2001 ല്‍ ആണ് പ്രിയയും ഗോപി സുന്ദറും തമ്മിലുള്ള വിവാഹം നടന്നത്. രണ്ട് ആണ്‍ മക്കളും ഈ ബന്ധത്തിലുണ്ട്. പ്രിയയുമായുള്ള ദാമ്പത്യ ജീവിതത്തിന് ഇടയിലാണ് അഭയ ഹിരണ്‍മയിയുമായി ഗോപി സുന്ദര്‍ പ്രണയത്തിലാവുന്നത്. തുടര്‍ന്ന് ലിവിങ് റിലേഷനും ആരംഭിയ്ക്കുകയായിരുന്നു. 3 വര്‍ഷം മുന്‍പായിരുന്നു അഭയ ഗോപി സുന്ദറിനൊപ്പമുള്ള ലിവിങ് റ്റുഗദര്‍ ജീവിതം പരസ്യമാക്കിയത്. പൊതുപരിപാടികളിലും റിയാലിറ്റി ഷോകളിലുമെല്ലാം ഇവര്‍ ഒന്നിച്ചെത്താറുണ്ടായിരുന്നു.

എന്നാൽ കഴിഞ്ഞ ദിവസം ഗോപി സുന്ദറും ഗായികയായ അമൃത സുരേഷും പങ്കുവെച്ച ഒന്നിച്ചുള്ള സെല്‍ഫി വലിയ ചര്‍ച്ചയായിരിക്കുകയാണ്. ഒരേ ക്യാപ്ഷനൊപ്പമായാണ് ഇരുവരും ഫോട്ടോ പോസ്റ്റ് ചെയ്തത്. കണ്ണടച്ച് തുറക്കും മുന്‍പ് തന്നെ ചിത്രം വൈറലായി മാറുകയായിരുന്നു. കഴുത്തില്‍ മാലയണിഞ്ഞുള്ള ചിത്രങ്ങള്‍ കൂടി പുറത്തുവന്നതോടെ ഇരുവരും വിവാഹിതരായി എന്ന തരത്തിലുള്ള റിപ്പോര്‍ട്ടുകളും പ്രചരിക്കുന്നുണ്ട്. പളനി സന്ദര്‍ശനത്തിനിടയില്‍ പകര്‍ത്തിയ അമൃതയുടെ ഫോട്ടോയും കഴിഞ്ഞ ദിവസം ചര്‍ച്ചയായിരുന്നു. കഴുത്തില്‍ മാലയണിഞ്ഞ് കൈയ്യില്‍ പ്രസാദവുമായി ചിരിച്ച് നില്‍ക്കുന്ന ഫോട്ടോയായിരുന്നു അമൃത പോസ്റ്റ് ചെയ്തത്. 5 ദിവസം മുന്‍പായിരുന്നു ഈ ഫോട്ടോ പോസ്റ്റ് ചെയ്തത്. പളനി മുരുകനുക്ക് ഹരോഹര എന്നായിരുന്നു ചിത്രത്തിന്റെ ക്യാപ്ഷന്‍. എന്നാൽ പളനി സന്ദര്‍ശനത്തില്‍ ഗോപി സുന്ദറും അമൃതയ്‌ക്കൊപ്പമുണ്ടായിരുന്നു എന്ന കണ്ടെത്തലുകളുമുണ്ട്. പളനി മുരുകനുക്ക് ഹരോഹരയെന്ന ക്യാപ്ഷനോടെയായിരുന്നു ഗോപി സുന്ദര്‍ ചിത്രം പോസ്റ്റ് ചെയ്തത്. മാലയും കൈയ്യില്‍ പിടിച്ചുള്ള ഗോപി സുന്ദറിന്റെ ഫോട്ടോയും ചര്‍ച്ചയായിരുന്നു. ഇത് ഇവരുടെ വിവാഹസമയത്തെ ചിത്രമാണെന്ന തരത്തിലുള്ള റിപ്പോര്‍ട്ടുകളും പ്രചരിച്ചിരുന്നു.

കഴുത്തില്‍ മാലയണിഞ്ഞ് നില്‍ക്കുന്ന അമൃതയുടെ ഫോട്ടോ കണ്ടതോടെയാണ് ഇരുവരും വിവാഹിതരായെന്ന കമന്റുകള്‍ വന്നത്. പളനി സന്ദര്‍ശനത്തിനിടയിലെ ചിത്രങ്ങളായിരുന്നു അതെന്നുള്ള കമന്റുകളുമുണ്ടായിരുന്നു. ഏകദേശം ഒരേസമയത്താണ് ഇരുവരും പളനി സന്ദര്‍ശനത്തിന്റെ ചിത്രം സോഷ്യല്‍മീഡിയയില്‍ പോസ്റ്റ് ചെയ്തത്. അതാണ് സംശയങ്ങള്‍ക്ക് കാരണമായതും. പക്ഷെ പല രീതിയിലും വിവാഹ വാര്‍ത്തകളെ കുറിച്ച് പ്രചരിക്കുമ്പോഴും അമൃതയോ ഗോപി സുന്ദറോ ഇതേക്കുറിച്ച് പ്രതികരിച്ചിട്ടില്ല. എന്നാൽ കഴിഞ്ഞ ദിവസം അമൃത വീണ്ടും ഗോപിസുന്ദറുമായുള്ള ചിത്രം സ്റ്റാറ്റസ് ഇട്ടിരുന്നതും സംശയത്തിന്റെ ബലം കൂട്ടി. ഒന്നിച്ചുള്ള ചിത്രം പങ്കിട്ടപ്പോള്‍ താരങ്ങളുള്‍പ്പടെ നിരവധി പേരായിരുന്നു ഇവര്‍ക്ക് ആശംസകള്‍ അറിയിച്ചത്.