സിനിമ രംഗത്ത് ഇത്രയും ഭയാനക സംഭവം ആദ്യമായിട്ടെന്ന് എല്ലാവരും മുദ്രയടിച്ചു, ശിക്ഷ നല്കാൻ എന്ത് കൊണ്ട് വൈകുന്നു, ഗള്ഫ് നാടുകളിലൊക്കെ പരസ്യമായി പുറകിലേക്ക് കൈ കെട്ടി വെടി വെച്ചിടും, ചോദ്യവും ഉത്തരവുമൊന്നും അധികമില്ല, അങ്ങനെ പേടിപ്പിക്കുന്ന ശിക്ഷ കിട്ടിയില്ലെങ്കില് ഇത് കൂടിക്കൊണ്ടിരിക്കുമെന്ന് മല്ലിക സുകുമാരൻ
അതിജീവിതയുടെ ഒപ്പമാണ് താനെന്ന് ആവർത്തിച്ച് നടി മല്ലിക സുകുമാരൻ. അവരോട് തെറ്റ് ചെയ്തവർ ആരായാലും നൂറ് ശതമാനം ശിക്ഷ അർഹിക്കുന്നുണ്ട് എന്നും മല്ലിക സുകുമാരൻ പറഞ്ഞു. അതിജീവിത എന്ന കുട്ടിയോട് ഒരു അമ്മയ്ക്ക് ഉളളത് പോലെയുളള വാത്സല്യമോ സങ്കടമോ ഒക്കെ ഉണ്ട്. അത് പറയാന് ഒരു മടിയും ഇല്ല. ആര് ചെയ്തു എന്നതല്ല. ആര് ചെയ്താലും എപ്പോ ചെയ്താലും എന്തുകൊണ്ട് ചെയ്താലും അത് നൂറ് ശതമാനം ശിക്ഷാര്ഹമാണ്.
അതിനെ ന്യായീകരിക്കാന് നടക്കുന്നവരും ഉണ്ട്. സ്വന്തം ഭാര്യയ്ക്കോ പെങ്ങള്ക്കോ സംഭവിക്കുമ്പോള് കാണാം ഇവരുടെ തനിനിറം എന്നും മല്ലിക സുകുമാരൻ പ്രമുഖ മാധ്യമത്തിന് നൽകിയ അഭിമുഖത്തിൽ പറഞ്ഞു.ആ കുട്ടിക്ക് നീതി ലഭിക്കണം എന്നതില് സംശയം ഇല്ല. ഇതൊക്കെ കണ്ട് പിടിക്കാന് എന്താണ് ഇത്ര താമസമെന്നത് അത്ഭുതമാണ്. പോലീസുകാര്ക്ക് അവരുടേതായ സമയം വേണമായിരിക്കും. എന്ത് തന്നെ ആയാലും ആ തെറ്റ് സംഭവിച്ചു എന്നത് എല്ലാവര്ക്കും അറിയാം.
പീഡനത്തിന്റെ കഥ പറയാന് തുടങ്ങുന്ന കുട്ടിയല്ല അത്. ആ കുട്ടി അവളുടെ ജോലിക്ക് വരികയായിരുന്നു.ഡബ്ബിംഗിന് വരുമ്പോള് കാര് വഴിയില് തടഞ്ഞ് നിര്ത്തി നടന്ന ഒരു അതിഭീകരമായ സംഭവം. സിനിമാ രംഗത്താണ് ഇത്രയും ഭയാനകമായ ഒരു സംഭവം ആദ്യമായിട്ടുണ്ടായത് എന്ന് എല്ലാവരും മുദ്രയടിച്ചതാണ്. ഇതൊക്കെ ചെയ്യുന്നവരുടെ അച്ഛനമ്മമാര് പറഞ്ഞ് കൊടുക്കേണ്ടേ നിങ്ങളെ വെച്ച് മുതലെടുക്കുകയാണ് എന്ന്.
എന്തുകൊണ്ടാണ് ഇതിനൊക്കെ തക്കതായ ശിക്ഷ നല്കാത്തത്.അതിലൊന്നും താമസം വരുത്തരുത്. ഗള്ഫ് നാടുകളിലൊക്കെ പരസ്യമായി പുറകിലേക്ക് കൈ കെട്ടി വെടി വെച്ചിടുകയാണ്. ചോദ്യവും ഉത്തരവുമൊന്നും അധികമില്ല. അങ്ങനെ പേടിപ്പിക്കുന്ന രീതിയുളള ശിക്ഷ കിട്ടിയില്ലെങ്കില് ഇത് കൂടിക്കൊണ്ടിരിക്കും എന്ന് മല്ലിക സുകുമാരന് പറഞ്ഞു.
അതേസമയം സൂര്യനെല്ലി പെൺകുട്ടിയേയും അപമാനിക്കുന്ന പരാമർശങ്ങളും മല്ലിക സുകുമാരൻ അഭിമുഖത്തിൽ നടത്തുകയുണ്ടായി. എല്ലാ ആണുങ്ങളും ബോറന്മാരാണ് എന്ന് സ്ഥാപിക്കാന് ശ്രമിക്കുന്നത് തെറ്റ്. പെണ്ണുങ്ങളുടെ ഭാഗത്തും തെറ്റുണ്ട്. സൂര്യനെല്ലി കേസില് 149 പീഡനം നടന്നു എന്ന് പറഞ്ഞപ്പോള് ഒരു ചാനലില് താന് ചോദിച്ചു, 149 പീഡനം എങ്ങനെയാണ് പീഡനമാകുന്നത്, ഒന്നോ രണ്ടോ ഒക്കെ സംഭവിച്ചു, ബാക്കി എങ്ങനെ പീഡനമാകും എന്ന് ചോദിച്ചതിന് താന് സ്ത്രീ വിദ്വേഷിയാണ് എന്ന് പറഞ്ഞവരുണ്ടെന്നും അവർ വ്യക്തമാക്കി.
https://www.facebook.com/Malayalivartha