ബിഗ് ബി'ക്കു ശേഷം മമ്മൂട്ടിയും അമല്‍ നീരദും ഒന്നിച്ച 'ഭീഷ്മ പര്‍വ്വം' വലിയ ഹിറ്റായി മാറി. ആരാധകർ ഏറെ കാത്തിരുന്ന ചിത്രത്തിന് വൻ വരവേൽപ്പ് തന്നെയായിരുന്നു കിട്ടിയത്. ഈ വർഷം ഏറ്റവും കൂടുതൽ തിയറ്റർ കളക്ഷൻ നേടിയ സിനിമയാണ് ഭീഷ്മ. ചിത്രത്തിന്റെ ആദ്യ ദിവസം മുതല്‍ വലിയ തിരക്കാണ് തീയേറ്ററുകളിലും അനുഭവപ്പെട്ടത്. അമല്‍ നീരദ്-മമ്മൂട്ടി കൂട്ടുകെട്ടില്‍ പിറന്ന ചിത്രം മാസ് എന്റര്‍ടെയിന്‍മെന്റായിരുന്നു. ബിഗ് ബിക്ക് ശേഷം സംഭവിച്ച ചിത്രം ലൂസിഫറിന്റെ റെക്കോഡുകളെ പോലും മറികടന്നു. ഇപ്പോള്‍ 'ഭീഷ്മപര്‍വ്വം' ഹോട്ട്‌സ്റ്റാറില്‍ സംപ്രേഷണം തുടരുകയാണ്.

ചിത്രത്തിലെ ഗാനങ്ങളും ഗാനരംഗങ്ങളുമൊക്കെ ഏറെ ശ്രദ്ധ നേടുകയും ചെയ്തിരുന്നു. ശ്രീനാഥ് ഭാസിയും അനഘയും അഭിനയിച്ച ആകാശം പോലെ എന്ന ഗാനത്തിലെ ലിപ് ലോക്ക് രംഗങ്ങളും കിടപ്പറ രംഗങ്ങളുമൊക്കെ സോഷ്യൽ മീഡിയയിലും തീയേറ്ററുകളിലുമൊക്കെ വലിയ ശ്രദ്ധ നേടുകയും ചെയ്തതാണ്. ഇപ്പോഴിതാ സിനിമയിലെ ഈ രംഗങ്ങളെ വിമർശിച്ചു കൊണ്ട് ഒരു സിനിമാ പ്രേക്ഷക കുറിച്ച വാക്കുകളാണ് ശ്രദ്ധേയമാകുന്നത്. ഫാമിലിയുമൊത്ത് ഭീഷ്മ പർവം കാണുവാൻ പോയപ്പോൾ ശ്രീനാഥ് ഭാസി അഭിനയിച്ച രംഗം വന്നപ്പോൾ തൊലി ഉരിഞ്ഞു പോയി എന്ന് പറയുകയാണ് സിനിമാസ്വാദകൻ. എന്തിനാണ് ഇങ്ങനെയുള്ള രംഗം സിനിമകളിൽ ഉൾപ്പെടുത്തുന്നത് എന്നും ഇദ്ദേഹം ചോദിക്കുന്നു.കുട്ടികൾ നമ്മളെ പോലെ ചിന്തിക്കില്ല, അവർ നമ്മളിൽ നിന്നും ഒരുപാട് വ്യത്യസ്തമാണ് അവരുടെ ചിന്താഗതി. ഇതുപോലെയുള്ള രംഗങ്ങൾ കണ്ട് കുട്ടികൾ പ്രവർത്തിക്കുമെന്നും പിന്നീട് സദാചാരക്കാർ ഇറങ്ങുമെന്നും കമൻ്റിൽ പറയുന്നു. ഈ അഭിപ്രായത്തോട് വലിയ പിന്തുണയാണ് സോഷ്യൽ മീഡിയയും നൽകുന്നത്. അമൽ നീരദ് സംവിധാനം ചെയ്ത ചിത്രത്തിൽ സൗബിൻ ഷാഹിർ, ഷൈൻ ടോം ചാക്കോ, ശ്രീനാഥ് ഭാസി, അനഘ, ശ്രിന്ദ, വീണ, എന്നിവരാണ് പ്രധാന വേഷങ്ങൾ അവതരിപ്പിച്ചിരിക്കുന്നത്.