"മമ്മൂക്ക എടുത്ത ആ പിക് എവടെ കിട്ടും ഗയ്സ്"...! മെഗാസ്റ്റാർ ക്യാമറയിൽ പകർത്തുന്ന ഈ കുഞ്ഞ് ആരാണെന്നറിയാമോ, ചിത്രം സോഷ്യൽ മീഡിയയിൽ ചർച്ചാവിഷയം
അഭിനയത്തിൽ മാതത്രമല്ല വാഹനങ്ങളോടും ടെക്നോളജിയോടും എന്തിന് ഫോട്ടോഗ്രാഫിയോടും ഏറെ താൽപ്പര്യമുള്ള നടനാണ് മമ്മൂട്ടി. താരം പകർത്തുന്ന ഫോട്ടോകളൊക്കെ പലപ്പോഴും ചർച്ചയാകാറുണ്ട്. ഈയടുത്ത് മമ്മൂട്ടിയെടുത്ത ദുൽഖർ ചിത്രങ്ങൾ ഏറെ പ്രശംസ നേടിയിരുന്നു.
ഇപ്പോഴിതാ മമ്മൂട്ടി പകർത്തിയ മറ്റൊരു ചിത്രമാണ് സോഷ്യൽ മീഡിയയിലെ ചർച്ചാവിഷയം. ഒരു കുഞ്ഞിന്റെ ചിത്രം മമ്മൂട്ടി ക്യാമറയിൽ പകർത്തുന്ന മമ്മൂട്ടിയുടെ ചിത്രമാണ് സോഷ്യൽ മീഡിയ ഏറ്റെടുത്തിരിക്കുന്ന്.
നടൻ കുഞ്ചാക്കോ ബോബന്റെ മകൻ ഇസഹാക്കിന്റെ ചിത്രമാണ് മമ്മൂട്ടി പകർത്തുന്നത്. മെഗാ സ്റ്റാർ ചിത്രമെടുക്കുന്നത് കുഞ്ചാക്കോ ബോബൻ പകർത്തി. ഈ ചിത്രം താരം തന്റെ സോഷ്യൽ മീഡിയയിലൂടെ പുറത്തുവിട്ടത് ആരാധകർ ഏറ്റെടുത്തിരിക്കുകയാണ്. “ഇസു മെഗാസ്റ്റാറിന്റെ ക്യാമറയിൽ പെട്ടപ്പേൾ, രണ്ടുപേരും മെഗാസ്റ്റാറിന്റെ ഫാൻ ബോയ് ആയ എന്റെ ക്യാമറയിൽ വന്നുപെട്ടപ്പോൾ,” എന്ന ക്യാപ്ഷനോടെയാണ് ചാക്കോച്ചൻ ചിത്രം ഷെയർ ചെയ്തത്.
കഴിഞ്ഞ മാസം ഏപ്രിലിലായിരുന്നു കുഞ്ചാക്കോ ബോബന്റെ മകന്റെ ജന്മദിനം. ജന്മദിനത്തില് തന്റെ മകന് ആശംസകളുമായി എത്തിയവര്ക്കുള്ള നന്ദി രേഖപ്പെടുത്തിയുള്ള കുറിപ്പ് താരം പങ്കുവച്ചിരുന്നു.സിബിഐ 5ന്റെ ഷൂട്ടിനിടയിൽ സംവിധായകൻ കെ. മധുവിന്റെ മമ്മൂട്ടി പകർത്തിയ ചിത്രങ്ങളും ശ്രദ്ധ നേടിയിരുന്നു. ക്ലിക്ക് ചെയ്യാനുള്ള ആവേശവും ക്ലിക്ക് ചെയ്യപ്പെടാനുള്ള സന്തോഷവും എന്ന ക്യാപ്ഷനോടെയാണ് കെ.മധു ചിത്രം പങ്കുവച്ചത്.
https://www.facebook.com/Malayalivartha