നടൻ മോഹൻലാലിന് പിറന്നാൾ ആശംസയുമായി മുൻ മന്ത്രിയും സുഹൃത്തുമായ ഷിബു ബേബി ജോൺ. 62ാം ജന്മദിനമാണ് താരം ആഘോഷിക്കുന്നത്. ഈ വേളയിൽ ഫേസ്ബുക്ക് പോസ്റ്റിലൂടെയായിരുന്നു അദ്ദേഹം നടനുമായുള്ള തന്റെ സൗഹൃദത്തെ പറ്റി കുറിച്ച് ആശംസകൾ നേർന്നത്. മോഹൻലാൽ തനിക്ക് സഹോദര തുല്ല്യനാണ്.

35 വർഷങ്ങൾക്ക് മുമ്പാണ് ഞങ്ങൾ പരിചയപ്പെട്ടത്. ആ പരിചയം സൗഹൃദമായി വളർന്നു ഇന്നും അത് നിലനിൽക്കുന്നുവെന്നും ആശംസ കുറിപ്പിൽ ഷിബു ബേബി ജോൺ പറഞ്ഞു. ലോ​കം ആരാധിക്കുന്ന ആ മഹാകലാകാരനെ ഓർത്ത് അഭിമാനം തോന്നുന്നുവെന്നും അഭിമാനമാണ് ഈ സൗഹൃദം. പ്രിയ സുഹൃത്തിന് പ്രിയപ്പെട്ട ലാലിന് ജന്മദിനാശംസകൾ'എന്നായിരുന്നു അദ്ദേഹം കുറിച്ചത്.

ഫേസ്ബുക്ക് പോസ്റ്റിന്റെ പൂർണ്ണരൂപം

'35 വർഷങ്ങൾക്ക് മുമ്പ് ഞങ്ങൾ പരിചയപ്പെട്ടു. ആ പരിചയം സൗഹൃദമായി. സൗഹൃദം പിന്നെ സഹോദരനിർവിശേഷമായ സ്നേഹമായി. ഇന്ന് ലോകം ആരാധിക്കുന്ന ഈ മഹാകലാകാരനെ എൻ്റേതെന്ന് പറഞ്ഞു ചേർത്തുപിടിക്കുമ്പോൾ അഭിമാനമാണ്.അഭിമാനമാണ് ഈ സൗഹൃദം.പ്രിയ സുഹൃത്തിന്പ്രിയപ്പെട്ട ലാലിന്ജന്മദിനാശംസകൾ''- ഷിബു ബേബി ജോൺ ഫേസ്ബുക്കിൽ കുറിച്ചു.

അതേസമയം 2021ൽ യുഡിഎഫ് സ്ഥാനാർത്ഥിയായി ചവറയിൽ ഷിബു ബേബി ജോൺ മത്സരിച്ചപ്പോൾ മോഹൻ ലാൽ ആശംസയുമായി എത്തിയിരുന്നു.