ബോളിവുഡ് താരം ആമിര്‍ ഖാന്റെ മകള്‍ ഇറ ഖാന്റെ 25ാം ജന്മദിന ആഘോഷമാണ് ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത്. മകളുടെ ജന്മദിനം ആഘോഷമാക്കാന്‍ ആമിര്‍ ഖാനും ആദ്യഭാര്യ റീന ദത്തയും ഒത്തുചേര്‍ന്നിരുന്നു. സ്വിം സ്യൂട്ടണിഞ്ഞ് സ്വിമ്മിംഗ് പൂളിനരികെയായിരുന്നു ഇറയുടെ പിറന്നാള്‍ ആഘോഷം. സ്വിം സ്യൂട്ടില്‍ കേക്ക് മുറിക്കുന്ന ഇറയുടെ ചിത്രങ്ങളാണ് സോഷ്യല്‍ മീഡിയയില്‍ വൈറലാവുകയാണ്.

ചിത്രത്തില്‍ ഇറയ്ക്ക് ഒപ്പം ആമിറിനെയും റീന ദത്തയേയും കാണാം. ആമിറിന്റെ രണ്ടാം ഭാര്യ കിരണ്‍ റാവുവിലുള്ള മകന്‍ ആസാദ് റാവു ഖാനും ഇറയുടെ ജന്മദിനാഘോഷത്തില്‍ പങ്കെടുക്കാന്‍ എത്തിയിരുന്നു.

2019ല്‍ സംവിധാന രംഗത്ത് ഇറ തന്റെ അരങ്ങേറ്റം കുറിച്ചിരുന്നു. പിതാവിന്റെ വഴിയെ സിനിമയില്‍ സജീവമാകാനാണ് ഇറയുടെയും ശ്രമം.1986 ഏപ്രില്‍ 18നാണ് ആമിര്‍ ഖാനും റീന ദത്തയും വിവാഹിതരാവുന്നത്. ഇറയെ കൂടാതെ ജുനൈദ് എന്നൊരു മകന്‍ കൂടി ഈ ദമ്ബതികള്‍ക്ക് ഉണ്ട്.

ആമിര്‍ ഖാന്റെ ലഗാന്‍ എന്ന ചിത്രത്തിന്റെ നിര്‍മാതാവും റീനയായിരുന്നു. 2002ല്‍ ആമിറും റീനയും വിവാഹമോചനം നേടി. വിവാഹമോചനം നേടിയെങ്കശ്ചലും ആമിറും റീനയും ഇപ്പോഴും നല്ല സുഹൃത്തുക്കളാണ്.