മലയാളികളുടെ ഇഷ്ട താരമാണ് നിക്കി ഗൽറാണി. വെള്ളിമൂങ്ങ, ഓംശാന്തി ഓശാന, രാജമ്മ അറ്റ് യാഹു, മര്യാദരാമൻ, ഒരു സെക്കൻഡ് ക്ളാസ് യാത്ര എന്നിവയിലൊക്കെ തിളങ്ങിയ താരത്തെ മലയാളികൾ ഏറ്റെടുത്തതും വളരെ പെട്ടന്നായിരുന്നു. ഇപ്പോഴിതാ നിക്കി ഗൽറാണിയുടെയും ആദിയുടെയും വിവാഹം മേയ് 18ന് ചെന്നൈയിൽ നടക്കുമെന്ന റിപ്പോർട്ടുകളാണ് പുറത്ത് വരുന്നത്. അടുത്ത ബന്ധുക്കളും സുഹൃത്തുക്കളും പങ്കെടുക്കുന്ന വിവാഹചടങ്ങ് രാത്രി 1ന് നടക്കും. മാർച്ച് 24നാണ് ഇരുവരുടെയും വിവാഹനിശ്ചയം നടന്നത്. വിവാഹനിശ്ചയം അതീവ രഹസ്യമായിട്ടാണ് നടന്നത്. നീണ്ട നാളത്തെ പ്രണയത്തിനുശേഷമാണ് ഇരുവരും വിവാഹിതരാകുന്നത്. തെലുങ്ക് സംവിധായകൻ രവി രാജപെനിസെട്ടിയുടെ മകനാണ് ആദി. ആദിയും നിക്കിയും രണ്ടു ചിത്രങ്ങളിൽ ഒന്നിച്ചഭിനയിച്ചിട്ടുണ്ട്. തമിഴ്, തെലുങ്ക്, മലയാള ചിത്രങ്ങളിൽ സാന്നിദ്ധ്യം അറിയിച്ച നിക്കി ഗൽറാണി നിവിൻപോളിയുടെ 1983 എന്ന ചിത്രത്തിലൂടെയാണ് മലയാളത്തിലേക്ക് എത്തുന്നത്.