വിജയ് ബാബു വിദേശത്ത് ഒളിവിൽ കഴിയുന്ന സ്ഥലം കണ്ടെത്താനാകാതെ നട്ടം തിരിഞ്ഞ് പോലീസ്! ഉപയോഗിക്കാന് സാധ്യതയുള്ള നമ്പറുകളെല്ലാം സൈബര് പൊലീസിന്റെ നിരീക്ഷണത്തിൽ! വിജയ് ബാബു താമസിക്കുന്ന സ്ഥലത്തിന്റെ വിലാസം ലഭിച്ചാലുടൻ ഇന്റര്പോള് റെഡ് കോര്ണര് നോട്ടീസ് പുറപ്പെടുവിക്കും... രണ്ടുദിവസത്തിനകം ഇക്കാര്യത്തില് തീരുമാനമാകുമെന്ന് കൊച്ചി സിറ്റി പൊലീസ് കമ്മിഷണര് സി.എച്ച്. നാഗരാജു
യുവനടിയെ പീഡിപ്പിച്ച കേസില് ദുബായില് ഒളിവില് കഴിയുന്ന വിജയ് ബാബുവിനെ അറസ്റ്റ് ചെയ്യാന് കോടതിയില് നിന്ന് വാങ്ങിയ വാറന്റ് കേന്ദ്ര ആഭ്യന്തര മന്ത്രാലയത്തിന് പോലീസ് കൈമാറിയത് കഴിഞ്ഞ ദിവസമാണ്. എന്നാൽ വിജയ് ബാബു വിദേശത്ത് ഒളിവിൽ കഴിയുന്ന സ്ഥലം കണ്ടെത്താനാകാതെ നട്ടം തിരിയുകയാണ് പൊലീസ്. നടൻ ദുബായിൽ ഉണ്ടെന്ന് നേരത്തെ സ്ഥിരീകരിച്ചുവെങ്കിലും താമസിക്കുന്ന സങ്കേതം കണ്ടത്താനായിട്ടില്ല. ഈ മാസം 24ന് അദ്ദേഹം ദുബായിൽ എത്തിച്ചേർന്നുവെന്നാണ് പൊലീസ് പറയുന്നത്.
ഇന്റര്പോളിന്റെ സഹായത്തോടെ വിജയ് ബാബുവിനെ അറസ്റ്റ് ചെയ്യാനുള്ള തയാറെടുപ്പുകളാണ് പൊലീസ് ഇപ്പോൾ നടത്തുന്നത്. മജിസ്ട്രേട്ട് കോടതിയില് നിന്ന് കഴിഞ്ഞ ദിവസം ലഭിച്ച അറസ്റ്റ് വാറന്റ് ഇന്റര്പോളിനും ദുബായ് പൊലീസിനും കൈമാറിയിട്ടുണ്ട്. ആഭ്യന്തര മന്ത്രാലയം വഴിയായിരുന്നു നീക്കം. വിഷയത്തിൽ തുടര് നടപടി ആവശ്യപ്പെട്ട് ആഭ്യന്തര മന്ത്രാലയത്തിന് കൊച്ചി സിറ്റി പൊലീസ് വീണ്ടും കത്തയച്ചിട്ടുണ്ട്.വിദേശത്തുള്ള നടൻ ഉപയോഗിക്കാന് സാദ്ധ്യതയുള്ള നമ്പറുകളെല്ലാം സൈബര് പൊലീസിന്റെ നിരീക്ഷണത്തിലാണ്.
മുന്കൂര് ജാമ്യം ലഭിക്കുന്നത് വരെ പിടിതരാതെ നില്ക്കാൻ വിജയ് ബാബു ശ്രമിക്കുമെന്നാണ് പൊലീസിന്റെ കണക്കുകൂട്ടൽ.'നടൻ താമസിക്കുന്ന സ്ഥലത്തിന്റെ വിലാസം ലഭിച്ചാലുടൻ ഇന്റര്പോള് റെഡ് കോര്ണര് നോട്ടീസ് പുറപ്പെടുവിക്കും. രണ്ടുദിവസത്തിനകം ഇക്കാര്യത്തില് തീരുമാനമാകുമെന്നും കൊച്ചി സിറ്റി പൊലീസ് കമ്മിഷണര് സി.എച്ച്. നാഗരാജു പറഞ്ഞു.
അതേസമയം പരിചയമില്ലാത്ത ചില നമ്പറുകളില് നിന്നും വിജയ്ബാബു ഫോണില് വിളിച്ച് പുതുമുഖ നടിയെ സ്വാധീനിക്കാന് സഹായം തേടിയെന്ന സാക്ഷിമൊഴികള് അന്വേഷണ സംഘത്തിനു ലഭിച്ചിരുന്നു. വിജയ് ബാബു പരാതിക്കാരിയെ പിന്തിരിപ്പിക്കാന് സിനിമാരംഗത്തെ പലരെയും സ്വാധീനിക്കുന്നതായും വിവരമുണ്ട്. വിദേശത്ത് ഒളിവില് കഴിയുന്ന പ്രതി കേസന്വേഷണം അട്ടിമറിക്കാന് ശ്രമിക്കുന്നതായുള്ള തെളിവുകളും മൊഴികളും ലഭിച്ചതോടെയാണ് രാജ്യാന്തര പോലീസ് സംഘടനയായ ഇന്റര്പോളിന്റെ സഹായത്തോടെ അറസ്റ്റ് ചെയ്യാനുള്ള നീക്കം പോലീസ് വേഗത്തിലാക്കിയത്. ഒളിവില് പോയതോടെ വിജയ് ബാബുവിനെതിരേ മൊഴി നല്കാന് തയാറായി കൂടുതല് പേര് മുന്നോട്ടു വരുന്നുണ്ട്. വിജയ് ബാബു നല്കിയ മുന്കൂര് ജാമ്യഹര്ജി 18-നാണ് ഹൈക്കോടതി പരിഗണിക്കുന്നത്.
https://www.facebook.com/Malayalivartha