യുന്നത്?. സംഭവത്തിന്റെ വീഡിയോ ഉണ്ടായിട്ടും അത് നശിപ്പിക്കപ്പെട്ടു. കോടതി അതില്‍ ഒന്നും ചെയ്യാന്‍ ശ്രമിക്കുന്നില്ലെന്നും പ്രകാശ് ബാരെ കൂട്ടിച്ചേർത്തു.