പാര്വതി തിരുവോത്തിന്റെ ഒരു ലൊക്കേഷന് ചിത്രം സോഷ്യല് മീഡിയയില് ചര്ച്ചയാകുന്നു...
മലയാളി താരം പാര്വതി തിരുവോത്തിന്റെ ഒരു ലൊക്കേഷന് ചിത്രമാണ് ഇപ്പോള് സോഷ്യല് മീഡിയയില് ചര്ച്ചയാകുന്നത്. താന് ഉപയോഗിച്ചിരുന്ന മാസ്ക് ഊരി തനിക്ക് കുട പിടിക്കുന്ന ആളുടെ കയ്യില് കൊടുക്കുന്ന പാര്വതിയുടെ ചിത്രമാണ് വിമര്ശനങ്ങള്ക്ക് കാരണം.
ഹരി പാങ്ങോട് എന്ന യുവാവാണ് പാര്വതിക്ക് എതിരെ കുറിപ്പ് പങ്കുവെച്ച് രംഗത്ത് എത്തിയിരിക്കുന്നത്. ഒരു കുട സ്വന്തമായി പിടിക്കാന് കഴിയാത്തത് പോട്ടെ, ധരിച്ചിരിക്കുന്ന മാസ്ക് ഊരി അയാളുടെ കയ്യില് കൊടുക്കുകയാണ്. സവര്ണ ബ്രഹ്മണിക്കല് ഹെജിമണിക്കാരുടെ കുറേ പ്രബന്ധങ്ങള് എഴുതാനുള്ള അവസരമാണ് ഈ ചിത്രത്തില് പാര്വതി ആയത് കൊണ്ട് മാത്രം നഷ്ടപ്പെട്ടു പോയത് എന്നാണ് ഹരി കുറിക്കുന്നത്.
മോഹന്ലാല് കോവിഡ് കാലത്ത് വീട്ടുജോലിക്കാരെ സാധനങ്ങള് വാങ്ങാന് പുറത്തേക്ക് പറഞ്ഞയച്ചു എന്നതിന്റെ പേരില് ഒരുപാട് പഴി കേള്ക്കുകയും ട്രോള് മഴ നനഞ്ഞതുമാണ്. ഈ ചിത്രത്തില് പാര്വതിക്ക് പകരം മോഹന്ലാലോ മമ്മൂട്ടിയോ (മമ്മൂട്ടി ആണെങ്കിലും രക്ഷപെട്ടു പോകും.മോഹന്ലാല് ആണ് എല്ലാവരുടെയും സ്ഥിരം ഇര) ആയിരുന്നെങ്കില് എന്താകുമായിരുന്നു ഇവിടുത്തെ പുകില്.
ഒരു കുട സ്വന്തമായി പിടിക്കാന് കഴിയാത്തത് പോട്ടെ, ധരിച്ചിരിക്കുന്ന മാസ്ക് ഊരി അയാളുടെ കയ്യില് കൊടുക്കുകയാണ്. ഏത് ,കോവിഡ് പ്രതിരോധിക്കാന് വേണ്ടി ധരിക്കുന്ന മാസ്ക് തന്നെ. സവര്ണ ബ്രഹ്മണിക്കല് ഹെജിമണിക്കാരുടെ കുറെ പ്രബന്ധങ്ങള് എഴുതാനുള്ള അവസരമാണ് ഈ ചിത്രത്തില് പാര്വതി ആയത് കൊണ്ട് മാത്രം നഷ്ടപ്പെട്ടു പോയത്. എന്നാണ് ഹരി ഫെയ്സ്ബുക്കില് കുറിച്ചത്.
നിരവധി പേരാണ് യുവാവിന്റെ അഭിപ്രായത്തെ അനുകൂലിച്ചും പ്രതികൂലിച്ചും രംഗത്ത് വന്നിരിക്കുന്നത്. നീ നവ മുതലാളിത്ത വ്യവസ്ഥയുടെ ജിഹ്വ അല്ലേടാ. നീയൊന്നും നീതി ഇല്ലാത്ത കാലത്ത് തീ ആകാന് കഴിയാതെ ചാവട്ടെ എന്നാണ് ഒരു യുവാവ് നല്കിയിരിക്കുന്ന കമന്റ്.
https://www.facebook.com/Malayalivartha