കഴിഞ്ഞ ദിവസങ്ങളിൽ അമൃതയും ഗോപിസുന്ദറും വിവാഹം കഴിഞ്ഞു എന്ന തരത്തിലുള്ള വാർത്തകൾ പ്രചരിക്കുകയാണ്‌. പുതിയ ജീവിതം തുടങ്ങുകയാണെന്ന സന്തോഷവാർത്തയാണ് ഇരുവരും ആരാധകരുമായി പങ്കുവെച്ചത്. ഈയൊരു വിഷയത്തിൽ പ്രതികരണവുമായി അമൃത സുരേഷിന്റെ മുൻഭർത്താവ് നടൻ ബാല രംഗത്ത് വന്നിരിക്കുകയാണ്. ഫേസ്ബുക്കിൽ പങ്കു വച്ച വീഡിയോയിലാണ് ഈ കാര്യങ്ങൾ പറഞ്ഞിരിക്കുന്നത്. ബാലയുടെ വാക്കുകൾ ഇങ്ങനെ; ഒരു ചെറിയ കാര്യം എനിക്ക് പറയാനുണ്ട്. ഇന്ന് രാവിലെ ഈ കാര്യവും ചോദിച്ച് കൊണ്ട് കുറച്ച് പേർ എന്നെ വിളിച്ചു. അതെന്റെ ലൈഫ് അല്ല.

അവനവൻ ചെയ്യുന്ന തെറ്റിന് അവനവന് തന്നെ ശിക്ഷ കിട്ടും. നല്ലത് ചെയ്താൽ നല്ലത് നടക്കുക തന്നെ ചെയ്യും. ചീത്ത ചെയ്താൽ ചീത്തയേ കിട്ടുള്ളൂ. അടുത്തിരുന്ന എലിസബത്തിനെ ചൂണ്ടി ഇതെന്റെ വൈഫാണെന്നും ഞാൻ നന്നായി ഇപ്പോൾ ജീവിക്കുന്നുവെന്നും ബാല പറഞ്ഞു. അവർ അങ്ങനെ പോവുകയാണെങ്കിൽ അങ്ങനെ പോകട്ടെ. എനിക്ക് അഭിപ്രായമില്ല. അവരും നന്നായി ഇരിക്കട്ടെ. ഞാൻ പ്രാർഥിക്കാമെന്നാണ് ബാല പറഞ്ഞിരിക്കുന്നത് . ചില മാധ്യമങ്ങൾ തങ്ങളുടെ മനസ്സ് വേദനിപ്പിച്ചുവെന്നും താരം പറഞ്ഞിരുന്നു. വ്യക്തിപരമായി ഒരുപാട് ഉപദ്രവിച്ചു. അത് എന്തിനാണെന്ന് മനസിലായിട്ടില്ല എന്നും താൻ അവരോട് ഒരു കുറ്റവും ചെയ്തിട്ടില്ലെന്നും ബാല പറഞ്ഞു.

പുതിയ ജീവിതം തുടങ്ങുകയാണെന്ന സന്തോഷവാർത്തയാണ് ഇരുവരും ആരാധകരുമായി പങ്കുവെച്ചത്. ജീവിതത്തിലെ വിഷമഘട്ടങ്ങള്‍ പിന്നിട്ട് ഒരുമിച്ചു മനോഹര യാത്ര ആരംഭിക്കുകയാണെന്ന് അമൃത വ്യക്തമാക്കിയത്. ആരാധകരുടെ സ്നേഹവും പ്രാർഥനയും എന്നും തങ്ങളുടെ കൂടെ ഉണ്ടാകുമെന്നു പ്രതീക്ഷിക്കുന്നതായും ഗായിക പറഞ്ഞു.

പരസ്പരം ചേർന്നു നിൽക്കുന്ന മനോഹര ചിത്രം പങ്കുവച്ചാണ് ഗോപി സുന്ദറും അമൃതയും പ്രണയം വെളിപ്പെടുത്തിയത്. ‘പിന്നിട്ട കാതങ്ങൾ മനസ്സിൽ കുറിച്ച് അനുഭവങ്ങളുടെ കനൽവരമ്പു കടന്ന് കാലവും കാറ്റും പുതിയ വഴികളിലേക്ക്….’ എന്ന അടിക്കുറിപ്പോടെയുള്ള പോസ്റ്റ്‌ ചുരുങ്ങിയ സമയം കൊണ്ട് ആരാധകർക്കിടയിൽ ചർച്ചയായി. ചിത്രം വൈറൽ ആയതോടെ ഇരുവർക്കും ആശംസകൾ അറിയിച്ചു നിരവധി പേർ രംഗത്തെത്തിക്കഴിഞ്ഞു.

“നിങ്ങളെ രണ്ടുപേരെയുമോര്‍ത്ത് വളരെ സന്തോഷം! ഇത് മനോഹരവും ആഴമേറിയതും പവിത്രമായതുമായ ഒന്നിന്‍റെ തുടക്കമാകട്ടെ. ഈ പ്രത്യേക ദിവസം നിങ്ങള്‍ക്കൊപ്പമുണ്ടായതില്‍ വളരെ സന്തോഷം” എന്നാണ് ചിത്രത്തിന് അടിയില്‍ ബിഗ് ബോസില്‍ താരമായിരുന്ന അപര്‍ണ മള്‍ബറി ഈ പോസ്റ്റിന് അടിയില്‍ പ്രതികരിച്ചത്. ‘മൈന്‍’ എന്നാണ് പോസ്റ്റിന് അടിയില്‍ അമൃതയുടെ സഹോദരി അഭിരാമി പ്രതികരിച്ചത്.