പ്രേക്ഷകർക്ക് വേറിട്ട ദൃശ്യാനുഭവങ്ങൾ സമ്മാനിച്ച കലാകാരനാണ് സന്തോഷ് ശിവൻ. ഛായാഗ്രഹകനും സംവിധായകനുമായി തിളങ്ങിയ അദ്ദേഹം താനൊരു അഭിനേതാവാണെന്ന് കൂടി തെളിയിച്ചിരുന്നു. ലെനിന്‍ രാജേന്ദ്രന്‍ സംവിധാനം ചെയ്ത മകരമഞ്ഞിലായിരുന്നു സന്തോഷ് ശിവൻ അഭിനേതാവിന്റെ മേലങ്കി അണിഞ്ഞത്.സിനിമാ ആസ്വാദകരെ കാഴ്ചയുടെ പുത്തൻ തലത്തിലേക്ക് കൈപിടിച്ചുയർത്തിയ ഛായാഗ്രാഹകനാണ് സന്തോഷ് ശിവൻ. സംവിധായകനെന്ന നിലയിലും പ്രേക്ഷകരെ ത്രസിപ്പിക്കാൻ അദ്ദേഹത്തിന് സാധിച്ചിട്ടുണ്ട്.

അദ്ദേഹത്തിന്റെ സംവിധാനത്തിൽ ഏറ്റവും ഒടുവിലായി പുറത്തിറങ്ങിയ ചിത്രമാണ് 'ജാക്ക് ആൻഡ് ജിൽ'.. മഞ്ജു വാര്യർ ആണ് ചിത്രത്തിൽ പ്രധാനകഥാപാത്രത്തെ അവതരിപ്പിക്കുന്നത്. സൗബിന്‍ ഷാഹിര്‍, നെടുമുടി വേണു, ഇന്ദ്രന്‍സ്, ബേസില്‍ ജോസഫ്, കാളിദാസ് ജയറാം, അജു വര്‍ഗീസ്, സേതുലക്ഷ്മി, ഷായ്‌ലി കിഷന്‍, എസ്ഥേര്‍ അനില്‍ തുടങ്ങിയ മികച്ചൊരു താരനിര അണിനിരക്കുന്നുണ്ട്.ഇപ്പോളിതാ ചിത്രത്തിന്റെ വിശേഷങ്ങൾ പങ്കുവെക്കവേ സന്തോഷ് ശിവൻ പറഞ്ഞ ചില കാര്യങ്ങളാണ് വൈറലാകുന്നത് .

മോഹൻലാലിനെക്കുറിച്ചുള്ള ഒരു രസകരമായ അനുഭവമാണ് സന്താഷ് ശിവൻ പങ്കുവെക്കുന്നത്. 'കാലാപാനി ഒരുപാട് കഷ്ടപ്പെട്ട പടമാണ്. ആൻഡമാനിൽ ഓംഗി ട്രെെബ്‌സിനെ കാണാൻ പോയി. ലാൽ സാറും പ്രഭുവും പ്രിയദർശനും ഞാനും ഒക്കെ ചെറിയ ബോട്ടിലാണ് അങ്ങോട്ടേയ്ക്ക് പോയത്. നടക്കാനും കുറെ ഉണ്ടായിരുന്നു. ഒരു ഓംഗി ലാൽ സാറിന്റെ കരണക്കുറ്റി നോക്കി അടിക്കണം. ആ സ്ത്രീ ചിരിച്ചിട്ട് ഒറ്റ അടി. ഫേക്ക് അടി അല്ല, റിയൽ അടിയായിരുന്നു. ലാൽ സാറിന് ഇപ്പോഴും ആ അടി ഓർമ്മയുണ്ട്.

അവര് നന്നായി അടിച്ചു. മീൻ പിടിക്കണ കെെയല്ലേ. ആ സീൻ സിനിമയിലുണ്ട്'- സന്തോഷ് ശിവൻ പറഞ്ഞു.മമ്മൂട്ടി തന്നെ പാര എന്ന് വിളിക്കുമെന്നും തനിക്ക് ആ വിളി ഇഷ്ടമാണെന്നും സന്തോഷ് ശിവൻ പറഞ്ഞു. കളിക്ക് പറയുന്നതാണെന്നും പിന്നീട് ആ വാക്ക് സിനിമയിൽ ഉപയോഗിച്ചുവെന്നും അദ്ദേഹം വ്യക്തമാക്കി.

മോഹൻ ലാലിനെക്കൊണ്ട് യോദ്ധയിൽ ജഗതിയെ പാര എന്ന് വിളിപ്പിച്ചുവെന്നും സന്തോഷ് ശിവൻ കൂട്ടിച്ചേർത്തു.മഞ്ജു വാര്യർ കേന്ദ്ര കഥാപാത്രമായെത്തിയ ജാക്ക് എൻ ജിൽ ആണ് ഏറ്റവും പുതിയ സന്തോഷ് ശിവൻ ചിത്രം. കോമഡി സയൻസ് ഫിക്ഷൻ വിഭാഗത്തിലുള്ള ഒരു പരീക്ഷണ ചിത്രമായിരുന്നു ജാക് എൻ ജിൽ. മലയാളസിനിമയിൽ അധികമാരും പരീക്ഷിക്കാത്തൊരു മേഖലയാണ് സയൻസ് ഫിക്‌ഷൻ.

മനുഷ്യമനസിനും അതീതമായ ചിന്തകളുടെ കഥ പറയുന്ന മായാകാഴ്ചകളാകും ഇത്തരം സിനിമകളുടെ പ്രത്യേകത. ഹോളിവുഡ് സിനിമകളിലൂടെ മാത്രം കണ്ട് ശീലിച്ച ഈ കാഴ്ചാലോകത്തേയ്ക്കാണ് ജാക്ക് ആൻഡ് ജില്ലും നമ്മെ കൂട്ടിക്കൊണ്ട് പോകുന്നത്. സയൻസ് ഫിക്‌ഷൻ കോമഡി വിഭാഗത്തിലുള്ള ഒരു പരീക്ഷണ ചിത്രമാണ് ജാക്ക് ആൻഡ് ജിൽ.

മേക്കിങ് കൊണ്ടും പ്രമേയത്തിന്റെ പുതുമ കൊണ്ടും ദൃശ്യാനുഭവം തന്നെയാണ് ഈ ചിത്രം. സന്തോഷ് ശിവൻ ഫ്രെയിമുകൾ അതിമനോഹരം. ഗാനരംഗത്തിലും ആക്‌ഷൻ രംഗങ്ങളിലും സന്തോഷ് ശിവന്‍ ടച്ച് പ്രകടമാകും. കുട്ടികള്‍ക്കും മുതിര്‍ന്നവര്‍ക്കും ഒരുപോലെ ഇഷ്ടപ്പെടുന്ന ചിത്രമായിരിക്കും ജാക്ക് ആൻഡ് ജിൽ.