11 വര്‍ഷമായി ലിവിങ് റിലേഷന്‍ ഷിപ്പിലായിരുന്നു ഗോപി സുന്ദറും അഭയ ഹിരണ്‍മയിയും. വിവാഹം കഴിക്കാതെ ഒന്നിച്ചു കഴിയുന്നതിനെക്കുറിച്ച് നേരത്തെ അഭയ ഹിരണ്‍മയി സോഷ്യല്‍ മീഡിയയില്‍ പങ്കുവച്ചിരുന്നു. എന്നാൽ അമൃത സുരേഷും ഗോപി സുന്ദറും ഒന്നിച്ചുള്ള ഫോട്ടോ കഴിഞ്ഞ ദിവസം പുറത്തുവന്നിരുന്നു. ക്ഷണനേരം കൊണ്ടായിരുന്നു സംഭവം വൈറലായത്. പിറന്നാളാഘോഷത്തിന്റെ ചിത്രങ്ങള്‍ പങ്കിട്ടെത്തിയപ്പോഴും ഗോപി സുന്ദറെവിടെയെന്നായിരുന്നു ചിലര്‍ അഭയയോട് ചോദിച്ചത്. എന്നൊടൊപ്പമുള്ള പുരുഷ സുഹൃത്തുക്കള്‍ എന്റെ ബോയ് ഫ്രണ്ടല്ല, അത്തരത്തിലുള്ള പ്രചാരണങ്ങള്‍ നിര്‍ത്തണമെന്നും അഭയ പറയുന്നു. ഇന്‍സ്റ്റഗ്രാം പോസ്റ്റിലൂടെയായാണ് ഇതേക്കുറിച്ച് വ്യക്തമാക്കിയത്. എനിക്കൊരു ഉപകാരം ചെയ്യാമോയെന്ന് ചോദിച്ചായിരുന്നു അഭയ കുറിപ്പ് പോസ്റ്റ് ചെയ്തത്.

എനിക്കൊപ്പമുള്ള പുരുഷ സുഹൃത്തുക്കള്‍ എന്റെ ബോയ്ഫ്രണ്ടാണെന്നും അവരെ ചേര്‍ത്ത് കഥകള്‍ ഇറക്കുന്നതും അവസാനിപ്പിക്കണമെന്നുമായിരുന്നു അഭയ പറഞ്ഞത്. അവര്‍ക്കും കുടുംബവും കുട്ടികളുമുണ്ട്. അവര്‍ക്ക് അവരുടേതായ ജീവിതമുണ്ട്. എന്റെ സുഹൃത്തുക്കളായതിന്റെ പേരില്‍ അവരെ അപമാനിക്കുന്നത് തികച്ചും മോശമായ കാര്യമാണ്. പബ്ലിക് സ്‌പേസില്‍ അവരെ ട്രോളുന്നതും അപമാനിക്കുന്നതും ശരിയല്ല. നിലവിലെ സാഹചര്യത്തെക്കുറിച്ച് ഞാനെവിടേയും പ്രതികരിച്ചിട്ടില്ല. എന്റേതാണെന്ന തരത്തില്‍ പ്രചരിക്കുന്ന കാര്യങ്ങളൊന്നും ശരിയല്ല. എന്റെ ജീവിതത്തില്‍ നടക്കുന്ന കാര്യങ്ങള്‍ തികച്ചും വ്യക്തിപരമാണ്. അതിലേക്ക് സുഹൃത്തുക്കളെ വലിച്ചിഴയ്ക്കുന്നത് ശരിയല്ലെന്നുമായിരുന്നു അഭയ കുറിച്ചത്. ഇത്തരത്തിലുള്ള പ്രചാരണങ്ങളൊക്കെ അവഗണിക്കൂ, ഞങ്ങള്‍ കൂടെയുണ്ട്, ശക്തയായിരിക്കൂ തുടങ്ങി നിരവധി കമന്റുകളാണ് പോസ്റ്റിന് താഴെയുള്ളത്.