പരിഹാസങ്ങൾക്കും അധിക്ഷേപങ്ങൾക്കും നന്ദി! എന്നും രാത്രി ഏറെ നേരം വൈകി ഉറങ്ങിയതിനാൽ ഉണർന്നത് വളരെ താമസിച്ചാണ്... പ്രായമാകുമ്പോൾ ആരും നിങ്ങളെ ഇതുപോലെ അപമാനിക്കാതിരിക്കട്ടെ എന്ന് ഞാൻ പ്രാർഥിക്കാം... ട്രോളുകൾക്ക് കിടിലൻ മറുപടിയുമായി അമിതാഭ് ബച്ചൻ
പ്രായം എത്ര കൂടിയാലും ഇപ്പോഴും ആരാധകർക്ക് ഒരു കുറവുമില്ലാത്ത താരമാണ് അമിതാഭ് ബച്ചൻ. 'ബ്രഹ്മാസ്ത്ര'യാണ് അമിതാഭ് ബച്ചന്റേതായി അണിയറയിൽ ഒരുങ്ങുന്ന ചത്രം. രൺബീർ കപൂറും ആലിയ ഭട്ടും അഭിനയിക്കുന്ന ചിത്രം സംവിധാനം ചെയ്യുന്നത് അയാൻ മുഖർജിയാണ്. ഹോളിവുഡ് ചിത്രം 'ദ ഇന്റേൺ' എന്നതിന്റെ ഹിന്ദി റീമേക്കിലും താരം പ്രധാന വേഷം ചെയ്യുന്നുണ്ട്. ഇപ്പോഴിതാ ഇതിഹാസ താരം സോഷ്യൽ മീഡിയയിലെ ട്രോളുകൾക്ക് നൽകിയ മറുപടിയാണ് ശ്രദ്ധനേടുന്നത്. കഴിഞ്ഞ ദിവസം ബച്ചൻ പങ്കുവച്ച ഗുഡ്മോണിംഗ് പോസ്റ്റാണ് ട്രോളുകൾക്ക് ഇടയാക്കിയത്. കഴിഞ്ഞ ദിവസം വൈകിയായിരുന്നു അമിതാഭ് ബച്ചൻ ഗുഡ് മോണിംഗ് ആശംസിച്ചത്. പിന്നാലെ ചിലർ ട്രോളുകളുമായി പോസ്റ്റിന് താഴെ എത്തി. പരിഹാസങ്ങൾക്കും അധിക്ഷേപങ്ങൾക്കും നന്ദി പറയുന്നു എന്നും രാത്രി ഏറെ നേരം വൈകി ഉറങ്ങിയതിനാൽ ഉണർന്നത് വളരെ താമസിച്ചാണ് എന്നും അതിനാലാണ് ആശംസ വൈകിയതെന്നുമാണ് ഒരു കമന്റിന് താരം നൽകിയ മറുപടി. 'വൃദ്ധനേ, ഉച്ചയായി' എന്നായിരുന്നു മറ്റൊരാളുടെ കമന്റ്. പ്രായമാകുമ്പോൾ ആരും നിങ്ങളെ ഇതുപോലെ അപമാനിക്കാതിരിക്കട്ടെ എന്ന് ഞാൻ പ്രാർഥിക്കാമെന്നായിരുന്നു അമിതാഭ് ബച്ചൻ നൽകിയ മറുപടി. ഒട്ടേറെ താരങ്ങളാണ് അമിതാഭ് ബച്ചന്റെ കമന്റിന് പിന്തുണയുമായി എത്തിയത്.
https://www.facebook.com/Malayalivartha