ഒരാളെ പ്രണയിച്ചിരുന്നു; പക്ഷേ ഒരിക്കൽ അയാൾ എന്റെ അമ്മയെ കുറിച്ച് എന്നോട് ഒരു കാര്യം പറഞ്ഞു; അത് എനിക്ക് താങ്ങാനായില്ല; ഈ പ്രായത്തിൽ എന്റെ അമ്മയ്ക്ക് അതിന്റെ ആവശ്യം ഇല്ലായിരുന്നു; ആ ചോദ്യം ചോദിച്ച ഒരൊറ്റ കാരണത്താൽ ഞാനും അയാളും തമ്മിൽ പിരിഞ്ഞു; അതിനു ശേഷം ഇത് വരെയും അത് സംഭവിച്ചിട്ടില്ല; അവിവാഹിതയായി തുടരുന്നതിന്റെ കാരണം എന്താണെന്ന് വെളിപ്പെടുത്തി സുബി
മിനി പ്രേക്ഷകരുടെ ഇഷ്ടപ്പെട്ട താരമാണ് സുബി. അവതാരകയായും കോമഡി താരമായും സുബി തിളങ്ങുന്നുണ്ട്. അവിവാഹിതയായി തുടരുന്നതിന്റെ കാരണം എന്താണ് എന്ന് താരം വെളിപ്പെടുത്തി രംഗത്ത് വന്നിരിക്കുകയാണ്. ജീവിതത്തിൽ സമാധാനം വേണമെന്നുള്ളതുകൊണ്ടാണ് അവിവാഹിതയായി തുടരുന്നത്. പ്രേമിച്ച് വിവാഹം കഴിക്കാനാണ് താല്പര്യം.
ഒരാളെ താൻ പ്രണയിച്ചിരുന്നു. വീട്ടുകാരുമായുള്ള ബന്ധം നഷ്ടപ്പെടുമെന്ന അവസ്ഥ വന്നപ്പോൾ അത് വേണ്ടെന്ന് വച്ചു. പരസ്പര സമ്മതത്തോടെയാണ് പിരിഞ്ഞത്. ആദ്യം ഞാനാണ് ഒന്നിച്ച് പോകാൻ കഴിയില്ലെന്ന് തിരിച്ചറിഞ്ഞത്. വീട്ടിൽ സാമ്പത്തിക ബുദ്ധിമുട്ടുകൾ ഉണ്ടായിരുന്നു. എന്റെ വരുമാനം കൊണ്ടാണ് കഴിഞ്ഞിരുന്നത്. ആ സമയത്ത് എന്നെ പ്രണയിച്ചിരുന്ന വ്യക്തി എന്നോട് ചോദിച്ചത്, ‘അമ്മ ചെറുപ്പമല്ലേ, അമ്മയ്ക്ക് എന്തെങ്കിലും ജോലിക്കു പൊയ്ക്കൂടേ, ഞാൻ വേണമെങ്കിൽ ഒരു ജോലി ശരിയാക്കാം’ എന്നായിരുന്നു.
എന്നെ വളരെ കഷ്ടപ്പെട്ടു വളർത്തിയതാണ് അമ്മ. ആ അമ്മ ഈ പ്രായത്തിൽ ഒരു ജോലിക്കു പോയി അധ്വാനിച്ച് കൊണ്ടുവന്നിട്ട് എനിക്കു കഴിക്കേണ്ട യാതൊരു കാര്യവുമില്ല. അങ്ങനെയാണ് ഞങ്ങൾ പിരിഞ്ഞത്. അതൊരു ഡീപ് റിലേഷൻ ആയിരുന്നില്ല. പുള്ളിക്കാരൻ പ്രൊപ്പോസ് ചെയ്തു, എനിക്ക് കൊള്ളാമെന്നു തോന്നി. നല്ല ഒരു ജോലിയും ഉണ്ടായിരുന്നു. വിവാഹം കഴിച്ചിരുന്നെങ്കിൽ എന്നെ നന്നായി നോക്കിയേനെ.
പക്ഷേ എന്റെ വീടുമായുള്ള ബന്ധം നഷ്ടപ്പെടുമായിരുന്നു. അടുത്താണെങ്കിൽ ഇടയ്ക്ക് വന്നു കാണാം . എനിക്ക് അമ്മയെ വിട്ടു നിൽക്കാൻ സാധിക്കില്ല. ആ ഒരു കാരണം കൊണ്ടാണ് ഞങ്ങൾ പിരിഞ്ഞത്. അന്ന് പ്രേമിക്കാൻ വീട്ടിൽ ലൈസൻസൊന്നും ഇല്ലായിരുന്നു.
ഇപ്പോൾ വീട്ടുകാർ പറയുന്നത് ‘നിന്റെ വിവാഹം ഞങ്ങളുടെ സ്വപ്നമാണ്. നിനക്കിഷ്ടപ്പെട്ട ഒരാളെ തിരഞ്ഞെടുത്തോളൂ, ജാതിയും മതവും ഒന്നും പ്രശ്നമല്ല’ എന്നാണ്. പക്ഷേ ഇപ്പോൾ എനിക്ക് പ്രേമം വരുന്നില്ല. വിധി എന്നൊന്നുണ്ട്, നാളെ ഒരാളെ കണ്ടെത്തിക്കൂടെന്നില്ലെന്നാണ് സുബി പറയുന്നത്.
https://www.facebook.com/Malayalivartha