ആ ഓട്ടോയില് ഞങ്ങള് സ്ത്രീകള് മാത്രമാണ് ഉണ്ടായിരുന്നത്... അവര് വളരെ മോശമായാണ് പെരുമാറിയത്.. ഞങ്ങള്ക്ക് സുരക്ഷിതമായി തോന്നിയില്ല... കേരള പൊലീസില് നിന്നും മോശം അനുഭവമുണ്ടായെന്ന് അര്ച്ചന കവി
മലയാളികളുടെ ഇഷ്ട താരമാണ് അർച്ചനകവി. ഇപ്പോൾ സിനിമയിൽ അത്ര സജീവമല്ലെങ്കിലും തന്റെ വിശേഷങ്ങളെല്ലാം ആരാധകരുമായി താരം പങ്കുവെയ്ക്കാറുണ്ട്. ഇപ്പോഴിതാ പൊലീസില് നിന്നും നേരിട്ട മോശം അനുഭവം തുറന്ന് പറഞ്ഞ് രംഗത്തെത്തിയിരിക്കുകയാണ് നടി അര്ച്ചന കവി. സുഹൃത്തിനും കുടുംബത്തിനുമൊപ്പം രാത്രി യാത്ര ചെയ്യവേയാണ് മോശം അനുഭവം നേരിട്ടതെന്ന് താരം പറയുന്നു. സ്ത്രീകള് മാത്രമായി ഓട്ടോയില് യാത്ര ചെയ്ത തങ്ങളെ തടഞ്ഞു നിര്ത്തി ചോദ്യം ചോദിക്കുകയായിരുന്നു എന്ന് അര്ച്ചന വ്യക്തമാക്കി. ഈ സമയത്ത് യാത്ര ചെയ്യുന്നത് തെറ്റാണോ എന്ന ചോദ്യത്തോടെയാണ് അര്ച്ചന കുറിപ്പ് പങ്കുവച്ചത്.
ജെസ്നയും ഞാനും അവളുടെ കുടുംബത്തിനൊപ്പം മിലാനോയില് നിന്ന് തിരിച്ചുവരികയായിരുന്നു. ചില പൊലീസ് ഉദ്യോഗസ്ഥര് ഞങ്ങളെ തടഞ്ഞ് ചോദ്യം ചെയ്തു. ആ ഓട്ടോയില് ഞങ്ങള് സ്ത്രീകള് മാത്രമാണ് ഉണ്ടായിരുന്നത്. അവര് വളരെ മോശമായാണ് പെരുമാറിയത്. ഞങ്ങള്ക്ക് സുരക്ഷിതമായി തോന്നിയില്ല. ഞങ്ങള് വീട്ടില് പോവുകയാണ് എന്ന് പറഞ്ഞപ്പോള് ഞങ്ങള് എന്തിനാണ് വീട്ടില് പോകുന്നത് എന്നാണ് ചോദിച്ചത്. ചോദ്യം ചെയ്യുന്നതില് എനിക്ക് പ്രശ്നമൊന്നുമില്ല. എന്നാല് അതിന് ഒരു രീതിയുണ്ട്. ഇത് അങ്ങേയറ്റം ശല്യപ്പെടുത്തുന്നതായിരുന്നുവെന്നും അര്ച്ചനയുടെ കുറിപ്പിൽ പറയുന്നു.
ഇന്സ്റ്റാഗ്രാം സ്റ്റോറിയിലൂടെയായിരുന്നു താരത്തിന്റെ പ്രതികരണം. കേരള പൊലീസിനെയും ഫോര്ട്ട് കൊച്ചി പൊലീസിനെയും താരം ടാഗ് ചെയ്തിട്ടുണ്ട്.
https://www.facebook.com/Malayalivartha