വിരാട പർവ്വ ത്തിന്റെ റിലീസിന് പിന്നാലെ സായി പല്ലവിയുടെ വിവാഹം? പുതിയ ഒരു ചിത്രവും പ്രഖ്യാപിച്ചിട്ടില്ല, സായി പല്ലവി വിവാഹത്തിന് തയ്യാറെടുക്കുന്നതായി റിപ്പോർട്ടുകൾ
പ്രത്യേക അഭിനയ ശൈലി കൊണ്ടും ചടുലമായ നൃത്ത ചുവടുകൾ കൊണ്ടും ആരാധകരുടെ ഹൃദയങ്ങൾ കീഴടക്കിയ താരമാണ് സായി പല്ലവി. മലയാളം,തെലുങ്ക്,തമിഴ് തുടങ്ങിയ ഭാഷകളിൽ താരം അഭിനയിച്ച കഥാപാത്രളെല്ലാം ഹിറ്റായിരുന്നു.താരത്തിന്റേതായി ഏറ്റവും ഒടുവിൽ പുറത്തിറങ്ങിയ ചിത്രം വിരാട പർവ്വം ആണ്.
റാണാ ദഗ്ഗുബതിയാണ് ഈ ചിത്രത്തിൽ നായകനായി എത്തിയത്. ഇപ്പോഴിതാ ചിത്രത്തിന്റെ റിലീസിന് പിന്നാലെ സായി പല്ലവി വിവാഹിതയാവുന്നു എന്ന വാർത്തയാണ് പരക്കുന്നത്. വിരാട പർവ്വത്തിന്റെ റിലീസിന് ശേഷം താരം വിവാഹത്തിന് തയ്യാറാവുകയാണെന്നും. സായി പല്ലവിക്ക് അനിയോജ്യനായ വരനെ കുടുംബം തേടുകയാണെന്നുമാണ് ഇപ്പോൾ പുറത്ത് വരുന്ന വാർത്തകൾ.
ശ്യാം സിംഹ റോയിക്ക് ശേഷം അടുത്തതായി താരത്തിന്റെ ഒരു ചിത്രവും പ്രഖ്യാപിച്ചിട്ടില്ലെന്നാണ് അറിയുന്നത്. മാതാപിതാക്കളോട് വിവാഹത്തിന് സമ്മതം നൽകിയതിനാൽ സായി പല്ലവി പുതിയ പ്രോജക്റ്റുകളിൽ ഒപ്പിടുന്നില്ലെന്നാണ് റിപ്പോർട്ടുകളുണ്ട്.
താൻ ഉടനൊന്നും വിവാഹത്തിന് തയ്യാറാവില്ലെന്ന് എൻ ജി കെ എന്ന ചിത്രത്തിന്റെ റിലീസിന് മുന്നേ നടൻ സുര്യയുമായി നടത്തിയ ഒരു പഴയ അഭിമുഖത്തിൽ താരം വ്യക്തമാക്കിയിരുന്നു. താൻ ഉടൻ വിവാഹം കഴിയുന്നില്ലെന്ന് തീരുമാനിച്ചതിന് ഒരു വിചിത്രമായ കാരണവും അന്ന് സായി പല്ലവി പറഞ്ഞു.
താൻ വിവാഹം കഴിച്ചാൽ ഭർത്താവിനൊപ്പം ജീവിക്കേണ്ടി വരുമെന്നും മാതാപിതാക്കളെ തനിക്ക് ഉപേക്ഷിക്കാൻ കഴിയില്ലെന്നും അവർക്കൊപ്പം നിൽക്കാനും അവരെ പരിപാലിക്കാനും താൻ ആഗ്രഹിക്കുന്നുവെന്നും വിവാഹം കഴിക്കുന്നത് അതിന് ഒരു തടസ്സമാവുമെന്നുമാണ് അന്ന് താരം വിവാഹം വേണ്ടെന്ന് വെച്ചതിന്റെ കാരമായി പറഞ്ഞത്. താരത്തിന്റെ ഈ പ്രസ്താവന ആരാധകർക്കിടയിൽ വാർത്ത വലി നടുക്കമായിരുന്നു സൃഷ്ടിച്ചത്.
സിനിമാ നടി എന്നതിലുപരിയായി സായി പല്ലവി ഒരു പ്രൊഫഷണൽ ഡോക്ടറാണ്. ഒരു കാർഡിയോളജിസ്റ്റ് ആകാനാണ് സായി ആഗ്രഹിച്ചത്. ജോർജിയയിലെ ടിബിലിസിയിൽ നിന്ന് എംബിബിഎസ് ബിരുദധാരിയാണ് നടി.2017ൽ ഫിദ എന്ന തെലുങ്ക് ചിത്രത്തിൽ ഭാനുമതിയായും സായി പല്ലവി തിളങ്ങി. ഫിലിം കംപാനിയൻ ഈ ദശാബ്ദത്തിലെ ഏറ്റവും മികച്ച 100 അഭിനയ പ്രകടനങ്ങളിലൊന്നായി ഈ ചിത്രത്തിലെ സായി പല്ലവിയുടെ പ്രകടനത്തെ തെരഞ്ഞെടുത്തിരുന്നു.
https://www.facebook.com/Malayalivartha